Hosea 9:3 - Labrador Inuttitut Heritage Bible

³ Nâlekablo nunangane ineᴋartuksaungilat; Efraimele utertuksauvoᴋ Egiptenemut, nerᴋemiglo ivsornartomik nerrijuksauvut Assiriame.

Hosea 9:3 Iomraidhean Croise

I Atannit 9:7

Tagva Israelitit pêjarniarpakka nunamit tunnilauktamnit tapᴋonunga; iglolo ivsornaiviotilauktara atimnut, pêjaromavara kênarma sânganit; Israelitillo oᴋausiovaktungoromârput, oᴋangoarutingorlutiglo inuᴋatigêksoarnut ilûnnainut.

II Atannit 17:6

Hoseablo Jâringita 9 ingane Assiriamiut atanningata Samaria salagivait, Israelitillo aularutivait Assiriamut, nunakartipaillo Halame, Haboremelo Gosanib kôngane, Mederillo iglugasaksoangine.

Jeremia 16:18

Sivorlermigle idluituliningit ajorningillo akkiniarutigijomavakka maggoertorlutik; ivsornartitsisimangmatta nunamnik maᴋojungnartûtimik timivininginut, kingormgutijaralo ilumermatsuk mamaitoâluᴋotimingnut.

Jeremia 2:7

Uvangale tikiutilauᴋpapse nunatsiariktomut, nerriᴋovluse perortunginik perᴋutinginiglo; iterapsele nunaᴋutiga ivsornartilauᴋpase, kingormgutijaksaralo maᴋojungnartilauᴋpase.

Jeremiab Ogguarutigijangit 5:6

Aggavut tunilaukpavut Egiptenemiunut Assiriamiunullo, nerᴋiksanut nâmaksititaujomavluta.

Hesekiel 4:13

Nâlegarlo oᴋarpoᴋ: Taimak ivsornartitaujomik Israêlib ᴋitorngangita nerᴋiksatik nerrijaksarivait, inôᴋatigêksuit uvanga ajaktortauviotitama tâpkoninga akorngane.

Daniel 1:8

Danielili kajusivoᴋ ômatimini ivsornartitsomanginami ataniub niᴋiksanganut mamagijanganut, vainimullo tâpsoma imiksanganut; taimaimallo aipaitôᴋojaujut angajoᴋânga ᴋinuvigivâ ivsornartitauᴋojaujomanani.

Hosea 11:11

Tingmiaᴋtut Egiptenemit sajudlarlutik tikitsomârput, taubetullo nunamit Assiriamit: ineᴋartitsomârpakkalo iglomingne, oᴋarpoᴋ Nâlegaᴋ.

Hosea 11:5

Egiptenemut utertuksaungilaᴋ; Assiriamiorle atanerilârpât, sâgiaromangimatta.

Hosea 7:11

Efraimelo tingmiaᴋtut issumaᴋangitotut ipoᴋ, silatuneᴋangitoᴋ; Egipten ᴋaigarsugvigivât, Assiria aivigivât.

Hosea 7:16

Sâgiarput, ᴋotsiktomêtomulle pinatik; pitiksitulle ᴋasungajotut iput; angajoᴋâᴋsoangit saviksoarmut oggolârput oᴋamik ᴋasilidlarningit pivlugit; tamanna mitautaujutigilârpât Egipteneme.

Hosea 8:13

Pijaksamnik tunerguserput, nerᴋêjamik tunerguserput, nerrilugolo; Nâlekable nâmagilungilait; idluituliningille erᴋaumavait, ajorningillo takonâromavait; Egiptenemut utertuksauvut.

Hosea 9:6

Takoitse, ᴋemâvut asserortaunermit, Egiptenible katersoromârpait: Memfisiblo iluveromârpait: perortut ônartut pigilârpait perᴋutingit silbereojut: ukpigaillo kakilautilit tupinginêlârput.

Leviticus 18:28

Nuna merriarᴋonago ilipsingniktauk, ivsornartikupsiuk, sôrlo inôᴋatigêksuit sivunapsingnêtut merriarlaungmagit.

Leviticus 20:22

Taimaimat maligaksauᴋojakka ajoᴋertusikkalo tamaita nâlegaksarivase piniarlugillo; nuna tikiutjivigijara ilipsingnik, nunagilugo piᴋovluse, oriarᴋonago ilipsingnik.

Leviticus 25:23

Nunalo aulaijaksaringilase issoᴋangitomut; nuna perᴋutigigapko, ilipselo takorngartauvluselo tujormiogapse uvamne.

Amos 7:17

Tamanna pivlugo imâk oᴋarpok Nâlegak: Nuliat anguniarpaktungoromârpok iglugasaksoane, ernitillo panitillo saviksoarmut toᴋotaujomârput, nunalo avgortaujomârpok ôktûtemut; igvillo nangminek toᴋolârpotit nuname ivsornartome, Israêlelo aularutijaujomârpok nunaminit.

Migga 2:10

Nikovigitse aularluselo; tamanna merngoêrserviksaulungimat, ivsornarneᴋ asserorsaijoᴋ pitjutigilugo, ilâ, asserorsainermut sugaluluartomut.

Apostelit Piniarningit 10:14

Pêtrusele oᴋarpok: Aukagle, Nâlegak; nerrilaunginama sule nachonartomik maᴋojungnartomiglônêt.

Deuteronomy 28:63

Imaitsomârporlo, sorlo Nâlekab ᴋuviasûtigilaungmase ajungitulivigijomavluse unuksititsomavluselo, taimak Nâlekab ᴋuviasûtigijomârpâse asseroromavluse nunguluselo; pêjartaujomârposelo nunamit aivigijapsingnit pigijomavlugo.

Deuteronomy 28:68

Nâlekablo tikiutijomalerivâtit Egiptenemut umiaᴋsoakut, apᴋotikut oᴋautigilauᴋtapkut ilingnut: Takojungnairaksarivat; tagvanelo aulaijomajomârpose ilipsingnik ômigijipsingnut kivgaujomavluse, angutillo arnallo, pisiniaromajoᴋaromângilarle ilipsingnik.

Deuteronomy 4:26

ᴋilak nunalo kigligiutjingorᴋovâka ilipsingnut uvlorme tamattomane, mânakut pêjartaudlamarilârapse, nunamit, Jordan ikârdlugo, aivigijapsingnit pigijomavlugo; uvluse tagvane unuksitiniangilase, nungutaumarilârposele.

Josua 23:15

Sorlo manna ajungitut tamaita tikkisimangmatta Nalekab Gudipse oᴋautigilauktangit: taimak Nalekab idluitut tamaita tikkerᴋojomârivait illipsingnut, pejaiᴋârtinago illipsingnik nunamit ajungitomit mattomangat Nalekab Gudipse tunilauktanganit illipsingnut;