Hosea 9:1 - Labrador Inuttitut Heritage Bible

¹ Kuviasuklutit, Israêle, ᴋiggertarniarnak inôᴋatigêksoatitut, Gudît tunulugo assiniaravit, assiniarnerub akkiksanga ungagidlarangne senaugaksat issiptervingine tamaine.

Hosea 9:1 Iomraidhean Croise

Imgerut 73:27

Ahâgle, illingnit nûlertut nungujomârmatta, illunaita idluitullivigijitit nungupâttit.

Jesaiase 17:11

Uvlorme illijiviojome udjertuluaralloarpattit, uvlâkullo karngarsortatit perotsiartipattit, kissianele kattersoidlaromârpotit uvlorme kiksanartome, ãnianartolingme oᴋautaujungnangitomik.

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 2:20

Itsarsoarmit nangmautat serᴋomiᴋattarangne ᴋelarutillo kiktorarlugit; oᴋarpotillo: Kivgartoromangilanga; ᴋaᴋᴋane poᴋtojune tamaine, napârtullo tungujortut ilûnatik atâne ukuᴋattalauᴋpotit assiniarᴋattarlutillo.

Jeremia 44:17

Oᴋautsille tamaita ᴋaniptingnit anitavut nâmaksititsomavavut; isserluanititsijomavluta tipigiksautinik ᴋilaub ataninganut arnamut, kovisijomavluta tunergutiksanik imiksanik tâpsomunga, sorlo piniarêrapta uvagut atâtavullo, atanivut angajoᴋâvullo, Judab iglugasaksoangine, Jerusalemiblo apᴋosineâlungine; taipsomane amigangitunik nerᴋiksaᴋalaurapta ᴋanoengitsialauᴋpogullo, idluitomiglo takolugata.

Jeremiab Ogguarutigijangit 4:21

Erᴋiertorit ᴋuviasudlarlutillo, igvit Edomib paninga, nunaᴋartotit nuname Uzeme; ᴋajûtak ilingnuttauk pijomârpok; tallalârpotit, ussingatilârpotillo nangminernik.

Hesekiel 16:15

Pinnarnarnîlle tatigilauᴋpat, unipkautaunîllo nertûtigivlugo, sennerᴋotullo ilûnaita innapatit uivesârnermut, ajortuligosungnîllo nelonailivat ᴋângertunut tamainut; ᴋunungilatit tâpkoninga.

Hesekiel 16:30

Omatit sangêdlarmat keta, oᴋarpoᴋ Nâlegaᴋ Nâlegaujoᴋ, tamakkoa tamaita piniarnerivatit, arnab kangusujuitub uivesârtûb piniarningit;

Hesekiel 20:32

Issumapsingnullo pijut nelautsiniangimarikput, oᴋarapse: Inôᴋatigêksoatitut ilingajomavogut, nunat ᴋitorngarêngningititut, ᴋejuit ujarᴋallo kivgartorlugit.

Hesekiel 21:10

Kênaksartauvoᴋ toᴋoraiᴋovlugo, kiligartauvorlo ᴋaumalaktun iᴋovlugo: ᴋuviasuktuksauvitâ tagva? Ernerma issaᴋautinga naggovoᴋ napartunik tamainik.

Hosea 10:5

Samariamiut noggangoat Bet-avenemêtut oggorijomârpait, inungita kiksautigivât, ajoᴋertuijungitatauᴋ ᴋuviasuteᴋalauᴋtut tâpsominga, pinnarnarnerilauᴋtanga pêjartaungmat.

Hosea 2:12

Napatungillo vaineliksataliksat paungatannaktaliksallo piojungnaititsomavakka, oᴋautigijangit: Akkiliusiarilauᴋtakka tamakkoa, anguniaᴋatima ᴋaitangit; napârtoliksoangortitsomavakka, naternaublo nergjutingita nerᴋiksarilârpait.

Hosea 4:12

Inuᴋotima ᴋejuit atanertortiksarsiorvigivait, ajaupiamiglo nelonaijaivigivait: assiniarnerub anerningata tamartingmagit, Guditiglo tunulugo assiniariartorput.

Hosea 5:4

Piniarningita sâgiartailitipait Gudimingnut: assiniarnerub anerningata inigingmagit, ilitarᴋsingilallo Nâlekamik.

Hosea 5:7

Tâpkoa Nâlegaᴋ nelangaisârvigivât; ᴋitorngigamik takorngartarnik; mâna taᴋᴋetuinaub nungutsomârpait perᴋutitik ilagilugit.

Amos 3:2

Ilipse kissipse ᴋitorngarêksoarnit tamainit nuname ilitarijatuarivapse: tamanna pivlugo idluitulinise tamaita akkiniarutigijomavakka ilipsingnut.

Amos 4:5

Tunitjititselo tunergutiksamik ᴋujalitiksamik puvertisimajomik, tunergutiniglo pijârijunik oᴋâlagitse ᴋaujijautilugillo: tamanna ᴋuviagigapsiuk, ilipse Israêlib ᴋitorngangit, oᴋarpok Nâlegak Nâlegaujok.

Amos 6:13

Ilipse sunaungitomik ᴋuviasuteᴋartose, oᴋartose: Pitsartuniptingnut nakjutâlungilagût?

Amos 8:10

Uvloksiorviselo ablatsangortitsomârpakka kiksarnartovingortilugit, imgerutiselo ilûnaita ogguarutinut; makitiselo ilûnaita atititsomârpakka pôksajavinernik, niaᴋullo tamaita nujairlugit; ilingatitsomârparalo sorlo ernetuak oggorijaungmattut, nâningalo uvloktut allianaidlartotut.

Jâkobusib 4:16

Mânale piojorinipsingnik nertôtivose. Nertôtinerit taimaitut ilûnatik ajortôvut.

Jâkobusib 5:1

Tagva ilipse akluitose, ᴋeavluselo avâladlaritse kappianartut naliutsomârmatta ilipsingnut.