Idluarsaijut 11:3 - Labrador Inuttitut Heritage Bible

³ Tagva ᴋemâvok ᴋatangutiminit, nunaᴋalunelo nuname Tobemik atelingme. katimavullo tapsomunga inuit uivêtut aularᴋattigilugolo.

Idluarsaijut 11:3 Iomraidhean Croise

II Samuel 10:6

Ammonible ᴋittorngangit takkogamik tippilungorsimagamik Davidib sângane, tilliklerput ᴋaiᴋojilutiglo Siriamiunik, Rehobib iglomioᴋotinginik, Siriamiuniglo Zobamiunik, angutinik pissuktunik 20,000 dinik, attannermillo Maachamit angutinik 1,000 dinik, Istobemillo 12,000 dinik.

II Samuel 10:8

Ammoniblo ᴋittorngangit aularput, parngnailerlutiglo sorsungnermut ittertarviksub upkoangata sillatâne. Siriamiulle Zobamit, Rehobemillo, Istobemillo, Maachamillo, kissimik naternamelaukput.

Apostelit Piniarningit 17:5

Jûdille okpingitut ningarosulerput, angutillo ilangit iluluktoksuit kassêtut ingmingnut katitipait, ileratsâdlarᴋovlugit pikablâtilaitalo iglugasaksoarmiut, Jasonib iglungata silatânut pivut, pinasuarpullo tâpkoa âtsomavlugik inuit akornganut.

Idluarsaijut 11:2

Gileadible nulianga ᴋitorngilaungmat tapsomunga, nuliablo tapsoma ᴋitorngangit inumarioleramik, pingujarpât Jafta, oᴋautilugolo: kingormgujijuksaungilatit atâtapta iglungane, arnab asiata erneringmattit.

Idluarsaijut 9:4

Tunnitsivigivâllo Silberlinginik 70 ginik, Baal-Beritib iglunganit, Abimelechiblo tamakkonunga angutit uivêtut kuksâlaitullo pissiarivait malliktut tapsominga.

I Samuel 22:2

Angutillo sunatuinait, kappianartomêlauktut, akkiliksaᴋartullo, omatteᴋartullo kiksartunik, kattimalerput tapsomunga, tamnalo angajoᴋagivât; angutillo 400 diokassait tapsomanelaukput.

I Samuel 27:2

Parngnailerporlo, ailunelo angutit 600 dit, tapsomanêlauktut illagilugit Achisemut Maochib erninganut, Gathemiut attaninganut.