Hosea 9:4 - Labrador Inuttitut Heritage Bible

⁴ Tunergutiksanik vainemik kovisijuksaungilat Nâlekamut, tunergutingillo ôtaksat ᴋuvianarniangilat tâpsomunga: tunergutingit ilingalârput tâpkonunga sorlo ogguartut nerᴋiksanginik; ilûnatik tagvangat nerrijut ivsornartitaulârput: nerᴋiksangit nangminermingnut ilingalârput, Nâlekab iglunganut itertuksaungilat.

Hosea 9:4 Iomraidhean Croise

Exodus 29:40

Saugârsuglo aipâ ilagivlugo sanaugarmik îfab tallimaujoanik akkusimajomik orksumut kaugaktamut hinib sitamanganik; vainemiglo hinib sitamanganik tunergutiksauvlune imiksamik.

Exodus 40:23

ᴋakᴋôjallo âᴋiksorpait ᴋânganut Nâlekab sângane; sorlo Nâlekab Mosese perᴋongmago.

Jesaiase 57:6

Kôt ujaraᴋtangit anerivattit pinnârivlugillo; taipkonunga tunergutiksanik imiksanik kovisivotit, tunergutiksanik nerᴋiksanik âtsivotit taipkonunga. Tamanna manigorutigijaksarivigô?

Jesaiase 66:3

Tuktuvangmik toᴋotsijoᴋ inuartotut-ipok; saugamik tunergusertoᴋ ᴋingmermik ᴋimitsijotut-ipoᴋ; nerᴋiksarnik tunergusertoᴋ tunergusertotut-ipok kuingêngib aunganik; tippitsiariksaumik tunergusertoᴋ nertordlertotut-ipoᴋ piungitomik (Gudingoarmik.) Sôrlo taipkoa apᴋutitik aneringmagit (issumamingnik), sôrlolo tarningita maᴋojungnartut ᴋuviagingmagit,

Jeremia 16:7

Aitortuijoᴋalângilallônêt ᴋaᴋᴋôjanik ᴋeajunut, manigoromavlugit toᴋungajut pivlugit; tunidjiviolângilallônêt manigornerub ermgusiarsunganik, imerᴋovlugit atâtatik anânatiglo pivlugit.

Jeremia 6:20

Suna pivlugo âtsivigivisingâ tipigiksautiksanik Sebamit, tauvlukutiksaniglo nunamit ungasiktomît? Tunergutiksase ôtaksat pijominalungilat uvamnut, tunergutiksaselo toᴋotaksat ᴋuviagingilakka.

Hesekiel 24:17

Annersaumigit, tusaksaungitomigle; toᴋungajoᴋ ogguarutiginiarnago, niaᴋôserille kamiklutillo, ᴋangasinâkiglo mattoniarnagik, inuillo kiksartut nerrivaktanganik nerriniarnak.

Hesekiel 24:22

Pinialârposelo sorlo uvanga piniarama, ᴋangasinâse mattolulângilase, inuillo kiksartut nerrivaktangit nerrilulângilase.

Daniel 1:8

Danielili kajusivoᴋ ômatimini ivsornartitsomanginami ataniub niᴋiksanganut mamagijanganut, vainimullo tâpsoma imiksanganut; taimaimallo aipaitôᴋojaujut angajoᴋânga ᴋinuvigivâ ivsornartitauᴋojaujomanani.

Hosea 3:4

Israêlib ᴋitorngangit uvlut unuktut nâvlugit uningâromârmatta ataneᴋaratik, angajoᴋâᴋsoaᴋaratiglo, tunerguserviᴋaratiglo, napajoliarimajoᴋaratiglo, opinartomiglo ikiaᴋaratik, gudingoaᴋaratiglo;

Hosea 7:16

Sâgiarput, ᴋotsiktomêtomulle pinatik; pitiksitulle ᴋasungajotut iput; angajoᴋâᴋsoangit saviksoarmut oggolârput oᴋamik ᴋasilidlarningit pivlugit; tamanna mitautaujutigilârpât Egipteneme.

Hosea 8:13

Pijaksamnik tunerguserput, nerᴋêjamik tunerguserput, nerrilugolo; Nâlekable nâmagilungilait; idluituliningille erᴋaumavait, ajorningillo takonâromavait; Egiptenemut utertuksauvut.

Joel 1:13

Kaigitse, poksajanik atisileritse, ogguarluselo, ilipse ajoᴋertuijose; ᴋeadlaritse, ilipse kivgartortose tunerguservingme; ᴋaigitse, poksajanik atisimavluse, inangagitse unnuaᴋ nâvlugo, ilipse kivgartortose Gudimnik; senaugaᴋ tunergutiksaᴋ, tunergutiksarlo imiksaᴋ ᴋaitaujungnairmatta Gudipse iglunganut.

Joel 1:9

Tunergutiksaᴋ nerᴋiksaᴋ tunergutiksarlo imiksaᴋ noᴋartitauvuk Nâlekab iglunganit; ajoᴋertuijut, Nâlekab kivgangit, ogguarput.

Joel 2:14

Kina ᴋaujimavâ anusingorniangimangât issumatârlunelo, ᴋemainiangimangâllo saimanartomik kingunermine, tunergutiksamik nerᴋiksamik tunergutiksamiglo imiksamik Nâlekamut Gudipsingnût?

Leviticus 17:11

Timib inôsinga aungmêngmat, tunivaralo ilipsingnut tunerguservingme ulapᴋutiksauᴋovlugo tarnipsingnut; inôsek pitjutigivlugo naliat auktortuksaungilak.

Leviticus 21:17

Arone oᴋarvigiuk, oᴋarlutit: Kinguvâksavit naliat kinguvârêngningine ᴋanoetoᴋarpat, tâmna najorniktuksaungilak Gûdime nerᴋiksanga tunergutigijomavlugo.

Leviticus 21:21

Kinalônêt Aronib ajoᴋertuijoksûb kinguvânginit ᴋanoetoᴋartok najorniktuksaungilak tunerguseromavlune tunergutinik Nâlekamut ikomakut; ᴋanoetoᴋarpok; najorniktuksaungilak Gûdime nerᴋinga tunergutigijomavlugo.

Leviticus 21:6

Ivsornaituksauvut Gûdimingnut, Gûdimiglo atinga naggonartitaililugo; tunergusermatta tunijaumajunik Nâlekamut ikomakut, Gûdimik nerᴋinganik; tamanna pivlugo ivsornaituksauvut.

Leviticus 21:8

Taimaimat ivsornaititaksarivat, Gûdivit nerᴋinga tunergutigingmago; ivsornaitokutigijaksarivat; Uvanga Nâlegaujunga ivsornaititise ivsornaidlarama.

Amos 5:22

Ilâ, tunerguservigigaloarupsinga tunergutipsingnik ôtaksanik tunergutiniglo nerᴋiksanik, ilalioromangilakka; kamagijomangilakkalônêt tunergutise ᴋujalitiksat nergjutit ᴋoinijut.

Mâlaki 2:13

Amalo imailivose: Nâlekab tunerguservinga mattuvase ᴋugvinut, ᴋeanermullo, anersauminermullo, tunergutit nerᴋiksat kamagijungnairmagit, ᴋuviasuklunelo ilaliolungimagit aggapsingnit.

Numbers 19:11

Inuk toᴋungajûb timinganik aktoajoᴋ ivsornarniarpoᴋ uvlunik sevenenik;

Numbers 28:2

Israêlikut perᴋokit oᴋautilugilo: Piliusiaksakka, tunergutiksat ôtaksat ikomakut, tipitsiariksautiksat, tunijaksarivase uvamnut neliutsiarningane.

Numbers 4:7

Sâblo ᴋaᴋᴋôjaᴋtaliub takonâraksanik, pôgutallo, alupsautillo, ᴋajûtallo, ᴋallutallo kovisijûtit, ilijaksarivait ᴋânganut: ᴋaᴋᴋôjarlo soᴋᴋoserniangitoᴋ tagvanêtuksauvoᴋ;

Johannese 6:51

Uvanga ᴋakᴋôjauvunga ômanartok, ᴋilangmit tikitok. ᴋakᴋôjamit tamattomangat nerriniartok, inôniarpok isoᴋangitomut. ᴋakᴋôjarlo tuniniartara, uvinigivara, tuniniartara, silaᴋsoarmiut inôᴋovlugit.

Deuteronomy 26:14

Nerᴋlingonimne nerrilungilanga ilanginik, ilangerlungilakkalônêt idluitulivlunga, ilangillônêt tuningilakka toᴋungajunut; Nâlekab Gûdima nipinga nâlekpara, piniarpunga perᴋojatit tamaita uvamnut maliklugit.