II Atannit 1:3 - Labrador Inuttitut Heritage Bible

³ Nâlekable Engelingata Elia Tisbitemiok oᴋarvigiva: Parngnairit, atanniublo Samariamiub tilijangit pârniarkit, oᴋautilugillo: Gûdeᴋangilâk Israelitine, Baal-Sebube Ekronemiut Gûdingat aperiartorapsiuk?

II Atannit 1:3 Iomraidhean Croise

I Atannit 17:1

Elialo Tisbitemiok Gileademiut illangat oᴋarpok Ahabemut: Sorlo mikseᴋârtomik Nâlegak Israelitit Gûdingat, sângiartara inôngmat, jârine tamakkonane mitsungniangilarlonêt, sillalungniangilarlonêt, kisiane uvanga oᴋaruma.

Jona 2:8

Piungitunik suksaungitunik sungertûteᴋartut ᴋemaivut nâpkigijaunermingnik.

Imgerut 76:1

Gude Judame illitarijauvok, Israelemelo attinga angijôvok.

Apostelit Piniarningit 8:26

Nâlekable Engelinga Filippusemut oᴋarpok: Nikovilerit ailerlutillo seᴋinerdlinut, apᴋosinek Jerusalemit Gâzamut ilingajok atorlugo inuᴋangitokut.

Markuse 3:22

Aglangnigle illisimajut Jerusalemit atârsimajut oᴋarput: Beelzebubeᴋarpoᴋ, Sâtanasillo angajoᴋângatigut Sâtanasit anitipait.

II Atannit 5:15

Utterivorlo Gûdib anguteᴋotinganut, ilagijane ilunnatik ilagilugit. Itteramelo sângerpa, oᴋarlunelo: Ahâk illitarksimavunga, Gûdeᴋangimat nunane ilunnaine, Israeleme kisiane; mannalo pilliumik tigusilaurit kivgarnit.

II Atannit 1:8

Tapᴋoa oᴋautivât: Angutaulaukpok merᴋolingnik anorâlik, tapseruteliglo makitimigut amivinermik. Tâmnâle oᴋarpok: Eliaôvok, Tisbitemiok.

II Atannit 1:6

Tapᴋoa oᴋautivât: Angutib majorarlune pârlaukpâtigut, oᴋautilutalo: Utermititse atannermut tilijigilauktapsingnut, oᴋautilugolo: Imâk Nâlegak oᴋarpok: Gûdeᴋangilâk Israelitine, tillikleravit Baal-Sebube Ekronemiut Gûdingat aperiartorlugo? Tamanna pivlugo makitsungnaituksauvotit inangavingmit nallariarvigilauktarnit, toᴋojuksauvotille.

II Atannit 1:2

Ahasjalo katakpok ᴋilapataujakut iglomine Samariame, ᴋanimalerlunelo, tilijaksaniglo tiliklerpok, oᴋautivaillo: Apperiartoritse Baal-Sebubemik Ekronemiut Gûdinganik, ᴋanimasermit tamattomangat nakoksiniarmangarma?

I Atannit 21:17

Nâlekable oᴋausingata Elia Tisbitemiok tikkipa, oᴋarlunelo:

I Atannit 19:7

Nâlekablo Engelinga tikkipsarpok aipanganik, aktorpalo, oᴋarlunelo: Makkitit nerrilutillo: apᴋosinek attoriaᴋartat sivitôngmat.

I Atannit 19:5

Inarlunelo sinnilarmelo kigutangernaujakutit atâne. Ahâglo, Engelib aktorpa, oᴋautilalo: Makkitit nerrilutillo.

I Atannit 18:36

Tunnerguteᴋarviublo nerᴋiksanik nelliuningane, Elia nellautaijok tagvungariarpok oᴋarlunelo: Nâlegak Abramib, Isaublo, Israeliblo Gûdingat, uvlome ᴋaujijaule igvit Gûdeôgavit Israeleme, uvangalo kivgaugama illingnut, taimailiorlauramalo oᴋautsitit malliklugit.

I Atannit 18:1

Nelliutorlo sivitôjok ᴋângermat, Nâlekab oᴋausingata Elia tikkipa, jârit pingajuane, oᴋarlunelo: Ailerit takkotilutillo Ahabemut, sillaluᴋojiᴋovlunga nuname.

I Samuel 17:46

Uvlorme tamattomane Nalekab unertotiginiarpâtit aggamnut, annauniᴋovlunga illingnik, pêrsiᴋovlungalo niakungnik illingnit; tunnijiᴋovlungalo Filisterit kattimgajoᴋotingita timinginik anernengêrtunik tingmitsanut ᴋillaub attânêtunut, omajunullo nujuartunut nunamêtunut, nunamiut illunatik tukkisilerᴋovlugit Israele Gudeᴋarmat,

II Atannit 5:8

Elisab Gûdib anguteᴋotingata tamanna tussaramiuk, atanniub annoraᴋotine allilaungmagit, tilliklervigiva, oᴋautsauᴋolâlo: Sôg annoraᴋotitit allilaukpigit? Uvamnut ᴋailerle tukkisilerᴋovlugo nallautaijoᴋarmat Israeleme.

I Atannit 11:33

Tamânna pivlugo allarlaungmanga, Astarote Zidonemiut Gûdingoangat, Kamoselo, Moabiterit Gûdingoangat, Milkomelo, Amoniterit Gûdingoangat tuksiarvigilaungmagit; agvertarlaungimattalo apᴋosinimne, pinniaratiglo ᴋuviagijamnik, perᴋojamnik, idluarijamniglo Davidetut atâtangatut.

Jesaiase 8:19

Imâglo oᴋauseᴋarpatta illipsingnut: Angakkullo nallautainerluktullo nipjârtut, issivsortut apperijartorsigik! — ajornarpoᴋ. Nunaᴋatigêt appertsoriaᴋangilât Gûdemingnik? Inôjut pivlugit toᴋungajut apperijartorlugit pijuksauvitâ?