II Kronika 7:3 - Labrador Inuttitut Heritage Bible

³ Israeliblo ᴋittorngangita illunatik ikkoma takkovât kattaktillugo, Nalekablo ânanauninga iglub ᴋollâne, okkolerlutiglo kênatik pûvlugit nunamut, opigosulutiglo. Nalegarlo ᴋujagivât pitsiarmat, napkiningningalo sorairniatsangimat.

II Kronika 7:3 Iomraidhean Croise

I Atannit 18:39

Inugasaksuillo tamânna takkogamitsuk, pamakterput oᴋarlutiglo: Nâlegak Gûdeôvok, Nâlegak Gûdeôvok!

I Kronika 16:34

Nalegak ᴋujagisiuk ilannâᴋarmat, saimarsainingalo sorairniatsengimat.

I Kronika 16:41

Tapkoalo ilagilugit Heman, Jeditunelo, annerijaujullo asingit attermikut taijaumalauktut, Nalegak ᴋujagilugo pitsiarninga sorainiatsangimat.

I Kronika 29:20

Davidelo ilagêt ilûnamasianginut oᴋarpok: Nalegak Gûdise nertorsiuk! Ilagêllo ilûnamasiatik Nalegak atâtagijamik Gûdingat nertorpât, okᴋolutiglo opigilakillo Nalegak attannerlo;

II Kronika 20:18

Tagva Josafate okkolerpok kênane pûvlugo nunamut; Judakullo, Jerusalemiullo illunamasiatik pamakterput Nalekab sânganut, Nalegarlo opigivât.

II Kronika 20:21

Innugasaksuillo oᴋarᴋattigivait, imgertoᴋartitsivorlo Nalekamut, nertordlerᴋovlugit pinarnarsinerme heiligeôjome, sivurlerᴋovlugillo oppalungêrsimajunik unatadlarnermut, oᴋarᴋovlugillo: Nalegak ᴋujagisiuk napkiningninga sorainiatsangimat.

II Kronika 29:28

Illagêllo illunatik pamakterput; imgernerlo tussaksaulaukpok, Trompetillo nipliadlarput tunnergut ôtaksak tunnijaujarêrᴋârtinnago.

II Kronika 29:29

Tunnergullo ôtaksak tunnijaujarêrmat, attannek okkovok, illunatiglo najuganêlauktut, opigosulutiglo.

II Kronika 29:30

Attanniublo Hiskiab angajoᴋaunerôjullo, Levitit perᴋovait Nalegak nertorlugo Davidib Assafiblo takkojub imgerutingit attorlugit piᴋovlugit. ᴋuviasuklutiglo nertordlerput okkolutiglo, opigosularmiglo.

II Kronika 5:13

Imailaukporlo attausênak Trompetesijarajarune imgerajarunelo, nippe attausênak tussartaunajarune Nalegak nertorlugo ᴋujagilugolo. Trompetillo, Cimbelillo noᴋaᴋseraggillo sunatuinait, nertordlertullo Nalekamik, pitsiarmat napkiningningalo sorairniatsangimat issoᴋangitomut, nippingit pigialermatta: tagva Nalekab iglunga illumertaulerpok nuvujarmik,

Esra 3:11

Imgerpullo Nalegak nertorlugo ᴋujagilugolo, pitsiarmat, napkoarningalo sorainiangmat Israelemut. Innugasaksuillo illunatik nipliadlarput Nalegak nertorlugo Nalekab iglungata tungavia illijaumangmat.

Imgerut 100:5

Nâlegak illanâᴋarmat, saimarveᴋarninga issoᴋangitôvok, mikseᴋârningalo soraijuitôvok.

Imgerut 103:17

Nâlekable saimaveᴋarninga soraijuipok issoᴋangitomit issoᴋangutomut, sivôragijinginnut; idluarningallo ᴋittorngat ᴋittornganginut;

Imgerut 106:1

Hallêluja. Nalegak ᴋujagissiuk illanâᴋarmat, pitsiarningalo îtsainarpok issoᴋangitomut.

Imgerut 107:1

Nalegak ᴋujagissiuk, illanâᴋarmat, pitsiarningalo îtsainarmat issoᴋangitomut.

Imgerut 118:1

Nalegak ᴋujagissiuk illanâᴋarmat, pitsiarningalo îtsainarpok issoᴋangitomut.

Imgerut 95:6

ᴋaititse, opigosukta, sêrkortorlutalo, pâmakterlutalo Nâlekab sannajipta sângane.

Exodus 4:31

Inuillo okpilerput; tusaramiglo Nâlekab Israêlikut takojartormagit, kapiasuktitauningillo takonârmagit, tagva okᴋungalerput opigosuklutik.

Jesaiase 63:7

Erᴋaumajomadlarpakka Nâlekab saimarsainingit Nâlekablo nertornautingit, idluarmattut Nâlekab piniarnerijangit pivlugit uvaptingnut, pitsiarnersoangalo, Israêlikkunut saᴋᴋijârtitanga nâpkigosumut saimanermullo angijoᴋsoamut.

Jeremia 33:11

Kuviasuktut nippinginik, aliasuktullo nippinginik, nulianiktûb nippinganik, uiniktûblo nippinganik, ipkoalo nippinginik oᴋartut: Nâlagaᴋ Zebaot ᴋujagisiuk, Nâlagaᴋ ajungitôngmat, nâpkiningningalo soraijuitôngmat; ipkoalo tunergutinik ᴋujalitiksanik Nâlakab iglunganut âtsijut nippinginik. Nunab aularutijaujungit utertitsomârapkit sorlo pigiarnerme, oᴋarpoᴋ Nâlagaᴋ.

Leviticus 9:24

Ikomalo anivok Nâlekab sânganit nungutsilunalo tunergutiksamik ôtaksamik tunnomiglo tunerguservingmêtunik; inuillo ilûnatik tamanna takogamitsuk ᴋaggûdlarput pâmangalutiglo.

Numbers 14:5

Moseselo Aronelo kênatik pûlugik pâmangavuk Israêlikut ilagêktoᴋsuit katimajut ilûnatik sângine,

Numbers 16:22

Pâmakterpuglo, oᴋarlutiglo: Gûdik, uvinilit ilûnatik anerningita Gûdingat, angut atauseᴋ idluitulingmat, ilagêktoᴋsuit ilûnaita ningaumajârvigijomavigît?

Lukase 1:50

Nâpkiningningalo nâlektiminêtsainarpok soraijunane.