Hosea 7:2 - Labrador Inuttitut Heritage Bible

² Omatimingnelo aulajilungilat uvanga idluituliningit tamaita erᴋaumagapkit; mâna piniarningita ilumavait; kênama sânganêput.

Hosea 7:2 Iomraidhean Croise

Hiobe 34:21

Tâpsoma ijikita ilûnatik attunnît apᴋosiningit takkonârmagit, ablorningillo ilûnaita tautukpait.

Imgerut 10:11

Omâmigut oᴋarpok: Gûdib puigorpâ, kênane ijerpâ, takkoniangitsainarpâ.

Imgerut 25:7

Inuosungnima idluitulliningit, tappanikkalo issumagitailikit; nâpkiningnîlle malliklugo issumagilaunga, pitsiarnît pivlugo.

Imgerut 50:22

Kamagitsetôk tamattominga Gûdemik puigortose, sukkutsiane sugautjerᴋonanga, piuliklerteᴋarungnairᴋonnagolo.

Imgerut 9:16

Nâlegak illitarijauvok, idluarnermik sakᴋêmat. Gûdeᴋangitok illakutjauvok aggame pinniarninginnut. Higgajon, Sêla.

Imgerut 90:8

Uvluvut tamaita nungulermatta ningarnît pivlugo. Jârivut nâvavut oᴋâlagallânektitut.

Jesaiase 1:3

Tuktuvaub pairijine illitarivâ, siuterᴋortojublo perᴋutigijime nerrititsivia illitarivâ, Israêlitille illitarᴋsilungilat inuᴋotikkalo kamalungilat (uvamnik pairijimingnik).

Jesaiase 26:16

Nâlegaᴋ, kappianartoᴋalerangat, ᴋennerpâtit; sugialerangangne, anersauminikut nipliavigivâtit.

Jesaiase 44:19

Tamannale õmamiutaringilât, illisimaneᴋaratiglo sillatuneᴋangilat, imâk issumaᴋarlutik: Abvakunga ikkomamut nungupara, aumanginelo ᴋaᴋᴋôjaliorpunga, nerᴋemiglo jarrasivlunga nerrivlungalo, mãnalo amiakovininga maᴋojungnartungortitaksarivigô, napârtoviniub ᴋejungata sângane sêrᴋortorniarlunga?

Jesaiase 5:12

Harfiniglo ᴋellularaniglo ᴋillautiniglo nipjautiniglo vainemiglo ᴋuviasûteᴋarput, Nâlekab piniarningit kamaginagit aggangitalo sullijangit takkonârnagit.

Jeremia 14:10

Imâk Nâlagaᴋ oᴋarpoᴋ inôᴋatigêksoarnut tamakkonunga: Taimak angitigijomik namuttuinak arvertaromadlarput; itikatik noᴋangatitsomangilait; taimaimat Nâlakab pijomangilait; mânale idluituliningit erᴋaumajomavait, nâmangituliningillo sugiaromavait.

Jeremia 16:17

Ijîngma tâpkoa apᴋotingit tamaita tautungmatikik; ijertaulungimatta kênamnit, idluituliningillônêt angiarijaulungilat ijimnut.

Jeremia 17:1

Judab idluitulinerijangit aglaksimavut aglautemut kikiangojomut, alikublo nuvuanut; aglaksimavut ômatingita sânginut, tunerguservingitalo nakjunginut,

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 32:19

Angijôvotit atanertuinerme, pitsartudlarlutillo piniarnerme; ijîkik uitavuk inuit ᴋitorngangita apᴋotinginut tamainut, tamaita tunitjivigijomavlugit apᴋotingit maliklugit, piniarningitalo kinguniksangit maliklugit;

Jeremia 4:18

Iluserijatit piniarnitillo tikititsivut tamakkoninga ilingnut; tagga idluitulinerijatit; piungitoᴋsôdlarmatta, ômatingnut ilingangmatta.

Jeremia 44:21

Tipigiksautit isserluanititsijutigilauᴋtase Judab iglugasaksoangine Jerusalemiblo apᴋosineâlungine, ilipse, atâtapselo, atanipse angajoᴋâpselo, nunablo inungita, ila, tâpkoa Nâlakab erᴋaumalaungilagît ômamiutarilaungilagîllo?

Hesekiel 21:29

Takotitjutinik sulingitunik takoneraitilugit ilingnut, saglonernik oᴋartilugit ilingnut, ilijijomavlutit idluitulijut toᴋonartomik âniatitaumajut ᴋongesinginut, tâpkoa uvluksangat tikisimavoᴋ, naggatiksab pidlartauvingata neliuningane.

Hosea 12:2

Nâlegaᴋ akkerartûtiksaᴋarpoᴋ Jûdamut, Jâkolo sugiaromârpâ apᴋotigijangit maliklugit; piniarningit maliklugit akkiniaromârpâ.

Hosea 4:9

Taimaimat sorlo inuit ilingalârmatta, taimaluatsiaᴋ ajoᴋertuijut ilingalârivut; ilusingit pivlugit pidlaromârpakka, akkiniaromârlugillo piniarningit pivlugit.

Hosea 6:2

Uvluk magguk ᴋângerpanik tâpsoma ômartilârpâtigut, uvluglo pingajuangne makitilârpâtigut, inôlârpogullo tâpsoma sângane.

Hosea 8:13

Pijaksamnik tunerguserput, nerᴋêjamik tunerguserput, nerrilugolo; Nâlekable nâmagilungilait; idluituliningille erᴋaumavait, ajorningillo takonâromavait; Egiptenemut utertuksauvut.

Hosea 9:15

Idluiningat ilûnane Gilgalemêpoᴋ; tagvane ômigivakka: piniarningita idluitoᴋsôningit pivlugit ᴋenugigomavakka iglumnit: nagligijungnairomavakka; angajoᴋâᴋsoangit ilûnatik tapatojoᴋsôvut.

Hosea 9:9

Sôngojomik idluitiput nangminermingnik sorlo Gibiab uvlungine; idluituliningit tâpsoma erᴋaumalârpait, nelipsalârpaillo ajorningit.

Amos 8:7

Nâlegak angimarilaukpok Jâkob inornarninga taivlugo: Piniarningita ilangillônêt puigoromangimarikpakka.

Jona 1:2

Nikovigit, Ninivemullo iglugasaksoarnut tâpkonunga angijôdlartunut ailutit, oᴋâlavigikillo; idluitoᴋsôningit sâmnut ᴋagvarsimangmatta.

Numbers 32:23

Taimailioromangikupsele, ahâk, tagva idluitulisimaniarpose Nâlekamut; missigijomârposelo idluitulinipse nelaudlalârmase.

Lukase 12:2

Sagvangitoᴋangilarle sakᴋertitauniangitomik, angigutjuteᴋangilarlo ᴋaujijauniangitomik.

I Korintemiunut 4:5

Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.

Deuteronomy 32:29

Attauk taima silatuneᴋarlit, ipaksilit tamattominga, naggatiksamingnik issumaksarsiorlit!

Ebrêerinut 4:13

Pingortitamiglo takuksaungitoᴋangilaᴋ tâpsomunga; ilûnamasiatigle ijersimanatiglo saᴋᴋersimavut ijîkita sângangne; tamanna oᴋautigivavut.