Hosea 9:12 - Labrador Inuttitut Heritage Bible

¹² Kitorngatik perorsâraloarpatigiglônêt, sulle ᴋitorngairutilârpakka, inuᴋarungnaiᴋovlugo: ilâ kapianarmêk tâpkoa aularuma tâpkonangat!

Hosea 9:12 Iomraidhean Croise

II Atannit 17:18

Tagva Nâlekab Israelitit ningaridlalaukpait, pêrpaillo kênaminik; amiakoᴋalungilak kinguvarêt Judakut assinginik.

II Atannit 17:23

Nâlegak Israelitinik pêjaikârtinago kênaminit, sorlo oᴋalaurame kivgamigut ilunnaitigut nallautaijutigut Taimak Israelitit nunamingnit aularutitaulaukput Assiriamut uvlok tamanna tikkilugo.

Hiobe 27:14

ᴋittorngaᴋarpat unuktunnik, tagva tâpkoa saviksoarmut illinganiarput; kinguvângillo nâmaktomik nerᴋiksaᴋarniangilet.

Jeremia 15:7

Nunablo iglugasaksoangita itertarviksoangine ipsortoromavakka ipsortûtimut, ᴋitorngaijarsimavakka, inuᴋotikka asserorsimavakka; utilungilat apᴋotigilauᴋtamingnit.

Jeremia 6:8

Aᴋilerit, Jerusalem, ômatiga allarᴋonago ilingnit; asserortauᴋonak nunaulerᴋonak inuêrutjausimajomik.

Jeremiab Ogguarutigijangit 2:20

Takosalaurit, Nâlegak, ulernairsilutillo kina taimailiorvigimangângne! Arnat erniarijatik nerrijaksarivagît, nutarârsuit ᴋiggertagalâktitaujut aggangnût? Ajoᴋertuijok nelautaijorlo toᴋotaujuksauvât Nâlekab katimaviksoanganê?

Jeremiab Ogguarutigijangit 2:22

Avatimit kapiagijakka ᴋaiᴋolaukpatit, sorlo uvloᴋsiorviub katimaniksanganut, ᴋemâjoᴋalaungilarlo amiakoᴋalaungilarlo Nâlekab ningaumajârningata uvlungane; ᴋiggertagalâktilauktakka peroijakkalo ômigijima nungupait.

Hosea 7:13

Kapianarmêk tâpkoa! allarmatta uvamnit; asserornerub pidlarpait, tapagingmanga; piulijomalauraloarpakka, saglûtigivângale.

Hosea 9:13

Efraim taimaipoᴋ sorlo Tirus takosimagapko, nunatsiariktome ilijauvoᴋ: taimaigaloartilugole Efraimib ᴋitorngane toᴋotsijomut anititaksarivait.

Hosea 9:16

Efraim annaujauvoᴋ, amânga panerpoᴋ, paungatârungnainiarpoᴋ; ilâ, ᴋitorngigaloarpatta sulle igliangita paungangit ungagijaujut toᴋotsomavakka.

Mâlaki 2:12

Inuk taimailiortoᴋ Nâlekab pêjaivigilârpâ erᴋomajomiglo kiojomiglo Jâkob tupinginit, tunergutimiglo nerᴋiksamik tunergusertomik Nâlekamut Zebaotemut.

Numbers 14:34

Uvlut nunamik nautsertorvigilauᴋtapse unurningit, tagva uvlut 40, maliklugit, tagva jâre atauseᴋ uvlormut atautsemut, idluitulinise nangmalârpase, tagva jârinik 40nik, taimaglo missigilârpose tununganimnik.

Numbers 26:65

Tâpkoa pivlugit Nâlegaᴋ oᴋarsimalaungmat: Toᴋojuksauvut sunaᴋajuitome. Tâpkonangallo amiakoᴋangilaᴋ angutimik atautsemiglônêt, kissimik Kâlemik, Jefunib erninganik, Josuamiglo, Nunib erninganik.

Deuteronomy 28:18

Ominarsijaulârput timivît paungangit, nunavîllo paungangit, tuktuvaᴋotivît unuksiningit, saugakotivîllo piarangit.

Deuteronomy 28:32

Ernitit panitillo tunijaujomârput inôᴋativît assinginut, ijise takonârtilugit, uvlotillo nâvlugit paingugidlalarangne ajulilârpotit; aggatillo pitsartuneᴋalulângilat.

Deuteronomy 31:17

Uvlormelo tâpsomane ningarnera tâpkonunga katsungaileromârpok, ᴋemagomârpakkalo, kênaralo ijeromârpara tâpkonangat, asserortaujomârpullo; idluinerillo ânianerillo unuktut tikitsomârput tâpkonunga; oᴋaromârpullo uvlorme tâpsomane: Idluinerit makkoa tikilungilâtigût Gûdivut akunaptingnêlungimât?

Deuteronomy 32:25

Silame saviksûb ilangervigilârpait, iglunginelo kapiasungnerub; pêjailârput nukapianik niviarsianiglo, amâmaktunik ᴋêrtojuniglo.

Idluarsaijut 4:16

Barakible aksalloaggit, sorsuktuksoaᴋattigêllo udlapait, nallojut Harosetingat tikkilugo. Sisserablo sorsuktuksoaᴋotingit ilûnaita ochovut saviksub kênanganut amiakoᴋaratik atautsemiglonêt.

I Samuel 16:14

Nalekable Anerninga nûlerpok Saulemit, annernerublo idluitub Nalekamit pijub uimajartipa.