Idluarsaijut 17:3 - Labrador Inuttitut Heritage Bible

³ Taimak Silberlingit 1,100 dit tapkoa tunnilaurivait anânaminut. Anânanga oᴋarpok: Kênaujat tapkoa perᴋutautilaukpakka aggamnit Nâlekamut, ernera pivlugo, adsingoarmik Gûdingoarmiglo sanajoᴋarᴋovlugo; taimaimat tunnilerivakka mânna illingnut.

Idluarsaijut 17:3 Iomraidhean Croise

II Kronika 33:7

Innungoallo, Gudingoallo sannajauᴋojane pitipaittauk Gudib iglunganut, Nalekab Davidemut erninganullo Salomomut oᴋautigijanganut: Iglomut tamattomunga, Jerusalemullo annerilauktamnut Israelib kinguvarênginit tamainit, attera pititsomavara soraijuitomik;

Exodus 20:23

Silbereojunik gûdeoᴋataujuksanik uvamnut sanajuksaungilase, ilipsingnullo gûdeliortuksaungilase goldeojunik.

Exodus 20:4

Inungoarmik adsingoarmiglônêt sanajuksaungilatit pivlutit, takpâne ᴋilangmêtub adsinganiglônêt, ᴋilaub atânêtub adsinganiglônêt, nunab atânêtub imânêtub adsinganiglônêt:

Exodus 34:17

Auktisimajunik gûdingoaliortuksaungilatit.

Jesaiase 30:22

Gûdingoat silbereojut sanajapse amingit Gûdingoallo goldeojut sanajapse annorângit sujuktitsomârpasse êgillugillo aktarlukutitut oᴋarvigivlugillo: Pêritse!

Jesaiase 66:3

Tuktuvangmik toᴋotsijoᴋ inuartotut-ipok; saugamik tunergusertoᴋ ᴋingmermik ᴋimitsijotut-ipoᴋ; nerᴋiksarnik tunergusertoᴋ tunergusertotut-ipok kuingêngib aunganik; tippitsiariksaumik tunergusertoᴋ nertordlertotut-ipoᴋ piungitomik (Gudingoarmik.) Sôrlo taipkoa apᴋutitik aneringmagit (issumamingnik), sôrlolo tarningita maᴋojungnartut ᴋuviagingmagit,

Jeremia 10:8

Ilûnatik adsigêktomik silaitôvut tukkeᴋangitôvlutiglo; ajoᴋertusiovut gudingoanik, ᴋejutuinaugamik.

Leviticus 19:4

Sâniarase inungoarnut, auktisimajuniglo Gûdingoaliorniarase pivluse; Uvanga Nâlegauvunga Gûdise.

Johannese 16:2

Ilagêngnermingnit avitsomârpâse. Neliutijomârporle toᴋotsijut ilipsingnik isumaᴋarvingat, tamattomunga Gûde kivgartorasugilugo.

Deuteronomy 12:3

Tunerguservingillo oggotitaksarivase, napajoliarimajangillo naviklugit, napârtoᴋotingillo ikomamut nungulugit; inungoaliarimajangillo Gûdigijomavlugit nablorsigik; atingillo pêjaraksarivase nunamit tâpsomangat.

Deuteronomy 27:15

Ominarsile ulimartaumajomik kovimajomiglônêt inungoaliortok, Nâlekab maᴋojugijanganik, senatsiarsôngojûb aggangita senajanganik, napartilugolo ijersimajomut. Inuillo ilûnatik kiovlutik oᴋartuksauvut; Taimaile.

Idluarsaijut 17:13

Michalo oᴋarpok: Mânna ᴋaujimavunga Nâlekab ajungitulliviginiarmanga, ajuᴋertuijoᴋuteᴋarama Leviteôjomik.

Idluarsaijut 17:2

Tamna ananâminut oᴋalaukpok: Silberlingit 1,100 dit tigujaumajut illingnit, oᴋautelugjutigilauktattillo siutingma sângangne, ahâk kênaujat tapkoa uvamnêput, uvanga tigulaukpakka. Tagva anânanga oᴋarpok: Saimartitaulerit ernîk Nâlekamut.

Idluarsaijut 17:4

Tapsomale kênaujat tunnigivait anânaminut. Tagva anânangata tiguvait Silberlingit 200 dit, tunnilaitalo sabviortemut Goldemik; tamna sanavok tapkonangat adsingoarmik, Gûdingoarmiglo, tamânna kingorngane Michab iglunganelaukpok.

Idluarsaijut 18:30

Daniblo ᴋitorngangita, pivlutik adsingoak taimna nappartipât. Jonathanelo, Gersonib Mânnasib erningata erninga, erningillo ajuᴋertuijôlaukput ᴋitorngarêt Danekut akkorngane, nalliutok tamna tikkilugo parngnanairsortauvlutik aulartitauᴋârtinagit nunnamit.

Idluarsaijut 18:5

Tapkoa oᴋautivât: Naglingnartotit, Gûde apperiuk tukisilerᴋovluta, apkosinivut arvertarvigijavut sullinaralloarmangât?