Idluarsaijut 3:3 - Labrador Inuttitut Heritage Bible

³ Imagle: Filisterit ataningit tallimat, ilûnaitalo Kanaaniterit, Zidonemiullo, Heviterillo, nunaᴋalauktut ᴋakᴋame Libanoneme, ᴋakᴋamit Baal Hermonemik attalingnut Hemathe tikkilugo.

Idluarsaijut 3:3 Iomraidhean Croise

Genesis 49:13

Sebulone nunaᴋartuksauvoᴋ imarbiksûb sikjangane, umiaᴋsuit kissarviane; kiglinga attavoᴋ Sidonemut.

II Samuel 24:7

Tikkipullo iglugasaksoarnut songojunut Tirusemik attelingnut, Heviterillo, Kanaaniterillo iglugaseksoanginut illunainut, tikkilutiglo Judab seᴋᴋernganut, Bersebamut;

I Atannit 8:65

Taimaglo nelliutome taipsomane Salomob uvloksiorvik uvloksiorpa, Israelitillo illuêngarlutik illagillugo, ᴋatimajut unuktovaksuit Hemathemit Egiptenib kônga tikkidlugo, Nâlekab Gûdipta sângane; uvlut 7 it nâlugit, amalo uvlut 7 it nâlugit; tagva uvlôvut 14 it.

I Atannit 9:20

Inugasaksuit amiakovinit Amoriterinit. Hethiterinillo Feresiterinillo, Heviterinillo Jebusiterinillo, Israelib ᴋitornganginit pilaungitut;

Hesekiel 47:20

Imarbiksoarlo kigleojuksauvoᴋ kangidleᴋ, kiglemit seᴋinerdlermit Hâmatib nelâ tikidlugo. Tamadja kiglinga kangidleᴋ.

Numbers 13:29

Amalekut nunaᴋarput nuname seᴋinerdlerme, Hittikullo, Jebusekullo, Amorekullo nunaᴋarput ᴋaᴋᴋane; Kanaanekullo nunaᴋarput imarbiub sidjangane kôblo Jordanib seniane.

Numbers 34:8

ᴋaᴋamillo Horemit nelunaikuseraksarivase Hamatib pigiarninganut; kigliselo issoᴋartuksauvoᴋ Zedademe;

Deuteronomy 1:7

Sanguleritse, ingergarluselo aileritse Amorikut ᴋakᴋaanginut senilinginullo tamainut naᴋsarsoarme, ᴋakᴋaanelo, naternamelo, seᴋernganelo, imarbiublo kiglingane, nuname Kanaaneme, Libanonemelo, kôksoak Farat tikidlugo.

Deuteronomy 3:9

(Zidonemiut Hermon atserarpât Sirionemik, Amorikulle taivât Seniremik;)

Josua 11:19

Iglugasaksoaᴋalaungilarle attautsemiglonêt, ullapirsauteᴋaromavlutik tunnijunik ingminik Israelib ᴋittornganginut, (Heviterit Gibeoneme nunakalauktut assinginik) illunaitale sorsungnermut salagivait.

Josua 11:3

Kanaaniterit kittanetut kangianetullo Amoriterit, Hetiterillo, Feresiterillo, Jebusiterillo ᴋaᴋᴋane, taimaktauk Heviterit ᴋaᴋᴋab Hermonemik attiggub umangane nuname Mizpamik attelingme.

Josua 13:3

Sihoremit kôktomit Egiptenib sângagut, Ekronib kiglilervinga tikkilugo, avane, kittitaumajok Kanaaniterinut, Filisterit angajoᴋangit tallimat, Gasamiut, Asdodemiut, Askalonemiut, Gethemiut, Ekronemiut, Avimiullo.

Josua 13:5

Taimaktauk Gibliterit nunangat illunât, Libanonelo illunât, kittane Baal-Gademit ᴋaᴋᴋab Hermonib attânetomit Hamatib itterviat tikkilugo;

Josua 19:28

Ebron, Rehob, Hamon, Kana, Zidon angijok tikkilugo.

Josua 9:7

Tagva Israelitit illunatik Hethiterinut oᴋarput: Imakka akkonaptingne nunakarungnarajarpose, ᴋannok tagva angerᴋattigêngnermik pijungnarᴋita illipsingnut?

Idluarsaijut 10:12

Zidonemiullo, Amalekiterillo, Moaniterillo, aksorortilaunginivasse, uvangalo ikkajorlaukpapse agganginit, nipliarvigilaurapsinga?

Idluarsaijut 10:7

Tagva Nâlekab ningarningata Israelitit ilûngertorutigivait, niorvgotigilugillo Filisterit Amoniblo ᴋitorngangita agganginut.

Idluarsaijut 14:4

Atatangale anânangalo ᴋaujilaungilak, Nâlekamit pingmat tamânna; pitjutiksarsiormat Filisterine. Filisterille ataniotivut nalliutome taipsomane Israelitinut.

Idluarsaijut 18:7

Tagva angutit tallimat tapkoa aularput, tikkilutiglo Laisemut, takolutiglo inuit tagvanetut terlingmatta, sorlo Zidonemiut illusingittitut, uimajaratik terliklutiglo; tagvanelo kiksartitsijoᴋalaungilak tapkoninga, kinakalaungilarlonêt angajoᴋaujomik tapkonunga; ungasidlalaukpullo Zidonemiunit, inuillo sullivigilaungilait.

Idluarsaijut 3:2

Israeliblo ᴋitorngangita abvakungit ᴋaujilerᴋovlugit, ilinnialerᴋovlugillo sorsungnermik, sivorngagut ᴋaujilaungitut tamattominga.

Idluarsaijut 4:2

Nâlekablo niorvgotigivait Jabinib Kanaaniterit ataningata Hazoremelauktub agganginut; sorsuktuksoaᴋotingitale angajoᴋangat Sisseraôlaukpok, nunaᴋalaukporlo Harosetheme nallojunut illingajome.

I Samuel 13:5

Tagva Filisterit kattimalerput Israelitit sorsugvigijomavlugit, aksalloaggit 30,000 dit, ablangajut horsine 6,000 dit, innuksuillo assingit, siorkatitut immarbiksub siksanganêtutitut unnuktigijut; majorarpullo tangmarterlutiglo Michmaseme, Bethavenib kittâne.

I Samuel 29:2

Filisterillo angajoᴋaksoangit attunit agvertarput 100 dit 1,000 dillo illagilugit; Davidele anguteᴋotingillo kingurlerput Achiseme.

I Samuel 6:16

Filisterille angajoᴋangit tallimat takkonârlaukârlutik, utterivut Ekronemut uvlorme taipsomane.

I Samuel 6:18

Nunivangoallo Goldit, Filisterit angajokangita tallimat iglugasaksoangita unnurningit malliklugit, tamarmik iglugasaksuit avaluliorsimajut iglugasaillo, ujarasuksoak Abelemik attelik tikkilugo, Nalekab iklervingata illijauvia tapkonunga; ujarasuglo tagvanêpok Josuab Bethsemesemiub perorsêvingane uvlok tamanna tikkilugo.

I Samuel 6:4

Tapkoale oᴋarput: Sunamik tunnergutiksamut akkiliksêrutiksamut tunnitsivigijaksarivittigo? Tapkoa kiovut: Nullungoarnik Goldenik tellimanik, nunivakangoarniglo Goldenik tallimanik, Filisterit angajoᴋangita tallimat unurningit malliklugit; ânianartok adsigêlaungmat illunapsingnut, angajoᴋapsingnullo.