Hosea 7:4 - Labrador Inuttitut Heritage Bible

⁴ Ilûnatik assiniarteovut; niaᴋojiorviktut niaᴋojiortemut ônarsititaujotut iput; aulajarijungnaipoᴋ ikomamik akutsijarêrnerminit senaugarmik pubjusiᴋârtinagonut.

Hosea 7:4 Iomraidhean Croise

Jeremia 23:10

Nuna tattadlarmat assiniartunut, oᴋauseludlarneᴋ pitjutigivlugo nuna ogguarpoᴋ; inuᴋajuitub nerrinasugvingit ipterilikput; inuit ilusingit idluiput, pitsartuningillo piungilat.

Jeremia 9:1

Kanoktok niaᴋora imetuinaulerle ijîkkalo puailaviovlutik ᴋugvingnik, uvloᴋ nâvlugo unnuarlo nâvlugo ᴋugviorᴋovlunga inuᴋotima paningita toᴋorartauningit pivlugit.

Jeremia 9:2

Kanoᴋtôᴋ tujormiviksaᴋatuinarlanga sunaᴋajuitome, sorlo ingergajut piᴋattarmatta; ᴋemâjungnarᴋovlunga inôᴋatimnik aularlungalo tâpkonangat! ilûnatik assiniarteongmatta, tunganaitoᴋsôᴋatigêt.

Hosea 4:10

Nerrilârpullo, aᴋeartoratigle; assinialârpullo, unuksivalialugatigle; Nâlegaᴋ kamagijungnairamitsuk.

Hosea 4:12

Inuᴋotima ᴋejuit atanertortiksarsiorvigivait, ajaupiamiglo nelonaijaivigivait: assiniarnerub anerningata tamartingmagit, Guditiglo tunulugo assiniariartorput.

Hosea 4:2

Oᴋarnerlutjineᴋ, sagloneᴋ, inuarneᴋ, tiglingneᴋ, assiniarnerlo pitôvut, asseᴋangilat; sugaluluarput, auglo malikpoᴋ aungmik.

I Korintemiunut 5:6

Nertornautiksase ânanaungilak. ᴋaujimangilasê, pudjusautiarsûb sanaugak ilûnât pudjutingmagô?

Jâkobusib 4:4

Nuliarêngnermik asseroijose, angutillo arnallo, ᴋaujimangilasê, silaksoarmiunik ilannâᴋarnek Gûdemik ômisungniongmât? Silaksoarmiunik ilannâᴋaromajok, Gûdemik ômisukteolerpok.