Hosea 8:7 - Labrador Inuttitut Heritage Bible

⁷ Anoremik karngasoivut, katersilârpulle ulajujaᴋsoarmik; iviksukaᴋangilaᴋ senaugaksanik; sulugainingit senaugaksatârnialungilat; pitârajaraloaruniglo, takorngartat ênajarpait.

Hosea 8:7 Iomraidhean Croise

Genesis 41:23

Sunaubvalo, kingorngatigut nuilerput sulugainerit sepat piungitut, amitut, uarngnarmut ᴋunorlertut.

II Atannit 15:19

Fulelo Assiriamiut atanningat tikkipok nunamut. Menahemiblo Fule tunnitsivigiva Talentinik 1,000 dinik Silberemik, illilertuiᴋovlugo tapsominga, atannioviglo sokkosijuitilugo tapsomunga piᴋovlugo.

II Atannit 15:29

Pekab Israelitit atanningata nalliuningane, Tiglat Pilesser Assiriamiut atanningat tikkipok, tigulaitalo Hion, Abel, Bethmaecha, Janoha, Kedes, Hazor, Gilead, Galilialo, Naftalikullo nunangat ilunnât, aularutivaillo Assiriamut.

Hiobe 4:8

Sôrlo takkolauralloarama siorniornermik makpiteraijut, piulijaunangitomiglo kangasuilauktut, kattersuilaurivut tamattominga;

Salomob Okâl 22:8

Idluangitomik karngasoijok, merngortornartomik kattersijomârpok, kassêningatalo issakautinga nungujomârpok.

Okaluktok 5:16

Tamannatauk idluiniovok oᴋumaitok, ingergagame tagvunga taimaluatsiak sôrlo tikisimagame. Sunamik tagva ikajorka tapsominga, sulinane sennalaurame?

Jesaiase 17:11

Uvlorme illijiviojome udjertuluaralloarpattit, uvlâkullo karngarsortatit perotsiartipattit, kissianele kattersoidlaromârpotit uvlorme kiksanartome, ãnianartolingme oᴋautaujungnangitomik.

Jesaiase 55:2

Sôᴋ kênaujanik kittitsivisê nerᴋiksaungitomut, kivgartornipselo akkingit tunivlugit aᴋᴋeartorutiksaungitomut? Tussalersingatôk, ajungitomik nerrijomârapse tagva, tarniselo nakoᴋsijaujomârmatta orᴋsumut.

Jesaiase 66:15

Ahâgle, ikkomakut Nâlegaᴋ tikkitsomârpoᴋ, ᴋamutingillo aᴋᴋunaᴋsoatut-iput, ningaumajârnine saᴋᴋijârtipâ ikkomakut suangadlarninelo ikkomab ikkoalaningagut.

Jeremia 12:13

Sanaugaksanik karngasoilauᴋput, kakkilautelingnigle katersoisimavut; ilungertorasualauᴋput, sulisimatsangilalle; katersortaselo kangusûtigijomârpase, Nâlakab ningaumajârninga ilungertudlartoᴋ pivlugo.

Jeremiab Ogguarutigijangit 5:2

Kingormgutijavut (nunavut) tunijauvok takorngartanut, iglovullo nunaᴋatigilungitaptingnut.

Hosea 2:9

Tamanna pivlugo senaugaksakka aᴋsârnigarijomalerivakka neliuningane, vainigalo tâpsoma neliuningane, saukamalo merᴋungit, ilupâksaralo, ussinganingata uliksangit, tigûllagomavakka.

Hosea 7:9

Takorngartat nukingêrutivât, tâmnalo missigilungilaᴋ tamattominga; ilâ, ilûnâne ᴋertôvoᴋ, ᴋaujimangilarle tamattominga.

Hosea 9:16

Efraim annaujauvoᴋ, amânga panerpoᴋ, paungatârungnainiarpoᴋ; ilâ, ᴋitorngigaloarpatta sulle igliangita paungangit ungagijaujut toᴋotsomavakka.

Nahum 1:3

Nâlegak ᴋenuesârpok pitsartuneliksôvlunelo, pidlartailitsingitorle ᴋaᴋialerneᴋangitunik: Nâlegak ineᴋarpok ullajujarme akᴋunaksoarme, itigangitalo nuvujat pujoragivait.

Haggai 1:6

Unuktunik karngasoivosi, ikittunigli itârᴋaivosi; nerrivose, nâmaksilungilasili; imerposi, imerugungnailungilasele; annorârposi, ᴋiujajungnailungilasili; akkiliutiksarsijûblo akkiliutiksane pôᴋpait pôrmut killalingmut.

Galâtsiamiunut 6:7

Tammarniarase Gûde mitautigijaujomangilaᴋ; inuk karngasortaminik katersoijomârmat.

Galâtsiamiunut 6:8

Uviningminut karngasiojoᴋ, asserornartomik katersoijomârpoᴋ uviningmit. Anernermulle karngasiojoᴋ inôtsemik nâksaungitomik katersoijomârpoᴋ Anernermit.

Deuteronomy 28:33

Nunavît paungangit, senajatillo tamaita inôᴋatigêksuit ilitaringitavît nungulârpait; oᴋumaiksartitautsainalârpotillo, semiktautsainarlutillo;