Idluarsaijut 5:2 - Labrador Inuttitut Heritage Bible

² Nâlegak nertorsiuk, Israelitit kippalojungnaimingmatta, inugasaksuillo ᴋunutuilaungmatta tamattomunga.

Idluarsaijut 5:2 Iomraidhean Croise

II Kronika 17:16

Tungânelo Amasjaôlaukpok Sichrib erninga, pijarellune kivgautitok Nalekamut, angutillo sorsugungnartut 200,000 dit illagivât.

Nehemia 11:2

Inugasaksuillo angutit ilûnaita saimartipait pijarellutik Jerusaleme nunaᴋaromalauktut.

Imgerut 103:2

Tarnîk Nâlegak nertoruk, puigorniarnaglo sunamik ajungitullivigilaungmattit.

Imgerut 110:3

Sâlaᴋarnivît uvloksoangane inuᴋotivit malligomârpâtit ᴋunnutuidlutik, ânanausijaunelijarlutik ivsornaitomik. Inûtsûᴋotitit tikkilerput illingnut mitsuksoaktut ᴋaub aupalungningata sânganit sorlo.

Imgerut 136:15

Faraomik kattimgajoksoaᴋotinginiglo ajaktuilauktok imarbingmut iviktalingmut; pitsiarninga îtsainarmat issoᴋangitomut.

Imgerut 18:47

Gûde tâmna, akkiniarnermik tunnijijok uvamnut, innuᴋattigêksoarniglo ajoringorsaijok attimnut;

Imgerut 48:11

Zionib ᴋaᴋᴋanga ᴋuviasukpok, Judablo panningit serrivut, idluarsainitit pivlugit.

Imgerut 94:1

Nalegak Gûde, akkiniarnermik pilik, Gûde akkiniarnermik pilik, sakᴋijârittôk.

Imgerut 97:8

Zione tussarpok tamattominga, ᴋuviasuklunelo; Judablo panningit serridlarput Nâlegak attanniotinît pitjutigellugo.

I Korintemiunut 9:17

ᴋununanga oᴋâlaguma, akkilertaujomârpunga; ᴋunugalloarumale, piniarnermik tamattominga perᴋojauvunga.

II Korintemiunut 8:12

ᴋuviagijaungmat ᴋunulugane tunijijoᴋ ajungitaminik, ajortaminik pinane.

II Korintemiunut 9:7

Ilûnatik issumamignik tunijilit; ᴋuviasugatiungitoᴋ, perᴋojautuinarnermullônêt pinatik; ᴋuviasuklune tunijijoᴋ Gûdib naglingmago.

Deuteronomy 32:43

Erᴋiertoritse, inôᴋatigêngojose, inuᴋotigijangit; kivgame aungat akkiniarutigijomârmago, ômigijinelo akkiniaromârpait, nunanelo, inuᴋotigijane, ulapirᴋsaromârpait.

Deuteronomy 33:21

Sivorlermik nangminiksane ᴋenerpâ, tagvane ajuᴋertuijûb avgoaksanga ᴋomergutaungmat; tikiutivorlo inôᴋatigêt angajoᴋânginut, Nâlekab idluarsaijutiksangit piniarpait, Israêlekunullo erᴋartuijutiksangit.

Filippimiunut 2:13

Gûde tagva pititsijoᴋ ilupsingne pijomanermiglo nâmaksititsinermiglo, idluarijane pitjutigilugo.

Filemônemut 1:14

Perᴋojijomatinagle pijomalaungitaga, perᴋojaunermit ajunginiarnît perᴋonago, ᴋununginermille.

Takotitaunermik 18:20

ᴋilak ᴋuviasugit tâpkoninga, ilipsetauk Apostelit, nelautaijullo ivjornaitose, ilipse akkiniarutigivluse Gûdib erᴋartulaungmagit.

Takotitaunermik 19:2

Erᴋartuiningit mikseᴋârtôvlutiglo idluartôngmatta, anguniartoksoak erᴋartulaungmago, anguniarnerminut nunamik asseroilauktok, kivgamelo aungit akkiniarutigilugit, tâmna pidlalaungmago.

Idluarsaijut 5:9

Omattima Israelib aulautsijingit ungagivait, ᴋunutuitut inugasaksuit akkorngane. Nâlegak nertorsiuk,