Hosea 5:9 - Labrador Inuttitut Heritage Bible

⁹ Efraim asserorsimaningoromârpoᴋ uvlorme pidlartauvingme; Israêlib kinguvârênginut nelonaijaivunga pijomârtuksanik.

Hosea 5:9 Iomraidhean Croise

Hiobe 12:14

Ahâk tâmna serᴋomitsilerangat, tagva sananasuarnek sulitsengilak; tâpsoma kina pallangairutijarangago, kinalônêt pallangairutjarijungnangilak.

Jesaiase 37:3

Tâpsomungalo oᴋarput: Hiskia imâk oᴋarpoᴋ: Uvloᴋ tamanna uvlôvoᴋ kappiasugvik, sugiartauvik mittautigijauvik. (Imâglo illingavoᴋ sôrlo): nutaᴋᴋat pâmut aporalloarmatta, erninermut nukkiksaᴋangilaᴋ.

Jesaiase 46:10

Pigiarnermit ᴋaujijautitsigêrpunga kingorngane pijomârtuksanik, sivorngagullo ᴋaujijautillugit nalliutilungitut sulle; oᴋartungalo: Kajusimautigijara soᴋᴋoserniatsangilaᴋ, idluarijakka tamaita nãmaksitipakka.

Jesaiase 48:3

Itsaᴋsoaᴋ pijoᴋartut ᴋaujijautitsarêrpakka pilerᴋârtinagit; ᴋanimnillo annisimangmatta, oᴋautigigapkillo, tagvainaᴋ nallautsitipakka nalliutitillugillo.

Jesaiase 48:5

Tamanna pivlugo sivorngagut oᴋautigivakka, ᴋaujijautillugit illingnut nalliuterᴋârtinagit, oᴋarᴋonak: Gûdingoara taimailiorpoᴋ, inungoaᴋotigalo Gûdingoaralo tamattominga perᴋojivuk.

Jesaiase 7:16

Nukappiarle tukkisilerᴋârtinnago idluitoᴋ nachogivlugo, idluartoᴋ annerivlugo, attanîk magguk sivorajutigijâkpit nunâgik ᴋemaktaujomârpuk.

Hosea 5:12

Uvanga Efraimemut ketulapiktut ipunga, Jûdablo ᴋitornganginut aunertut.

Hosea 5:14

Efraim ilingavigijomavara loevetut, Judablo ᴋitorngangit loevearaᴋtut; uvanga, ilâ, uvanga aliktuijomavunga, aularlungalo; aularutjijomavunga, piuliklerungnartoᴋalulângilarlo.

Hosea 7:12

Arvertajakpatta, nulluakka issipteromavakka tâpkonunga; kataktitsomavakka sorlo tingmiat ᴋilaub ikianganit; sugiaromavakka, sorlo ᴋaggimiojungit tusarêrmatta.

Hosea 8:8

Israêl êjauvoᴋ; mâna inôᴋatigêksuit akornganêpoᴋ pôgutatut ᴋuviagijaungitotut.

Hosea 9:7

Uvlut nelipsaivît tikiput, uvlut akkiniarvît tikiput: Israêlib tamanna ᴋaujilârpâ: nelautaijoᴋ silaitôvoᴋ, angut anernermik pilik issumairutivoᴋ, idluitulinivît unurningit pivlujit, ômisungnerlo angijôdlarmat.

Amos 3:7

Nâlegak Nâlegaujok sumiglônêt piniarnialungilak, kissiane angiarijane nalonaijarᴋâruniuk kivgaminut nalautaijunut.

Amos 7:17

Tamanna pivlugo imâk oᴋarpok Nâlegak: Nuliat anguniarpaktungoromârpok iglugasaksoane, ernitillo panitillo saviksoarmut toᴋotaujomârput, nunalo avgortaujomârpok ôktûtemut; igvillo nangminek toᴋolârpotit nuname ivsornartome, Israêlelo aularutijaujomârpok nunaminit.

Amos 7:9

Israêliblo poᴋtoningit sunairutijomârput, Israêliblo ivsornaitovingit asserortaulârput; saviksoalijarlungalo Jerobeamib ᴋitorngangit pigiaromârpakka.

Migga 6:13

Taimaimat uvangatauᴋ anernadlartomik annauvagit; sunairutivagit idluitulinitit pivlugit.

Saggaria 1:6

Oᴋausimale kajusijutigijamalo, perᴋolauktama kivgamnut nalautaijunut, atâtase angulaungilagît? Tâpkoalo sâput oᴋarlutiglo: Sorlo Nâlegak kajusilaurame ᴋanok piniarvigijomavluta apᴋutigijavut piniarnerijavullo maliklugit, taimak piniarvigivâtigut.

Johannese 16:4

Tamattominga oᴋautilaukpapse, neliutikpat erᴋailerᴋovluse oᴋautigilauktamnik ilipsingnut. Tamattominga pigiarnermit oᴋautilaungilapse najulaurapse.