Idluarsaijut 1:4 - Labrador Inuttitut Heritage Bible

⁴ Judakut mânna takpaungarmatta, Nâlekab Kanaaniterit, Feresiterillo tunnivait tapkoa agganginut, ullimarpaillo Besekeme angutit 10,000 dit,

Idluarsaijut 1:4 Iomraidhean Croise

I Atannit 22:15

Atannermullo tikkimat, atanniub oᴋautiva: Micha, Ramotemut Gileademêtomut aulartuksauvita, sorsungniarluta, nippotijaksarivittigolonêt? Tapsoma oᴋautiva: Ahaila, majorarit takpaunga, sullidlarlutillo, Nâlekab tunniniarpait atanniub agganginut.

I Atannit 22:6

Tagva Israelitit atanningata nellautaijut 400 deôkasait ᴋatimaᴋovait, oᴋautilaitalo: Ramotemut Gileademêtomut aijuksauvîk sorsugvigilugit, nippotijaksarivakkalonêt? Tapᴋoa oᴋarput: Majorarit takpaunga, Nâlekab tunniniarpait atanniub agganginut.

Imgerut 44:2

Aggangnut nallojut aulartilaukpâttit, taipkoale ineᴋartilaukpâttit; innuᴋattigêksuit asserorlaukpâttit, taipkoale siamartilaukpâttit.

Imgerut 78:55

Aulartilaukpait, tâpkoa sivurngane innuᴋattigêksuillo kingormgutijaᴋartilugillo imeraut malliklugo, taipkoalo iglunginne Israelib kinguvârêngit inneᴋarᴋovait.

Deuteronomy 7:2

Nâlekablo Gûdivît tunergutigikpagit sângne, sâlagigungnelo; tagva asseroraksarivatit pimariktomik; angerᴋatigijaksaringilatit, nâpkigijaksarinagillo;

Deuteronomy 9:3

ᴋaujilerit tagva, Nâlegak Gûdît tâmnaungmat sivunerne ingergajok ikomamut nungutsijok; tâpsoma nungutsomârpait, tâpsomalo oggotitsomârpait sivunerne; taimaglo ᴋemâtitsomârpatit asserorsarailugillo, sorlo Nâlekab oᴋautingmatit.

Idluarsaijut 1:3

Tagva Judakut ᴋatangutimingnut Simeonekunut oᴋarput: Takpaungarᴋattigitigut immerautiptingnut, sorsugiarluta Kanaaniterinut, tagva aularᴋataujomagivogut imerautipsingnut. Taimak Simeonekut aularᴋattigivait.

Idluarsaijut 1:5

Naipipâllo Adoni-Besek Besekeme, sorsugvigivâllo, ullimarpaillo Kanaaniterillo Feresiterillo.

Idluarsaijut 11:32

Taimak Jefta ailaukpok Amonib ᴋitornganginut, sorsugvigilugit. Nâlekablo tunnivait tapsoma agganginut.

Idluarsaijut 3:5

Israelitit tagva mânna taimak nunaᴋalauramik Kanaaniterit, Hetiterillo, Amoriterillo, Feresiterillo, Heviterillo, Jebusiterillo akkorngane,

I Samuel 11:8

Basekemelo opallungaijartauvut; Israeliblo ᴋittorngangit 300,000 diolaukput, Judablo ᴋittorngangit 30,000 diolaukput.

I Samuel 14:10

Oᴋarniarpattale: Kaileritik paunga uvaptingnut; tagva majoraromavoguk tapkonunga; tagva Nalekab tunnimavait aggaptingnut. Tamannalo nallonaikutarijomavavuk.

I Samuel 14:6

Jonathanelo akjarsijoᴋotiminut sakkunginik oᴋarpok: Kait, ailauluk akkiptingnut, kippisimangitut tapkoa tangmarvinganut; imaᴋᴋâ Nalegak uvaptiguk sulliniarpallukpok; Nalekamut oᴋumailungimat unnuktutigut ikkitutigullonêt ikajorlune.