Hosea 6:8 - Labrador Inuttitut Heritage Bible

⁸ Gileade iglugasaksoangovoᴋ idluitulijoᴋtalik, aulingnik tumelik.

Hosea 6:8 Iomraidhean Croise

II Samuel 20:8

Ujarasuksoarmêtillugille Gibeonemêtome Amasab sivurngitorpait. Joabele tapserusersimalaukpok annorame attortame ᴋângagut, tapsomalo ᴋângagut tapserutemiuteᴋalaukpok saviksoarmik, tamna ᴋenailitamêdlune nivingavok tapsoma makkitingane, sivumuartillugolo tamna amuvok kattaklunelo.

II Samuel 3:27

Abnerelo manna tikkipsarmat Hebronemut, Joabib tessiorpa ittertarviksub ᴋerᴋânut, angigutsivlune oᴋarᴋattigijomavlugo; kappivâlo tagvane nângagut, toᴋᴋolerᴋovlugo, nukame Asahelib aunga pivlugo.

I Atannit 2:5

ᴋaujimatsiarpotittauk sumik Joab Zerujab erningata pinniarvigilaungmanga, sunamik pinniarlauktanganik Israelib sorsuktuksaksoaᴋatigêᴋotingita angajoᴋagingnut, Abneremut Nerib erninganut, Amasamullo Jetherib erninganut, toᴋolauktamingnut, kovisilunelo unatadlarnerub aunganik, ullapirsauteᴋartillugo, unatadlarnerublo aunganik pititsivok tapseruteᴋotiminut, makkitimigut attorlauktaminut, itiggagutiminullo ittikaminelauktunut.

Imgerut 10:8

Iksivavok uttaᴋilunelo iglugasait terliarsivinginne, passijaksaungitullo toᴋᴋopait, angigutsivlune ijikita aklujut ᴋenenasuarpait.

Imgerut 141:4

Omattiga ᴋajungertiniarnago sunamut idluitomut, Gûdeᴋangitut illusingit attorlugit idluitullijut illagilugit, nerrerᴋonanga taipkoa oêrijanginnit.

Imgerut 59:2

Piulilaunga idluitullijunnit, ikajorlungalo auruktunnit!

Jesaiase 59:6

Nulluangit annorâksaungilat, pergaijangillo ᴋipiksamut piotsangilat, piniarningit piniarniovut piungitut, aggangillo idluiluktunik sullijaksaᴋarput.

Jeremia 11:19

Uvangale saugâraᴋtut sinaungajuitotut toᴋotauvingmut tassigoartaujotut ilingalauᴋpunga; ᴋaujimalaungilanga angiᴋatigêlaungmangârmik pikalukvigijomavlunga, oᴋarlutik: Napârtoᴋ paungangillo asserorniarlavut, nakalaulavullo inôjut nunanganit, attinga erᴋaumajaujungnaimariᴋovlugo.

Hosea 12:11

Gileade idluiniovâ? Ilâ, suksaungitomarikput, Gilgaleme tunerguserput tuktuvangnik: tunerguservingille ᴋigguingortuksauvut perorsêvingne makpertertaujune.

Hosea 12:12

Jâkolo ᴋemâlauᴋpoᴋ Aramib naternanganut, Israêliblo nuliaksaᴋ kivgartûtigiva, nuliaksarsiniarlunelo saukanik mianersivoᴋ.

Hosea 4:2

Oᴋarnerlutjineᴋ, sagloneᴋ, inuarneᴋ, tiglingneᴋ, assiniarnerlo pitôvut, asseᴋangilat; sugaluluarput, auglo malikpoᴋ aungmik.

Hosea 5:1

Tamanna tusarsiuk, ilipse ajoᴋertuijose, nâlagitselo ilipse Israêlib ᴋitorngangit, siutiselo manisigik, ilipse ataniub ᴋitorngangit, ilipsingnut erᴋartuijûtit ilingangmatta; nigarniutaulaurapse Mispame, nuluangovluselo issivisimajut Tâboreme.

Migga 7:2

Idluartoᴋarungnaipoᴋ nuname, nalâgôrtoᴋarungnaiporlo inuit akorngane; ilûnatik terliarsilutik pinasuarput aungmik, nulluanut pinasuarᴋatautivut.

Apostelit Piniarningit 25:3

Kenuvigivlugolo tusartaujomavlutik taimna pivlugo, ᴋaiᴋojerᴋovlugo taipsominga Jerusalemut, pinasuarpâllo apᴋome ingergatilugo toᴋotsomavlugo.

Josua 21:38

Kinguvarênit Gadekunit iglugasaksoarnik sittamainik: toᴋᴋotsijut pitlartaujungnairvinganik Ramothemik Gileademe aiparusinginiglo avatâne,