Hosea 4:2 - Labrador Inuttitut Heritage Bible

² Oᴋarnerlutjineᴋ, sagloneᴋ, inuarneᴋ, tiglingneᴋ, assiniarnerlo pitôvut, asseᴋangilat; sugaluluarput, auglo malikpoᴋ aungmik.

Hosea 4:2 Iomraidhean Croise

Genesis 4:8

Kainible nukane Abele oᴋaᴋatigivâ; pijoᴋarporlo naternamêngmannik, Kainib nukane Abele opakpâ toᴋolugolo.

Jesaiase 24:5

Nunalo ivsornarsivoᴋ inungme attânne, perᴋojat nâlalungimagit, inatsinerit tappagingmagit, angersimanerlo soᴋᴋosijuitoᴋ kamagijungnairlugo.

Jesaiase 48:1

Tamanna tussarsiuk, Jâkkokut illipse, Israêlitinik atserartaujose, Jûdab piulavianit pijose, illipse angermariktose Nâlekab attinga taiᴋassiutivlugo, erᴋaijose Israêlib Gûdinganik, mikseᴋârtomigle pinase, nallâgôrtomik pinase.

Jeremia 51:5

Israêle ᴋemaktaulungimat Gudiminut, Judalônêt Nâlakamut Zebaotemut; nunangat tatadlaraloartilugo tapatonermik Israêlib ivsornaitoᴋsôjunganik.

Jeremia 6:7

Sorlo puailaviub imangit puilangmatta, taimak idluitulineᴋ puilavoᴋ tâpsomangat; nâmangitulineᴋ asserorsainerlo tusartauvut tâpsomane; inuarneᴋ annauningnerlo sâmnetsainarput.

Jeremiab Ogguarutigijangit 4:13

Nelautaijungita idluituliningit ajoᴋertuijungitalo nâmangituliningit, kovisilauktut idluartut aunginik iglugasaksuit iluane, pivlugit taimailingavok.

Hesekiel 7:23

Kelaumgujaliorit: nuna nâmamat aungmik kovisijunik, iglugasaksuillo tatamatta oᴋumaiksartitsinermik.

Hosea 10:13

Idluinermik poagijalalaurapse, idluitulinermiglo katersoiluse; saglonerublo paunganginik nerrivose; apᴋotigijat pitsartujoᴋsoaᴋotivillo unurningit tatigilaurangne,

Hosea 10:4

Oᴋauseᴋarput tukkeᴋangitunik, saglovlutik angerput angiᴋatigêngnelioramik; tamanna pivlugo erᴋartuineᴋ nuilerpoᴋ perornerluktutitut toᴋonartutitut perorsêviub makpertertangine.

Hosea 11:12

Efraimib ilumavânga saglonermut, Israêliblo ᴋitorngangita uiveriklernermut; Jûdale atavoᴋ sulle Gudemut, nelâgôrporlo ivsornaitoᴋsôjomut.

Hosea 12:14

Efraim ᴋasilinartoᴋsoarmik ningaksaivoᴋ; tamanna pivlugo aunga ᴋemaktaujomârpoᴋ tâpsomane, mitautauningalo Nâlekab utertitsomârpâ tâpsomunga.

Hosea 5:2

Pikablâjut itijomut pisimangmatta toᴋotsijomavlutik; uvangale tâpkonunga tamainut pidlataujomavunga.

Hosea 6:8

Gileade iglugasaksoangovoᴋ idluitulijoᴋtalik, aulingnik tumelik.

Hosea 6:9

Sorlolo arᴋtaijoᴋatigêt inungmik kamasârmatta, taimak ajoᴋertuijut iligêt toᴋotsivut apᴋome Sikememut sangmijome; ilâ, piungitoᴋsoarnik piniarneᴋarput.

Hosea 7:1

Israele, inûlijomagapko, Efraimib idluitoᴋsôninga naipitauvoᴋ, Samariablo ajortoᴋsôninga; saglotiksanik piniarmatta; tigliktorlo itârpoᴋ, arᴋtaijoᴋatigêllo opakput silame.

Hosea 7:3

Ataneᴋ ᴋuviasuktipât idluitulinermingnut, angajoᴋaᴋsuillo saglonermingnut.

Hosea 7:4

Ilûnatik assiniarteovut; niaᴋojiorviktut niaᴋojiortemut ônarsititaujotut iput; aulajarijungnaipoᴋ ikomamik akutsijarêrnerminit senaugarmik pubjusiᴋârtinagonut.

Migga 3:2

Ajungitoᴋ ômigivase, idluitorlo ungagilugo; tâpkoa amêjarpase, sauningillo nerᴋêjarpase;

Migga 3:9

Tamanna tusarsiuktôᴋ, angajoᴋaujose Jâkokune, aulatsijoselo Israêlekune, ômisuktose idluarsainermik, mumiktitsijoselo nalâgôrnermik ilûnânik.

Migga 6:10

Idluitulinerub katersortangit idluitulijûb iglunganêᴋât sulle, ôktûllo mikinârtaujoᴋ ôminartôᴋ?

Migga 7:2

Idluartoᴋarungnaipoᴋ nuname, nalâgôrtoᴋarungnaiporlo inuit akorngane; ilûnatik terliarsilutik pinasuarput aungmik, nulluanut pinasuarᴋatautivut.

Sefania 3:1

Kapianarmek iglugasaksuit ᴋunutojoksôjut salumaitullo ᴋunutitsijullo!

Saggaria 5:3

Oᴋautivânga tagva: Tamadja pilluᴋojijût nunamut tamânut aulartok: tigliktut ilûnatik pêjartaujomârmatta tamângat tâpkoa maliklugit, angiluktullo ilûnatik pêjartaujomârmatta tamângat tâpkoa maliklugit.

Saggaria 7:9

Imâk Nâlegak Zebaot oᴋarpok: Idluartomik erᴋartuileritse, ilûnapselo atunit ᴋatangutise unertutjivigisigik nâpkiningnermik ilapsugosungnermiglo;

Mattêuse 23:35

Tikitaukovluse idluartut aunginut ilûnainut, nunamut kovijaujunut, idluartub Abelib aunganit, Zacharîasib, Baraᴋîasib erningata aunga tikidlugo, toᴋolauktapse katimaviub tunerguserviublo akorngangne.

Apostelit Piniarningit 7:52

Nalautaijut nalît atâtagijapsingnut unangmijaulaungilât, toᴋotaulaungilâllô? Sivorngagut oᴋâlalauktut idluartub tâpsoma tikitsomârninganik! mâna tâpsominga pititsijungolaurivose inuartungolapselo.

Deuteronomy 5:11

Nâlekab Gûdivît atinganik atornerluktuksaungilatit, Nâlekab pidlartailiniangimago atinganik atornerluktok.

Deuteronomy 5:18

Nuliarêngnermik asseroijuksaungilatit.

Deuteronomy 5:19

Tigliktuksaungilatit.

I Tessalônikamiunut 2:15

Taipkoa Nâlegaᴋtauᴋ Jêsuse toᴋolauᴋpât, nelautaijitiglo, unangmilauᴋpâtigullo, Gûdemullo idluarijaungilat, inungnullo tamainut akkerartorput;

Takotitaunermik 17:6

Arnarlo tâmna takovara tallatok ivsornaitut aunginut, Jêsusemiglo kigligiutsijut aunginut. Takogapkolo, angijomik tataminiarpunga.