Hosea 9:8 - Labrador Inuttitut Heritage Bible

⁸ Efraimib Gude terliarasuarpâ; nelautaijoᴋ tingmiarniartib nigangatut ipoᴋ apᴋotingine tamaine, ômisungnerlo gudingata iglunganêpoᴋ.

Hosea 9:8 Iomraidhean Croise

I Atannit 17:1

Elialo Tisbitemiok Gileademiut illangat oᴋarpok Ahabemut: Sorlo mikseᴋârtomik Nâlegak Israelitit Gûdingat, sângiartara inôngmat, jârine tamakkonane mitsungniangilarlonêt, sillalungniangilarlonêt, kisiane uvanga oᴋaruma.

I Atannit 18:1

Nelliutorlo sivitôjok ᴋângermat, Nâlekab oᴋausingata Elia tikkipa, jârit pingajuane, oᴋarlunelo: Ailerit takkotilutillo Ahabemut, sillaluᴋojiᴋovlunga nuname.

I Atannit 18:19

Ate mânna tilliklilaurit Israelitit illuêngarlutik ᴋatimalerkoᴋit uvamnut ᴋakᴋame ᴋarmeleme, Baaliblo nellautaijoᴋotingit 450 git, taimâktauk napârtut nellautaijoᴋotingit 400 dit Isebelib nerrimavianit nerrijut.

I Atannit 22:11

Zedekialo Knaenab erninga sanalaukpok ingminut naksungnik kikkiangnik, oᴋarlunelo: Imâk Nâlegak oᴋarpok: Ukkungnunga Siriamiut nakjungmigarniarpatit, Nungutsiᴋârtinak taipkoninga.

I Atannit 22:22

Tamna oᴋarpok, aularomavunga, annerniojomalungalo nellagôngitok taipsoma nellautaijoᴋotingita ᴋaningine ilûnnaine. Tamnalo oᴋarpok: Igvit tillioraksarivat, sullidlarniarpotillo, aularit taimailiorlutillo.

I Atannit 22:28

Micha oᴋarpok: Ullapirsauteᴋarlutit utterniaruvit, tagva Nâlegak uvapkut oᴋalaungilak. Oᴋarporlo: Tusaritse inugasaksojose ilûnnase!

I Atannit 22:6

Tagva Israelitit atanningata nellautaijut 400 deôkasait ᴋatimaᴋovait, oᴋautilaitalo: Ramotemut Gileademêtomut aijuksauvîk sorsugvigilugit, nippotijaksarivakkalonêt? Tapᴋoa oᴋarput: Majorarit takpaunga, Nâlekab tunniniarpait atanniub agganginut.

II Atannit 13:21

Pijoᴋalaukporlo, angut illijartormatsuk, sorsuktuksalle takkungmattigik, angut tamna egipât Elisab illuvinganut. Tamnalo unnungarame, Elisablo sauningit âktoramigit, omârpok tullerarlunelo ittikaminut.

II Atannit 2:14

Tiguvalo Eliab ullinga, kattalauktanga, immerlo annauva, oᴋarlunelo: Naneᴋâ manna Nâlegak Eliab Gûdinga? Immerlo annaungmago tagva avikpok avunga ikkungalo, Elisalo pissukpok tagvûna.

II Atannit 2:21

Annivorlo puailavingmut, sioraujallo egipait illuanut, oᴋarlunelo: Imâk Nâlegak oᴋarpok: Imek tamanna ᴋanoêtsungnaitipara, mannamit toᴋomiglonêt alliptuamiglonet pijoᴋarungnaituksauvok tamattomangat.

II Atannit 4:41

Tamnâle (Elisa) oᴋarpok: Sanauᴋamik ᴋaitsileritse. Pitipâlo ukkusingmut, oᴋarlunelo: Naviuk innuit sânginut nerriᴋovlugit. Tagva idluitoᴋalaungilak ukkusingme.

II Atannit 4:43

Kivganga oᴋarpok: ᴋanok angutit 100 dit tunnitsivigijaksarivakka tamakkonangat? Tamna oᴋarpok: Inugasaksuit tunnitsivigikit nerriᴋovlugit. Nâlegak imâk oᴋarmat: Nerrijoᴋarniarpok, amiakoᴋarniarlunelo.

II Atannit 5:14

Tagva niovok, missiklunelo Jordanemut, akkarlunelo 7 êrtorlune, sorlo Gûdib anguteᴋotinga oᴋalaungmat: uviningalo âkᴋiktaumavok nukapiab inosuktub uviningatut-idlune, ivsornailunelo.

II Atannit 5:27

Naemanible kallangata atâvigênarniarpâtit kinguvaᴋotitillo soraijuitomik. Tagva annilerpok tapsomangat, kallaᴋarlune apputitut.

II Atannit 7:19

Tagva angajoᴋab oma Gûdib anguteᴋotinga kiova oᴋarlunelo: Ahâk, Nâlegak igalangnik sennanajarune ᴋilangme, ᴋanok tamanna pilerungnarajarka? Tamnâle oᴋarpok: Ahâk ijingnut takkoniarpat, nerriniangilatillo tamattomangat.

II Atannit 7:2

Tagva angajoᴋaksuit ilangata, atanniub aggangita ajakpagangata Gûdib anguteᴋotinga kiova, oᴋarlunelo: Nâlegarlo igalangnik sennanajarune ᴋilangme, ᴋanok tamanna pijungnarajarka? Tamna oᴋarpok: Ahâk ijingnut takkoniarpet, nerriniangilatille tamattomangat.

Imgerut 124:7

Tarnivut anigoimavut, sorlo tingmiab nigartortib niganganit; nigak kiktorarsimavak uvagullo piulijaumavogut.

Okaluktok 9:12

Inubtauk nelliunine ᴋaujimangilâ; sôrlole mingeritjat angujaungmatta nullutjanut asserornartunut, tingmitjallo aklunânut: taimâk inuit ᴋitorngangit nigartortaugivut nelliutome idluitome, tagvainak tupvigikpagit.

Imgerusersoak 3:3

Udsertortit iglugasaksoarne agvertartut naipipânga: Tarnima erdligijanga takkolaungipissiûk?

Jesaiase 62:6

Jerusaleme, pigârtuksanik pititsivunga avaloᴋsoaᴋotivit ᴋângannut, uvloᴋ nâvlugo unnuarlo nâvlugo nippangertuksaungilat. — Illipse, Nâlekamik erᴋaititsijose, nippangerniarase!

Jeremia 11:19

Uvangale saugâraᴋtut sinaungajuitotut toᴋotauvingmut tassigoartaujotut ilingalauᴋpunga; ᴋaujimalaungilanga angiᴋatigêlaungmangârmik pikalukvigijomavlunga, oᴋarlutik: Napârtoᴋ paungangillo asserorniarlavut, nakalaulavullo inôjut nunanganit, attinga erᴋaumajaujungnaimariᴋovlugo.

Jeremia 14:13

Oᴋalauᴋpungale: Adjai! Nâlagaᴋ Gude! Ahâk, nalautaijut oᴋautivait: Takoniangilase saviksoarmik, tikitauniangilaselo kângnartoᴋsoarmut; tunidjivigijomavapsele ulapirᴋsaumik nalâgôrtomik nuname tamattomane.

Jeremia 23:13

Silainermiglo takosimavunga nalautaijune Samâriame; nalautailauᴋput Baalib attingane, inuᴋotikka Israêlikut tamartidlarlugit.

Jeremia 31:6

Uvloᴋalârmat Efraimib ᴋaᴋᴋangine pigârtut ᴋaigarsugomârvingat: Attê, majoralerta Zionemut Nâlakamut Gudiptingnut.

Jeremia 6:14

Inuᴋotima paningata kilingit ketatuinarmik inûlivait, sunaungitôjârilugit, oᴋarlutik: Ulapirᴋsaumik, ulapirᴋsaumik; ulapirᴋsauteᴋangimariktilugo.

Jeremia 6:17

Pigârtuksaᴋartilauᴋpapselo oᴋartuksanik: Nâlagitse tiptulautib nippinganik; tâpkoale oᴋarput: Nâlagomalungilagut.

Jeremiab Ogguarutigijangit 2:14

Pivlutit nelautaijoᴋotitit takolaukput takotitjutit tukkeᴋangitut atutsangitullo pivlugit, nelonaijailungilalle idluitulinernik, utertitaujungnarᴋovlutit aularutijaunernit; nelonaijaivigivâtille takotitjutinik oᴋautsiniglo silainartunik ajaktortaujutigijarnik.

Jeremiab Ogguarutigijangit 4:13

Nelautaijungita idluituliningit ajoᴋertuijungitalo nâmangituliningit, kovisilauktut idluartut aunginik iglugasaksuit iluane, pivlugit taimailingavok.

Hesekiel 3:17

Inûb erninga, udjertortingortisimavagit Israêlib ᴋitornganginut: taimaimat ᴋanerma oᴋauserijanga tusarsâruk, tunitjivigikillo inerterutiksanik uvamnit.

Hesekiel 33:7

Mânale, inûb erninga, udjertortingortipagit Israêlib ᴋitornganginut; taimaimat oᴋauseᴋ ᴋanimnit pijoᴋ tusaruk, kamasârkillo uvamnit.

Hosea 5:1

Tamanna tusarsiuk, ilipse ajoᴋertuijose, nâlagitselo ilipse Israêlib ᴋitorngangit, siutiselo manisigik, ilipse ataniub ᴋitorngangit, ilipsingnut erᴋartuijûtit ilingangmatta; nigarniutaulaurapse Mispame, nuluangovluselo issivisimajut Tâboreme.

Hosea 9:7

Uvlut nelipsaivît tikiput, uvlut akkiniarvît tikiput: Israêlib tamanna ᴋaujilârpâ: nelautaijoᴋ silaitôvoᴋ, angut anernermik pilik issumairutivoᴋ, idluitulinivît unurningit pivlujit, ômisungnerlo angijôdlarmat.

Hosea 9:9

Sôngojomik idluitiput nangminermingnik sorlo Gibiab uvlungine; idluituliningit tâpsoma erᴋaumalârpait, nelipsalârpaillo ajorningit.

Migga 7:4

Idluarnerpângat kapianartotut ipoᴋ; nalâgôrnerpâk piungiluarpoᴋ avalunit kakilautelingnit; pigârtivît uvlungat, tamadja nalipsartauvît, tikisimavoᴋ; mâna uimâladlalârput.

Johannese 15:24

Piniarnerit piniarnerilaungikupkit, asimma piniarnerilaungitangit, ajorneᴋarajangilat; mânale takolauralloaramigit, tamamnuk ômigivâtiguk, uvangalo Atâtagalo.

Rômiunut 3:7

Gûdib mikseᴋârninga saglonimnut ânanausiluarpat nertortautitauluarlunelo, sôᴋ idluitulijotut erᴋartortaujariaᴋarᴋêk sullê?

Ebrêerinut 13:17

Ajoᴋertortise nâleklugillo malingniarsigik; udsertormatta tarnipsingnik, akiortuksauvlutik tâpkoa pivlugit; taimailiorᴋovlugit ᴋuviasuklutik, anersauminatik; tamanna idluatsangimat ilipsingnut.