Hosea 4:3 - Labrador Inuttitut Heritage Bible

³ Tamanna pivlugo nuna oggualârpoᴋ, ilûnatiglo tagvane nunaᴋartut âlalârput, naternaub nergjutingit, tingmiallo ᴋilaub ikianganêtut ilagilugit; ilâ, mingeriat imarbingmêtut aglât pêjartaulârput.

Hosea 4:3 Iomraidhean Croise

Jesaiase 33:9

Nuna takkorannêdlune pannerpoᴋ, Libanone takkominaidlune erᴋivoᴋ, Sâronelo naternauvoᴋ perortoᴋangitoᴋ, Bâsanelo Karmelelo merᴋoᴋarungnairpuk.

Jeremia 12:4

Kanoᴋ akunêrtigijomik nuna takominaituksauvâ, perortullo nuname ilûnâne ᴋunollertuksauvât? Nunab inungita idluituliningit pivlugit nergjutit tingmiallo nungutauvut; oᴋarmatta: tâmna takojuksaungilaᴋ ilingajomârniptingnik.

Jeremia 23:10

Nuna tattadlarmat assiniartunut, oᴋauseludlarneᴋ pitjutigivlugo nuna ogguarpoᴋ; inuᴋajuitub nerrinasugvingit ipterilikput; inuit ilusingit idluiput, pitsartuningillo piungilat.

Jeremia 4:25

Ulernairsilauᴋpunga, sunaubvalo inuᴋangilaᴋ atautsemiglônêt, tingmiallo, ᴋilaub atânêtut, ᴋemâsimavut.

Jeremia 9:10

Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremia 9:9

Nalipsaraksaringilakkâ tamakkoa pivlugît? Nâlagaᴋ oᴋarpoᴋ; tarniga akkiniartuksaungilâᴋ inôᴋatigêksoanik taimaitunîk?

Hesekiel 38:20

Mingeriat imânêtut, tingmiat ᴋilaub ikianganêtut, nergjutillo naternamêtut, pâmgortullo ilûnatik pâmgorpaktut nunab ᴋângane, inuillo ilûnatik nunab ᴋânganêtut, sajugomârmatta kênama sângane, ᴋaᴋᴋallo oggotitaujomârput, imnallo katararomârput, ᴋarmallo ilûnatik nunamut oggojomârput.

Joel 1:18

Kappê! Tuktuvait âlavut! Nergjutit ungôrtat siarklerput, nerrinasugviksaᴋanginamik; ilâ, saukat katimgajut perlilerput.

Amos 1:2

Oᴋarporlo: Nâlegak kalingoalârpok Zionemit, nippinelo anitilârpâ Jerusalemit; mianersijullo nerrinasugvingit ogguaromârput, Karmeliblo ᴋânga ᴋunoleromârpok.

Amos 5:16

Tamanna pivlugo imâk oᴋarpok Nâlegak, Gûde Zebaot, Nâlegaujok: apᴋosinerne tamaine ogguadlartoᴋaromârpok, apᴋosineâlungnelo tamaine oᴋartoᴋaromârpok: Kappê! Kappê! Perorsêvilerijorlo ᴋaiᴋojomârpât kiksarᴋatauᴋovlugo, ogguarnermiglo ilisimajut ogguarᴋovlugit.

Amos 8:8

Tamanna pivlugo nuna sajukpilâdlartuksaungilâk? Ilûnatiglo tagvane nunalit kiksartuksaungilât? Ilâ, kôksoatut kutjilârpok; kôktoᴋsôlivlune kôkilivlunelo Egiptenib kôksoangatut.

Nahum 1:4

Imarbik suakpâ panertilugolo, kôllo ilûnaita ipteriliktipait; Basan Karmelelo ᴋunolerpuk, nuvugulâllo Libanoneme ᴋunolerput.

Sefania 1:3

Nungutsomârpakka inuit nergjutillo; nungutsomârpakka tingmiat ᴋilaub atânêtut, mingeriallo imarbingmêtut, asserorsautillo idluitulijut ilaliullugit; inuillo pêjaromârpakka nunab ᴋânganit, oᴋarpok Nâlegak.

Saggaria 5:4

Aulartitsomârpara, oᴋarpok Nâlegak Zebaot, iteromârporlo tigliktûb iglunganut, angiluktûblo atera taivlugo iglunganut: iglungatalo iluanêtuartuksauvok, nungulârpâlo ᴋejuktangit ujaraktangillo ilaliullugit.