Hosea 4:6 - Labrador Inuttitut Heritage Bible

⁶ Inuᴋotikka asserortauvut ilisimaneᴋanginamik; ilisimaneᴋ ajaktorangne, uvangatauᴋ ajaktoromagivagit, uvamnut ajoᴋertuijôᴋonak; Gudivît perᴋojangit puigorangne, uvangatauᴋ puigoromagivunga ᴋitorngarnik.

Hosea 4:6 Iomraidhean Croise

II Kronika 15:3

Uvloᴋaromârporle unnuktunik Israeleme, Gudearomângitunik idluartomik, ajochertuijoaromângituniglo ajochertuijunik, perᴋojâromângituniglo.

Hiobe 36:12

“Nâlengikunik, tagva saviksoarmut ochoniarput, nungulerniarlutiglo mallugosuᴋâratik tamattominga.

Imgerut 119:139

Toᴋᴋokasalaukpunga illungertornermut, akkerartortima oᴋautsitit puigormagit.

Imgerut 119:153

Pattanganera takkonâruk ikajorlungalo tamattomangat; malligaksauᴋojattit puigorlunginapkit.

Imgerut 119:61

Gûdeᴋangitoᴋattigêt illumavânga; uvanga malligaksauᴋojattit puigorlungilakka.

Imgerut 18:27

Innugasaksuit ajulertut ikajorangne, ijillo pimariutertut manigotitipâttit.

Salomob Okâl 10:21

Idluartub kangasinâgik unuktunik nakoksititsivuk; silaitulle toᴋojomârput silainermingne.

Salomob Okâl 19:2

Taimâktauk tarne ilitarksineᴋangitok nâmalungilak; itikkaminullo tuavidlartok tammarpakpok.

Jesaiase 1:3

Tuktuvaub pairijine illitarivâ, siuterᴋortojublo perᴋutigijime nerrititsivia illitarivâ, Israêlitille illitarᴋsilungilat inuᴋotikkalo kamalungilat (uvamnik pairijimingnik).

Jesaiase 17:10

Gûde piulijiksarijat puigorangne, ᴋairtorlo sapudjauviksarijat erᴋaumanginangne, perorsêvingnik allianartunik sanavotit, illijivigivlugit takkorngartat karngasûtinginik.

Jesaiase 27:11

Akkerᴋut pannilerunik navigomârput, arnallo pijartorlugit ikkomaksarivait, nunaᴋatigêt tâpkoa sillaitovaksôngmatta. Taimaimat sanajingata nâpkigijungnangilait pingortitingatalo ajungitullivigivlugit ajorpait.

Jesaiase 28:7

Ukkoaletauᴋ (Jûdakkut) vainetornermut tallatitauvut, imiksamullo tallanartomut kaibjaititauvut. Ajoᴋertuijullo nallautaijullo imiksamut tallanartomut tallatitauvut, vainetornermullo sãlagijauvut, imiksamullo tallanartomut kaibjaititauvut; takkotitjutinik tautuktitauvlutik tallaput, erᴋartuivingmêdlutik kaibjaivut.

Jesaiase 29:12

Imâglõnêt: Aglait tunijaukpatta aglangnik atuarsijungnangitomut, oᴋautivlugo imâk: Omât, tamakkoninga atuarsilaurit! — tagva oᴋalerpoᴋ: Aglangnik atuarsijungnangitunga.

Jesaiase 3:12

Inuᴋotima aulatsijingit sorrusiovut, arnallo attaniovut tâpkonunga. Inuᴋotikka, tassiortise tammartitsisôngovut, apᴋullo arvertarvigijaksarijase asserorpât.

Jesaiase 45:20

Amiakôjose nallojunit, kattimaleritse tamaungaᴋatigêkluselo! Sillaiput akjartortut Gûdingoaᴋotimingnik ᴋejungnik, tuksiartut Gûdemut ikajorungnangitomut.

Jesaiase 5:13

Taimaimat inuᴋotikka aulartitauliaᴋijomârput, ivlerijaujullo tâpkonanẽtut kâdlaromârput, inungillo unudlartut ᴋêleromârput.

Jeremia 2:8

Ajoᴋertuijut aperilaungilat: Nâlagaᴋ nanêᴋâ? perᴋojaniglo ilisimajut ilitarilaungilânga; pairᴋsijut tunulauᴋpânga, nalautaijullo nalautailauᴋput Baalekut, malikpullo idluarᴋutaungitunik.

Jeremia 4:22

Inuᴋotikka silaidlarmatta, ilitaringilânga; ᴋitorngauvut sujuksimajut, silatuneᴋangilallo mikijomiglônêt; silatudlarput idluitulinermik, idluartulinermigle ilisimaneᴋangilat.

Jeremia 5:21

Tusaritse tamattominga, inôᴋatigêksoangojose silaidlartose, silatuneᴋangitoselo; ijeᴋartose tautungitosele, siuteᴋartose tusangitosele;

Hesekiel 44:23

Inuᴋotikkalo ajoᴋertoraksarivait hailigiojut hailigiungitullo adsigênginîgingnik, ilitarᴋsitilugillo ivsornaitut ivsornaingitullo adsigênginîgingnik.

Hosea 13:6

Nerrinasugvitik maliklugo, taimak aᴋᴋeartorput; aᴋᴋeartorput, ômatingillo pingijaidlarput; taimaimallo puigorpânga.

Hosea 2:13

Uvlullo Baalenut atortangit akkiniarutigijomavakka tâpsomunga, tippigiksautinik isserluanititsivigijangit tâpkonunga, pinnarnarsitigame nangminerminik siumiutaminut pinnarnarsautiminullo, anguniaᴋatigijanelo ᴋeneriartoramigit, uvamniglo puigorlune, oᴋarpoᴋ Nâlegaᴋ.

Hosea 4:1

Nâlekab oᴋausinga tusarsiuk, ilipse Israêlib ᴋitorngangit: Nâlegaᴋ nunab inunginut akkerartoruteᴋarmat, mikseᴋârneᴋangimat, nâpkiningneᴋangimallo, ilitarᴋsineᴋangimallo Gudemik nuname.

Hosea 4:12

Inuᴋotima ᴋejuit atanertortiksarsiorvigivait, ajaupiamiglo nelonaijaivigivait: assiniarnerub anerningata tamartingmagit, Guditiglo tunulugo assiniariartorput.

Hosea 4:14

Pidlaromalungilakka panise assiniarpatta, nuliaksaselônêt anguniarpatta; tâpkoa nangmineᴋ ingmigolingatigamik assiniarpaktut ilagilugit, tunerguseramiglo anguniarpaktut ilagilugit; inuillo silatuneᴋangitut oggotitaujomârput.

Hosea 5:4

Piniarningita sâgiartailitipait Gudimingnut: assiniarnerub anerningata inigingmagit, ilitarᴋsingilallo Nâlekamik.

Hosea 6:6

Idluarneᴋ ᴋilanârigapko, tunergutillo-ungitoᴋ; ilitarᴋsinerlo Gudemik angiluartomik tunergutinit ôtaksanit.

Hosea 7:11

Efraimelo tingmiaᴋtut issumaᴋangitotut ipoᴋ, silatuneᴋangitoᴋ; Egipten ᴋaigarsugvigivât, Assiria aivigivât.

Hosea 7:9

Takorngartat nukingêrutivât, tâmnalo missigilungilaᴋ tamattominga; ilâ, ilûnâne ᴋertôvoᴋ, ᴋaujimangilarle tamattominga.

Hosea 8:1

Tiptulaut ᴋanernut pileruk; nektoraliktut Nâlekab iglunganut pivoᴋ; angiᴋatigêngnera tapagingmatsuk, perᴋojakkalo nâlagungnailugit.

Hosea 8:12

Perᴋojakka aglagaloarupkit tâpsomunga 10,000nik perᴋojaᴋarlutik, tusarngartaugijautuinarput.

Hosea 8:14

Israêle puigormat Pingortitiminik, igloᴋsoaliorlunelo; Jûdab iglugasaksuit sôngojut unuksitipait; uvangale ikomamik tilikleromavunga iglugasaksoanginut, nungutsijuksamik igloᴋsoanginik.

Hosea 9:17

Gudima ajaktoromârpait, nâlalaungimatta tâpsominga: saksârtôjomârput inôᴋatigêksuit akorngane.

Mattêuse 1:6

Jessib ernetârivâ atanek Dâvide. Ataniub Dâvidib ernetârivâ Salomo, Urîab nuliarilauktanganit.

Mattêuse 15:14

Allarsigik! Tautungitôvut, tautungitullo tâpkoa tessiortigivait; tautungitub tautungiᴋatine tessioruniuk, tamarmik tâva itersamut katakpuk.

Mattêuse 15:8

Inuit ukkua ᴋanermingnut tikipânga ᴋangasinâmingnullo nertorpânga, ômatingitale ungasikpânga.

I Samuel 2:12

Elible ernigik uivêtoksôlaukpuk: tapkoa Nalegak ᴋujanarutigilaukpak;