Hosea 9:6 - Labrador Inuttitut Heritage Bible

⁶ Takoitse, ᴋemâvut asserortaunermit, Egiptenible katersoromârpait: Memfisiblo iluveromârpait: perortut ônartut pigilârpait perᴋutingit silbereojut: ukpigaillo kakilautilit tupinginêlârput.

Hosea 9:6 Iomraidhean Croise

II Atannit 13:7

Taipsoma Joahase unnurnersanik amiakoᴋarkolaungimago ablangajunit 50 ginit horsit ᴋângine, kamutinillo aksalloalingnit 10 nit, angutinillo pissuktunit 10,000 dinit. Siriamiut atanningata toᴋolaungmagit, illingatilaukpaillo sanniktitut ᴋakᴋojaksat tullertautilugit sorlo.

Imgerut 107:34

Nunalo perutsianartok naksangortipâ sioraujalingmut, tâpkoa nunaᴋartut tagvane kassêningit pivlugit.

Salomob Okâl 24:31

Ahâglo tâpkonane perortoᴋâlaukpok ôtitsiutunik kissênik, Disteliniglo nâmalaukpok, avalungillo ochosimalaukput.

Jesaiase 11:11

Nâlekablo nalliutome taipsomane amma aggane issagomârpait, inuᴋotime amiaᴋungit pissiarijomavlugit, amiaᴋôjut Assiriamit Egiptenemillo Patrosemillo Etiopiamillo Elamimillo Sinearemillo Hamatemillo ᴋikkertanillo imarbingmẽtunit.

Jesaiase 19:13

Angajoᴋajat Zoanemẽtut sillaitungortitauvut, angajoᴋajat Nofemẽtut uivêrijauvut, ingmikkôrtartut angajoᴋângita Egiptenemiut tammartipait.

Jesaiase 27:12

Taipsomane Nâlegaᴋ katjugomârpoᴋ sullugainernik kôksûb kiglinganit Egiptenib kôksoanga tikkidlugo; illipselo, Israêlikkut, nallekârluse kattititaujomârpose.

Jesaiase 32:13

Inuᴋotima perorsêvinganne ukpiganik perornerdluktuniglo kakkilautilingnik perortoᴋaromârpoᴋ, taimaktauᴋ iglut allianartut ᴋângine, iglugasaksoarne allianartolingne.

Jesaiase 34:13

Iglutsianginelo ukpigaᴋaromârpoᴋ kakkilautilingnik, perornerdluktullo ônarnartut kakkilautiggillo iglunginẽtsomârput sanamatsiartune; terrianiangajut innigijomârpait, staraussillo tagvanêtsomârput.

Jesaiase 5:6

Nungutitsomavaralo pairijautailitillugo poagijartautailitillugolo; perortoᴋaromârpoᴋ ukpiganik perornerdluktuniglo kakkilautilingnik, nuvujallo inerteromavakka sillalugviorᴋonnago.

Jesaiase 7:23

Nalliutome taipsomane imaitsomârpoᴋ: perorsêvît napârtoᴋartut vaineliksanik 1,000 dinik, kênaujaniglo 1,000 dinik akkiksaᴋartut ukpigaᴋaromârput kakkilautilingnik perornerdluktuniglo kakkilautilingnik.

Jeremia 2:16

Nôfib Takpanêsiblo ᴋitorngangita kabjit serᴋomipât.

Jeremia 42:22

Taimaimat nalonangitomik ᴋaujimaleritse mâna, toᴋolârapse saviksoarmut kângnartoᴋsoarmullo nusilingnartomullo nuname katjârvigijapsingne nunagijartoromavlugo.

Jeremia 44:1

Oᴋauseᴋ tikilauᴋtoᴋ Jeremiamut Judit tamaita nuname Egipteneme nunaᴋartut pitjutigilugit, nunaᴋartut Migdoleme, Tapanêsemelo, Nofemelo, Patrosiblo nunangane, oᴋarlune:

Jeremia 44:12

Judablo amiakungit, sangutitsisimajut kênamingnik aijomavlutik nunamut Egiptenemut taikane nunaᴋaromavlutik, tgujomârpakka nungutaujuksauvullo; nuname Egipteneme ioggotsomârput; nungutaujomârput saviksoarmut kângnartoᴋsoarmullo; toᴋojomârput, mikinerpâmit anginerpâk tikidlugo, saviksoarmut kângnartoᴋsoarmullo; ôminarsititaujomârpullo, tataminiarutiksaujomârlutiglo, oᴋarnerlûtiksaujomârlutiglo, mitautiksaujomârlutiglo.

Jeremia 44:13

Sugiaromârpakkalo nuname Egipteneme nunalît, sorlo Jerusalem sugailaurapko, saviksoarmut, kângnartoᴋsoarmullo, nusilingnartomullo;

Jeremia 46:14

Egipteneme oᴋâlagitse, Migdoleme unipkâritse, Nofeme Tapanêsemelo tusartitsileritse; oᴋaritse, Sagvarit, opalungairsarit, avatingnêtut saviksûb nungulermagit.

Jeremia 46:19

Igvit ineᴋartotit Egiptenib paningane, opalungairsârit aularutijaugiamut; Nofe asserornilukkungortuksaungmat, ikitaujuksauvoᴋ, inuêrutjilune.

Hesekiel 30:13

Imâk oᴋarpoᴋ Nâlegaᴋ Nâlegaujoᴋ: gudingoattauᴋ asseroromârpakka, gudingoaliarimajullo Nôfemetut sorairtitsomârlugit; kingorngane angajoᴋâᴋsoaᴋarungnairtuksauvoᴋ Egiptenemit pijomik; nunamelo Egipteneme sivôraneᴋaromârpoᴋ.

Hesekiel 30:16

Ikomaᴋartitsijomârpungalo Egipteneme; kapiaktoadlarneᴋaromârpoᴋ Sineme, Nôlo serᴋomitaujomârpoᴋ, Nôfemelo akkerartortoᴋaromârpoᴋ uvloᴋ nâvlugo.

Hosea 10:8

Poᴋtojut Aveneme, Israêlib ajornerijangit, asserortaulârput: ukpigait kakilautilît perornerluktullo kakilanartut nuitajomârput tunerguservingine; ᴋaᴋᴋâlungnut oᴋaromâlerput: Uliktigut! ᴋaᴋᴋârulangnullo: Sitorvigidlartigut!

Hosea 11:11

Tingmiaᴋtut Egiptenemit sajudlarlutik tikitsomârput, taubetullo nunamit Assiriamit: ineᴋartitsomârpakkalo iglomingne, oᴋarpoᴋ Nâlegaᴋ.

Hosea 2:6

Tamanna pivlugo, ahâk, apᴋutiksat kakilautilingnik avaluᴋtâromavara, upkolioromavungalo tâpsomunga, apᴋutiksarsiᴋonago.

Hosea 7:11

Efraimelo tingmiaᴋtut issumaᴋangitotut ipoᴋ, silatuneᴋangitoᴋ; Egipten ᴋaigarsugvigivât, Assiria aivigivât.

Hosea 7:13

Kapianarmêk tâpkoa! allarmatta uvamnit; asserornerub pidlarpait, tapagingmanga; piulijomalauraloarpakka, saglûtigivângale.

Hosea 7:16

Sâgiarput, ᴋotsiktomêtomulle pinatik; pitiksitulle ᴋasungajotut iput; angajoᴋâᴋsoangit saviksoarmut oggolârput oᴋamik ᴋasilidlarningit pivlugit; tamanna mitautaujutigilârpât Egipteneme.

Hosea 8:13

Pijaksamnik tunerguserput, nerᴋêjamik tunerguserput, nerrilugolo; Nâlekable nâmagilungilait; idluituliningille erᴋaumavait, ajorningillo takonâromavait; Egiptenemut utertuksauvut.

Hosea 9:3

Nâlekablo nunangane ineᴋartuksaungilat; Efraimele utertuksauvoᴋ Egiptenemut, nerᴋemiglo ivsornartomik nerrijuksauvut Assiriame.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Sefania 1:11

Kôrᴋsudlaritse serᴋalitsivingmiojose, niuverniartit ilûnatik nungumatta, ilûnatiglo silberemik nângmartut kipijaungmatta.

I Samuel 13:6

Israelib angutingita tamanna takkolauramitsuk, kappianartovingmênamik, (innugatsuit kappiasudlaramik) ijerput ᴋairosungne, kôrᴋunelo, ᴋairtunelo, ittersanelo, îttersâlungnelo.