Hosea 7:1 - Labrador Inuttitut Heritage Bible

¹ Israele, inûlijomagapko, Efraimib idluitoᴋsôninga naipitauvoᴋ, Samariablo ajortoᴋsôninga; saglotiksanik piniarmatta; tigliktorlo itârpoᴋ, arᴋtaijoᴋatigêllo opakput silame.

Hosea 7:1 Iomraidhean Croise

Jesaiase 28:1

Kappianarmek Efraimikkut tallatut niaᴋôtingat ânanaudlartoᴋ, nuvugulângat ᴋunorlertoᴋ, ânanaudlartoᴋ allianartorlo, naᴋsab perorsijaᴋtaliub ᴋollânẽtoᴋ, vainemut tallatitaujut pingat!

Jesaiase 59:12

Idluitullinivut unuluadlarmatta sângne, idluiniptalo passingmattigut. Idluitullinivut uvaptingnẽput, idluinivullo ikpigivavut.

Jesaiase 59:13

Nâlegaᴋ tunnugaptigo missiarutigivlugolo, nâlegungnairlugolo Gûdivut, taisinerdlukluta aksorôtjijomanermik tappatojomanermiglo, oᴋautsit uivêriklernartut illumiutarivlugit annitillugillo õmatiptingnit.

Jesaiase 59:14

Taimaimat erᴋartuijutiksat uttimuartitauvut, idluarnerlo ungasiktome ᴋikkarpoᴋ, nallâgôrneᴋ pâlangmat iglut akkornganne, idluarnerlo itterlune ajormat.

Jeremia 51:9

Babilone âᴋiksoromalauᴋpavut, âᴋiktaulungilarle; ᴋemaksiuk, angeralertalo ilûnata nunagijaptingnut; erᴋartortauninga tôrmat ᴋilangmut, kiviktauvoᴋ nuvujanut.

Hesekiel 16:46

Angajuit tagva Samaria, saumikpit tungâne nunalik, tâmnalo paningillo; nukaillo, talerpikpit tungâne nunalik, tagva Sodoma paningillo.

Hesekiel 23:4

Attîgik imaipuk: angajukleᴋ: Ohôla, nukâlo: Ohôliba. Pigilerpâkalo, ernertârpuglo panitârlutiglo. Attîgiglo pitjutigilugik, imaipoᴋ: Ohôla tagva Samaria, Ohôliba tagva Jerusalem.

Hesekiel 24:13

Ivsornarnît kangunartulinermik ilaᴋarpoᴋ; epᴋêjalauraloarapkit epᴋêjartaujomanginavillo epᴋêjartaujungnailârpotit salumainernit kingorngane, nâmaksititsiᴋârtinanga ningaumajârnimnik ilingnik.

Hosea 10:5

Samariamiut noggangoat Bet-avenemêtut oggorijomârpait, inungita kiksautigivât, ajoᴋertuijungitatauᴋ ᴋuviasuteᴋalauᴋtut tâpsominga, pinnarnarnerilauᴋtanga pêjartaungmat.

Hosea 11:12

Efraimib ilumavânga saglonermut, Israêliblo ᴋitorngangita uiveriklernermut; Jûdale atavoᴋ sulle Gudemut, nelâgôrporlo ivsornaitoᴋsôjomut.

Hosea 11:8

Kanorle sapkojungnarpagît, Efraim? Kanoᴋ piulijungnarpagît, Israêlê? Kanoᴋ ilingatitsungnarpagît Admatût? Kanoᴋ pititsungnarpagît Zeboimetût? Omatiga mumikpoᴋ ilumne, ilapsugosungnikka atautsikut ikoâladlartotut ilingavut.

Hosea 12:1

Efraimib anore aᴋᴋeartorutigivâ, unangârlo udlapâ; saglonerit asserornartullo unuksitipait ᴋaut tamât; Assirialo angiᴋatigivât, orᴋsorlo âtauvoᴋ Egiptenemut.

Hosea 12:2

Nâlegaᴋ akkerartûtiksaᴋarpoᴋ Jûdamut, Jâkolo sugiaromârpâ apᴋotigijangit maliklugit; piniarningit maliklugit akkiniaromârpâ.

Hosea 4:17

Efraimib gudingoat ilasiarivait; kamaginiarasiuk.

Hosea 4:2

Oᴋarnerlutjineᴋ, sagloneᴋ, inuarneᴋ, tiglingneᴋ, assiniarnerlo pitôvut, asseᴋangilat; sugaluluarput, auglo malikpoᴋ aungmik.

Hosea 5:1

Tamanna tusarsiuk, ilipse ajoᴋertuijose, nâlagitselo ilipse Israêlib ᴋitorngangit, siutiselo manisigik, ilipse ataniub ᴋitorngangit, ilipsingnut erᴋartuijûtit ilingangmatta; nigarniutaulaurapse Mispame, nuluangovluselo issivisimajut Tâboreme.

Hosea 6:4

Sunamik piniarvigijaksarivagît, Efraim? Sumiglo piniarvigijaksarivagît, Judâ? Idluarnise uvlâb nuvujangatut ingmat, mitsuksoatullo nungusârtotut.

Hosea 7:13

Kapianarmêk tâpkoa! allarmatta uvamnit; asserornerub pidlarpait, tapagingmanga; piulijomalauraloarpakka, saglûtigivângale.

Hosea 8:5

Noggangoat tâpsoma ajaktorpâ, Samaria; ningarnera tâpkonunga ilungertorpoᴋ; ᴋanoᴋ sivitutigilârᴋâ ivsornainermut tikiutiᴋârtinagît?

Hosea 8:9

Majorarmatta Assiriamut siutiᴋortojotut nujoartotut inutôvlune ilaᴋarane; Efraim anguniarᴋatiksarsiorpoᴋ pajuklugit.

Amos 3:10

Ilisimalungimatta idluartulinermik, oᴋarpok Nâlegak, torᴋuivut aksorotjinermik arᴋtainermiglo igloksoamingne.

Amos 3:9

ᴋaujititsileritse Asdodib igloksoangine, ᴋaujititsileritse nunab Egiptenib igloksoangine, oᴋarluse: Katimagitse Samariab ᴋakᴋaksoangine, takoniarluselo pikablâjoksoarnik tagvanêtunik, oᴋumaiksartitsijuniglo tâpkoa akorngane.

Amos 8:14

Tâpkoa angermariktut Samariab ajorninga taivlugo, oᴋartut: Sorlo mikseᴋârtomik Gudit inôngmat, Dane; imâglo: Sorlo mikseᴋârtomik ilusiojok Bersabame inôngmat; tâpkoa ilâ oggolârput, makiniarungnailutik.

Migga 6:16

Omrib maligaksauᴋojangit maliktaungmatta, Ahabiblo ᴋitorngangita piniarningit, arvertarposelo tâpkoa ilusioᴋojangit maliklugit; tamanna pivlugo asserornerlukungortitsomârpapse, nunablo inungit mitautiksangordlugit; inuᴋotimalo naggonarningat nangmalârpase.

Mattêuse 23:37

Jerusalem, Jerusalem, nalautaijunik toᴋotsijotit, ilingnullo tilijanik ujarᴋanut milorniktotit! ᴋitorngatit katititsomaᴋattalauralloarpakka, sorlo arnaungub piarᴋane katitingmagit esarᴋominut; pijomalaungitosele.

Lukase 13:34

Jerusalem, Jerusalem, nalautaijunik toᴋotsijotit, ilingnullo tilijanik ujarᴋanut milorniktotit: ᴋitorngatit katititsomaᴋattalauralloarpakka, sorlo arnaungub piarᴋane katitingmagit esarᴋominut; pijomalaungitosele!

Lukase 19:42

Oᴋarporlo: ᴋanoktôk ᴋaujimagupse ilipseluatsiak, naliunerme tamattomane ulapirᴋsartauniksapsingnut ilingajunik! Mânale ijipsingnut ijersimavok.