Hosea 8:13 - Labrador Inuttitut Heritage Bible

¹³ Pijaksamnik tunerguserput, nerᴋêjamik tunerguserput, nerrilugolo; Nâlekable nâmagilungilait; idluituliningille erᴋaumavait, ajorningillo takonâromavait; Egiptenemut utertuksauvut.

Hosea 8:13 Iomraidhean Croise

Exodus 20:3

Sanipkut asimnik Gûdeᴋartuksaungilatit.

Exodus 32:34

Taimaimat aularit mânna, inuillo tasiorkit iniksamut oᴋautigisimajamnut ilingnut: ahâk, Engeleᴋotima sivorliniarpâtit: kisianele idluitoᴋsôningit akkiniarutigijomârpakka, uvlok akiniarnermut naliutikpat.

Salomob Okâl 21:27

Gûdeᴋangitut tunnergutingit makkojungnarniôvut; piluartomik nellangainermut tunnijijoᴋarpat.

Jesaiase 1:11

Tunergutipse unurningit suksauvât uvamnut? oᴋarpoᴋ Nâlegaᴋ. Angusalluit ikkoalajaksat ᴋuinijullo orᴋsungit arriupakka, tuktuvaillo saugârsuillo angusalluillo aungat ᴋuviagingilara.

Jeremia 14:10

Imâk Nâlagaᴋ oᴋarpoᴋ inôᴋatigêksoarnut tamakkonunga: Taimak angitigijomik namuttuinak arvertaromadlarput; itikatik noᴋangatitsomangilait; taimaimat Nâlakab pijomangilait; mânale idluituliningit erᴋaumajomavait, nâmangituliningillo sugiaromavait.

Jeremia 6:20

Suna pivlugo âtsivigivisingâ tipigiksautiksanik Sebamit, tauvlukutiksaniglo nunamit ungasiktomît? Tunergutiksase ôtaksat pijominalungilat uvamnut, tunergutiksaselo toᴋotaksat ᴋuviagingilakka.

Hesekiel 29:16

Israêliblo ᴋitorngangita tatigijungnailârpait, idluitulinermik erᴋaijutauvlutik keviarunik takosâromavlugit; ᴋaujijuksauvullo uvangaugama Nâlegaᴋ.

Hosea 11:5

Egiptenemut utertuksaungilaᴋ; Assiriamiorle atanerilârpât, sâgiaromangimatta.

Hosea 12:11

Gileade idluiniovâ? Ilâ, suksaungitomarikput, Gilgaleme tunerguserput tuktuvangnik: tunerguservingille ᴋigguingortuksauvut perorsêvingne makpertertaujune.

Hosea 4:9

Taimaimat sorlo inuit ilingalârmatta, taimaluatsiaᴋ ajoᴋertuijut ilingalârivut; ilusingit pivlugit pidlaromârpakka, akkiniaromârlugillo piniarningit pivlugit.

Hosea 5:6

Saugaᴋotitik tuktuvaᴋotitiglo naksarlugit Nâlegaᴋ ᴋeneriartulârpât; nagvâromangilâlle; tâmna allarmat tâpkonangat.

Hosea 6:6

Idluarneᴋ ᴋilanârigapko, tunergutillo-ungitoᴋ; ilitarᴋsinerlo Gudemik angiluartomik tunergutinit ôtaksanit.

Hosea 7:11

Efraimelo tingmiaᴋtut issumaᴋangitotut ipoᴋ, silatuneᴋangitoᴋ; Egipten ᴋaigarsugvigivât, Assiria aivigivât.

Hosea 7:16

Sâgiarput, ᴋotsiktomêtomulle pinatik; pitiksitulle ᴋasungajotut iput; angajoᴋâᴋsoangit saviksoarmut oggolârput oᴋamik ᴋasilidlarningit pivlugit; tamanna mitautaujutigilârpât Egipteneme.

Hosea 7:2

Omatimingnelo aulajilungilat uvanga idluituliningit tamaita erᴋaumagapkit; mâna piniarningita ilumavait; kênama sânganêput.

Hosea 9:6

Takoitse, ᴋemâvut asserortaunermit, Egiptenible katersoromârpait: Memfisiblo iluveromârpait: perortut ônartut pigilârpait perᴋutingit silbereojut: ukpigaillo kakilautilit tupinginêlârput.

Hosea 9:7

Uvlut nelipsaivît tikiput, uvlut akkiniarvît tikiput: Israêlib tamanna ᴋaujilârpâ: nelautaijoᴋ silaitôvoᴋ, angut anernermik pilik issumairutivoᴋ, idluitulinivît unurningit pivlujit, ômisungnerlo angijôdlarmat.

Hosea 9:9

Sôngojomik idluitiput nangminermingnik sorlo Gibiab uvlungine; idluituliningit tâpsoma erᴋaumalârpait, nelipsalârpaillo ajorningit.

Amos 3:2

Ilipse kissipse ᴋitorngarêksoarnit tamainit nuname ilitarijatuarivapse: tamanna pivlugo idluitulinise tamaita akkiniarutigijomavakka ilipsingnut.

Amos 5:22

Ilâ, tunerguservigigaloarupsinga tunergutipsingnik ôtaksanik tunergutiniglo nerᴋiksanik, ilalioromangilakka; kamagijomangilakkalônêt tunergutise ᴋujalitiksat nergjutit ᴋoinijut.

Amos 8:7

Nâlegak angimarilaukpok Jâkob inornarninga taivlugo: Piniarningita ilangillônêt puigoromangimarikpakka.

Lukase 12:2

Sagvangitoᴋangilarle sakᴋertitauniangitomik, angigutjuteᴋangilarlo ᴋaujijauniangitomik.

I Korintemiunut 11:20

Taimâk katimalerangapse, Nâlekab Komuniôninganik pijungnangilase.

I Korintemiunut 11:29

Nalialle nerrijok imertorlo idluarsinane, tâmna nerrivlunelo imerpok erᴋartortautiksaminik; tamanna pivlugo. Nâlekab timinga issumaginginamiuk.

I Korintemiunut 4:5

Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.

Deuteronomy 28:68

Nâlekablo tikiutijomalerivâtit Egiptenemut umiaᴋsoakut, apᴋotikut oᴋautigilauᴋtapkut ilingnut: Takojungnairaksarivat; tagvanelo aulaijomajomârpose ilipsingnik ômigijipsingnut kivgaujomavluse, angutillo arnallo, pisiniaromajoᴋaromângilarle ilipsingnik.

Takotitaunermik 16:19

Iglugasaksuillo angijut pingasuililerput nelojullo iglogasaksoangit ochovut. Babilônelo angijoksoak Gûdemut issumagijauvok imertitsomavlugo ilungertornadlartub ningautsime ermgusiarsungata vaininganik.

I Samuel 15:22

Samuelele oᴋarpok: Issumavit Nalekab tunnergutiksat, tunergutiksallo ôtaksat ᴋuviaginersaringmagit nalangnermit Nalekab nippinganik? Ahâk nalengnek namanersauvok tunnergutiksamit, kammatsiarnerlo namanersauvok saukat angutingita orsuanit.