Hosea 7:11 - Labrador Inuttitut Heritage Bible

¹¹ Efraimelo tingmiaᴋtut issumaᴋangitotut ipoᴋ, silatuneᴋangitoᴋ; Egipten ᴋaigarsugvigivât, Assiria aivigivât.

Hosea 7:11 Iomraidhean Croise

II Atannit 15:19

Fulelo Assiriamiut atanningat tikkipok nunamut. Menahemiblo Fule tunnitsivigiva Talentinik 1,000 dinik Silberemik, illilertuiᴋovlugo tapsominga, atannioviglo sokkosijuitilugo tapsomunga piᴋovlugo.

II Atannit 16:7

Ahasible tillijat tillivait Tiglat Pilesseremut Assiriamiut atanninganut oᴋautsaukovâlo: Kivgauvunga erniolungalo illingnut; majorarlutit ᴋailaurit tamaunga ikajorlungalo Siriamiut atanningata, Israelitillo atanningata agganginit, akkerartortuk uvamnik.

Salomob Okâl 15:32

Nâlektitaujomangitok nangminerminik nachovok; innertertaunermigle tussâjok silatojungorpok.

Salomob Okâl 17:16

Kênaujat suksauvât silaitub agganginne, ilisimanermik pissiniaromamut, ommateᴋanginingane?

Salomob Okâl 6:32

Nuliarêngnermigle asseroijok, tâmna silaitovaksôvok; taimailiortub inôsine pitipa asserornartomut.

Jeremia 2:18

Mânalo sivêt tamâne apᴋosinerme Egiptenemut, Sihorib imangit imeromavlugît? Suvêllônêt tamâne apᴋosinerme Assiriamut, Farâtib imangit imeromavlugît?

Jeremia 2:36

Sôᴋ sangusaraiᴋattarᴋêt ikunga taikungalo apᴋutetâromavlutît? Egipten kangusûtigijomârpat, sorlo Assiria kangusûtigigangne.

Hosea 11:11

Tingmiaᴋtut Egiptenemit sajudlarlutik tikitsomârput, taubetullo nunamit Assiriamit: ineᴋartitsomârpakkalo iglomingne, oᴋarpoᴋ Nâlegaᴋ.

Hosea 12:1

Efraimib anore aᴋᴋeartorutigivâ, unangârlo udlapâ; saglonerit asserornartullo unuksitipait ᴋaut tamât; Assirialo angiᴋatigivât, orᴋsorlo âtauvoᴋ Egiptenemut.

Hosea 12:2

Nâlegaᴋ akkerartûtiksaᴋarpoᴋ Jûdamut, Jâkolo sugiaromârpâ apᴋotigijangit maliklugit; piniarningit maliklugit akkiniaromârpâ.

Hosea 14:3

Assurib piulinialungilâtigut; horsene ablangajomangilagut aggaptalônêt senajanginut oᴋarungnairomavogut: gudigivapse: ilingne iliarsuit nâpkigijauneᴋsingmatta.

Hosea 4:11

Assiniarneᴋ, vainelo, vainiksallo iptingat silaitôtitsivut.

Hosea 4:6

Inuᴋotikka asserortauvut ilisimaneᴋanginamik; ilisimaneᴋ ajaktorangne, uvangatauᴋ ajaktoromagivagit, uvamnut ajoᴋertuijôᴋonak; Gudivît perᴋojangit puigorangne, uvangatauᴋ puigoromagivunga ᴋitorngarnik.

Hosea 5:13

Efraimib ᴋanimanine takogamiuk, Jûdablo ikkine takogamiuk, Efraim Assiriamut aivoᴋ, tiliklerlunelo atanermut Jârebemut; tâpsomale inûlijungnangilâse, ikkiselônêt mamititsungnangilait.

Hosea 5:4

Piniarningita sâgiartailitipait Gudimingnut: assiniarnerub anerningata inigingmagit, ilitarᴋsingilallo Nâlekamik.

Hosea 8:13

Pijaksamnik tunerguserput, nerᴋêjamik tunerguserput, nerrilugolo; Nâlekable nâmagilungilait; idluituliningille erᴋaumavait, ajorningillo takonâromavait; Egiptenemut utertuksauvut.

Hosea 9:3

Nâlekablo nunangane ineᴋartuksaungilat; Efraimele utertuksauvoᴋ Egiptenemut, nerᴋemiglo ivsornartomik nerrijuksauvut Assiriame.

Hosea 9:6

Takoitse, ᴋemâvut asserortaunermit, Egiptenible katersoromârpait: Memfisiblo iluveromârpait: perortut ônartut pigilârpait perᴋutingit silbereojut: ukpigaillo kakilautilit tupinginêlârput.

Obadia 1:7

Angiᴋatigilauᴋtavît ilûnatik nunab kiglinganut aulartipâtit; ulapirᴋsauteᴋaᴋatigijavît uivêrivâtit saglogilutillo; nerriᴋatigijatît mikigitjerput atingne; malugosuktoᴋangilarlo.

Mattêuse 10:16

Ahâk, saukatitut tilivapse amarᴋut akornganut; tamanna pivlugo silatutsiaritse ᴋuglugiangojârtutitut, nalangainaselo taubititut.