Hosea 6:3 - Labrador Inuttitut Heritage Bible

³ Nâlegarlo ilitarilerlavut, ilâ, ilitariganerlugo; tâpsoma anininga uvlub ᴋaulerningatut nelonangitigivoᴋ; tikilârpâtigullo silaluktut, silaluktut kingorliojotut koveraijotut nunamik.

Hosea 6:3 Iomraidhean Croise

II Samuel 23:4

Uvlâb ᴋaumaningatut itsomârpok, seᴋᴋinek uvlarme nuilertillugo nuvujakangipat, sillalungnerub kingorngane ᴋaumadlarnermut iviksukat nuilerpatta nunamit.

Hiobe 29:23

Utakᴋilaukpânga sillaluktut, ᴋannitiglo aitalaukpait (kêmitingnermut) sillalungmut unuksiumut sôrlo.

Imgerut 19:4

Noakservalautinga annivok nunet illunaita ᴋângagôrvigivlugit, oᴋarningalo sillaksub issuanut pivok; seᴋᴋinek tuppeᴋartilaukpâ taipᴋonane;

Imgerut 19:6

Nuilerpok ᴋillaub issuata aipâne, ᴋaivalailunelo ingergavok ama tâpsoma issua tikkilugo; sagvangitoᴋangilarlo ônarninganut.

Imgerut 63:8

Tarnima ungagivâtit, aggakpît tallerpikpît pattangaitipânga.

Imgerut 65:9

Nuna nallipsarpat, imeᴋartilugolo, akluitidlarlugolo. Gûdib puailaviârsunga imeᴋarpok nâmamariktomik. Tâpkoa ᴋaᴋᴋôjaksaᴋotingit perutsiaᴋovâttit, tâmna nunna taimak âᴋiᴋsolauᴋârungne.

Imgerut 72:6

Aᴋᴋaromârpok sillaluktut nunamut iviksukatalingmut nakkarsimaviojomut sorlo, kutititut nunamik kausertitsijutitut.

Salomob Okâl 4:18

Idluartulle apᴋotingat ᴋaumanerub keblarningatut ipok, sivumuartotut, ᴋaumaksaijotullo uvlok soᴋosijuitok tikkilugo.

Jesaiase 2:3

Nunaᴋatigêksuillo unuktut aijomârput oᴋarlutiglo: Attê! Nâlekab ᴋaᴋᴋanganut majorarta, Jâkob Gûdingata iglunganut, tâpsoma apᴋutigijaksaurᴋojanginik ajoᴋertortaurᴋovluta tâpsomalo apᴋutigijaksaurᴋojangine arvertarᴋovluta. Zionemit perᴋojat annijomârmatta Nâlekablo oᴋausingit Jerusalemit.

Jesaiase 32:15

Uvaptingnut kovijaulerᴋârtinago anerneᴋ ᴋotsiktomit. Tagva perortoᴋangitoᴋ perorsêvingortitaujomârpoᴋ, perorsêviglo napârtoliksoatut issumagijaujomârpoᴋ.

Jesaiase 44:3

Imermik kovisijomârama imeruktomut kôngniglo pannertomut; anernera kovijomârpara ᴋitorngarnut saimarsautigalo kinguvângnut.

Jesaiase 5:6

Nungutitsomavaralo pairijautailitillugo poagijartautailitillugolo; perortoᴋaromârpoᴋ ukpiganik perornerdluktuniglo kakkilautilingnik, nuvujallo inerteromavakka sillalugviorᴋonnago.

Jesaiase 54:13

Kitorngatillo illũnatik Nâlekamut ajoᴋertortaujomârput, ᴋitorngatillo ullapirsaumik angijomik tunidjiviojomârput.

Jeremia 24:7

Tunidjivigijomavakkalo ômatinik ilitarᴋsiᴋovlugit uvamnik, uvanga Nâlagaugama; inuᴋotigijomavakkalo tâpkoalo Gudiginiarpânga; ômamut tamânut sâgiaromârmatta uvamnut.

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Hosea 10:12

Karngasoigitse nangminipsingnut idluarnerme, katersoiluselo nâpkiningneᴋ maliklugo; nunase poagijartaumangitoᴋ poagijarsiuk: neliutilermat Nâlegaᴋ ᴋenerlugo, tikerᴋartinago, koverarluselo idluarnermik.

Hosea 14:5

Mitsuksoatut ilingajomavunga Israêlemut, nuvugulâᴋtâlârpoᴋ paunaujaujârtotut, amânelo siamartilârpait Libanonetut.

Hosea 14:6

Akkerungit issivitsialârput, pinnarnarningalo napârtotut orᴋsuliktut ilârpoᴋ, tipingalo Libanonetut.

Hosea 2:20

Nelâgôrnermelo ilâ nuliarijomavagit: Nâlegarlo ilitarilârᴋat.

Migga 4:2

Inôᴋatigêksuillo unuktut ingeraromârput, oᴋarlutiglo: Kaileritse, majuarta Nâlekab ᴋaᴋanganut, Jâkoblo Gudingata iglunganut; tâpsomalo ajoᴋertulârpâtigut apᴋutauᴋojaminik, arvertaromavogullo apᴋutingine; perᴋojat anijomârmatta Zionemit, Nâlekablo oᴋausinga Jerusalemit.

Migga 5:2

Igville, Betlehem Efrata, mikijôgaloartotit Jûdab tausendeoningita akorngane, ilingnit pijomârpoᴋ uvamnut nâlegaujuksaᴋ Israêleme; tâpsoma aniningit itsarsoarnit pivut, issoᴋangitoᴋsoarmit.

Migga 5:7

Jâkoblo amiakungit mitsuksoatut Nâlekamit pijotut ilingalârput inôᴋatigêksuit unuktut akorngane, suarutaᴋtut iviksukane; tâpkoa kinamik utaᴋilungilat, nerriulungilallo inûb ᴋitornganginik.

Saggaria 10:1

Nalegak silalungmik ᴋenuvigisiuk silalûb kingorliojûb naliuningane, ilâ, Nâlegak ᴋaumalaliortok; tâpsomalo silalungmik nâmaktomik tunitjivigilârpait, iviksukaniglo naternarme ilûnainut.

Mâlaki 4:2

Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

Mattêuse 13:11

Kiovait oᴋautivlugillo: Ilipse Gûdib nâlegauvingata nalonarninganik ᴋaujititauvose; taipkoale tamattominga tunitjiviongilat.

Lukase 1:78

Gûdipta ômatingata nâpkiningningagut. Tâpsomûna nuijub ᴋotsingnermit nelipsarmatigut,

Johannese 17:3

Tamadjauvorle inôgut nungusuitok: ilitarsilune ilingnik, kisivit nelâgut Gûdeogavit tililauktarniglo Jêsuse Kristûsemik.

Johannese 7:17

Tâpsoma pijomajanganik piniaromajoᴋarpat, tukkisiniarpoᴋ, ajoᴋertûseᴋ tamanna Gûdemit pingmangât, ubvalo uvamnik oᴋâlamangârma.

Apostelit Piniarningit 17:11

Tâpkoa ajunginerojut Tessalônikamiunit; oᴋautsillo ilaliorpait ᴋunutuidlutik, uvlullo tamaita atuarpait ᴋenerdlutik taimaingmangâta (Paulusib oᴋausingititut).

Deuteronomy 32:2

Ajuᴋertusera kussiniarpok silaluktut, oᴋausikka siamalârput misuksoatut; minitut iviksukane nutaijortune, suarutaᴋtullo perortune;

Ebrêerinut 3:14

Kristuse illangiubvigigaptigo, sungertûteᴋarnivut aulaijungnangeruptigo naggatânut,

II Pêtrusib 1:19

Nelautaijûb oᴋausinganik tunganartomik peᴋarpogut; tamanna nâlekkapsiuk idluartomik pivose, sorlo nenneroaᴋ ᴋaumarsaijoᴋ tâᴋtome, ᴋaulertsiarilugo, uvloriarlo ᴋausiut nuilertsiarivlugo ômatipsingne.

Takotitaunermik 22:16

Uvanga Jêsuseojunga Engeliga tililaukpara tamakkoninga kigligiutsivigiluse perᴋovlugo illagêktunut (ilingajuksanik). Dâvidib amârivlungalo kinguvârivânga, uvloriangojunga ᴋausiut ᴋaumaridlartok.