Idluarsaijut 4:3 - Labrador Inuttitut Heritage Bible

³ Israeliblo ᴋitorngangit niplialerput Nâlekamut; Aksalloaliᴋuteᴋalaungmat kikkiangnik 900 dinik, Israeliblo ᴋitorngangit aksorornermut oᴋumaiksartipait jârinik 20 ginik.

Idluarsaijut 4:3 Iomraidhean Croise

Imgerut 106:42

Omigijingitalo, nênerlaukpait; manigotititaulutiglo tâpkoa agganginnut.

Imgerut 50:15

ᴋannoêtoᴋarnerublo uvlungane nipliaviginga, tagva piulijomavagit, igvillo nakorijaksarivarma.

Imgerut 78:34

Naktertilaurangagit tagva apperᴋutigivât, sâlerlutiglo, Gûdelo ᴋennerpât.

Exodus 2:23

Uvlut unuktut taipkoa anigortilugit, Egiptenemiut ataningat toᴋolerpok. Israêlikullo anersaumidlarput kivgartorᴋojaunitik pivlugit, nipliadlarpullo; nipliadlarningillo kivgartorᴋojauningit pivlugit Gûdib sânganut pivut.

Deuteronomy 28:29

Tapsiᴋâlârpotillo uvlub ᴋeterarningane, sorlo tautungitok tapsikârmat tâᴋtome, piloringniangilatillo apᴋotingne; oᴋumaiksartitautsainalârpotillo aᴋsârtautsainarlutillo, piuliklertuksaᴋarniangilarlo ilingnik.

Deuteronomy 28:33

Nunavît paungangit, senajatillo tamaita inôᴋatigêksuit ilitaringitavît nungulârpait; oᴋumaiksartitautsainalârpotillo, semiktautsainarlutillo;

Josua 17:16

Tagva Josefib ᴋittorngangit oᴋarput: ᴋaᴋᴋaᴋattigêt aksarnigarijungnarniangilavut, Kanaaniterit illunatik nunab naksangine nunaᴋartut ᴋamuteᴋangmatta kikkiengnik, tapkoa Beth-Seanemetut iglugasanginetullo, Jesereelemetullo naksangme.

Idluarsaijut 1:19

Nâlekablo Judakut ilagivait, sâlaᴋarᴋovlugit ᴋakᴋanetunik, naksarmiulle sâlagijungnarlaungilait, kikkiengnik aksalloalikuteᴋalaungmatta.

Idluarsaijut 10:10

Tagva Israelib ᴋitorngangit nipliarput Nâlekamut, oᴋarlutiglo: Idluitullilaukpogut illingnut: Gûdivut ᴋemalauraptigo, Baalelo kivgartorlaukpavut.

Idluarsaijut 10:16

Ipperarpaillo Gûdit takorngartat, Nâlegarlo kivgartorpât. Illapsugosutigilaukpalo, Israelitit taimak kappiasuktitaulaungmatta.

Idluarsaijut 3:15

Tagva niplialerput Nâlekamut, Nâlekablo Piuliklerteᴋartipait, Ehudemik Gerab Jeminib erningata erninganik, tamna saumiolaukpok. Israeliblo ᴋitorngangit tapsomuna pilliutiksanik tillikliudjilaungmatta Eglonemut, Moabiterit ataninganut,

Idluarsaijut 3:9

Tagva Israelib ᴋitorngangit niplialerput Nâlekamut, Nâlekablo piuliklerteᴋartilaukpait, piuliklerniartomik tapkoninga, Athnielemik, Kenasib Kaleb nukkangata erninganik.

Idluarsaijut 4:13

Tapsomalo aksalloaliᴋotine ilûnaita katterᴋovait, aksalloaggit kikkiengôjut 900 dit, inugasaksuillo ilagijine ilûnaita, nallojut Harosetinganit, kôngmut Kisonemut.

Idluarsaijut 4:4

Nalliutomelo taipsomane idluarsaijolaukpok Israelitinik nallautaijok arnak Debora, Lapidotib nulianga.

Idluarsaijut 5:8

Gûdib nutâk annerimava, upkoaksuit sorsugvigilaukpait. Sakᴋijârtoᴋalaungilak Israeleme sappulutamiglonêt ᴋallugiarmiglonêt, 40,000 dit akkorngane.

Idluarsaijut 6:6

Taimak Israelitit angijomik aklutitaulaukput Midianiterinut. Tagva Israelib ᴋitorngangit niplialerput Nâlekamut.

I Samuel 7:8

Oᴋarpullo Samuelemut: Sorairniarnak tuksiarutigiluta Nalekamut Gudiptingnut, piuliklerᴋovlugo uvaptingnik Filisterit agganginit.