Hosea 4:16 - Labrador Inuttitut Heritage Bible

¹⁶ Israêle ᴋepêsermat, tuktuvâraᴋtut ᴋepêsertotut; mânale Nâlekab nerripkaromavait saugârsutut naternarsoarme.

Hosea 4:16 Iomraidhean Croise

Imgerut 78:8

Atâtagijangititullo îlerᴋonagit, ᴋittorngarêngolauktutitut ᴋemaijut Nâlekamik, tappatojullo; ômatteᴋalaungitut soᴋᴋosijuitunik, anerneᴋalaungitullo nertornartomik ungajomik Gûdemik.

Jesaiase 22:18

Aksapalloarivlutit aksapalloatitsomârpâtit aᴋsaujatut nunatojomut. Taikane toᴋojuksauvotit, taikanêtsomârpullo ᴋammutitit pinarnartut, kangusûtiksaujotit attanivit iglunganut.

Jesaiase 30:23

Tagva sillalungmik pititsijomârpoᴋ karngasûtinut karngasortarnut perorsêvingmut nerᴋiksaᴋartitsivlunelo perorsêviub perortunginik nekoᴋsinartunik ânanâniglo; taipsomane nergjuteᴋotitit nerrinasugomârput iviksukatalingme angidlartome.

Jesaiase 5:17

Saugârᴋallo iviksukasioromârput nerᴋiksarsiorviᴋarlutik (tagvane), angusalluarsuillo nerᴋiksarsioromârput akluitut innigijaviningine.

Jeremia 14:7

Idluitulinivut nalonaijaigaloarmatta pivluta, ikajulaurit, Nâlagaᴋ, attit pivlugo, kingupiartornivut unuktôdlarmatta; idluitulivigilauraptigit.

Jeremia 3:11

Nâlakablo oᴋautivânga: Israêle kingupiartortoᴋ nalonaijarpoᴋ nangminerminik idluarnersauvlune Judamit tunganaitomit.

Jeremia 3:6

Ataniublo Josiab naliuningane Nâlakab oᴋautivânga: Takogaloarᴋêt Israêlib kingupiarlorsimajub piniarninginîk? Majorarsimavoᴋ ᴋaᴋᴋanut poᴋtojunut tamainut, napârtullo tungujortat ilûnatik atânut, tagvanalo assiniarᴋattarpoᴋ.

Jeremia 3:8

Takolauᴋpungalo, tamakkoa tamaita pitjutigilugit Israele kingupiartortoᴋ ajortulisimalaungmat, avilaurapko tunidjivigigapkolo aglangnik avitsijutiksanik, najanga tunganaitoᴋ Juda sivôralaungimat; tâmnaletauᴋ ailauᴋpoᴋ assiniariartorᴋatauvlunalo.

Jeremia 31:18

Efraim tusarsimavara oggorilune nangminerminik, imailivlune: Sugialauᴋparma, tâvalo sugiartaulauᴋpunga, noggaᴋtut nangmautemik sungiusimangitotut; sâgiartilaunga, tâvalo sâgiarsimaniarpunga; Nâlagaugavit Gudigijara.

Jeremia 5:6

Taimaimat loevib napârtunit pijûb aliktoromârpait, amarkublo sunaᴋajuitomit pijûb asseroromârpait, pûsevâlub iglugasaksoaᴋotingit terliaromârpait, ilûnatiglo anijut tagvangat aliktortaujomârput; tapaningit unuktôngmatta, kingupiartorningillo sugaluluarmatta.

Jeremia 7:24

Nâlalaungilalle, siutimingniglônêt mannijilaungilat, arvertalauᴋpulle issumamingnik ômatimiglo idluitut ᴋepêserningat maliklugo, kingupiartorpullo sivumuarlugatik.

Jeremia 8:5

Suna pivlugole inugasaᴋsuit ukkua Jerusalemiut kingumut sittorsimavât kingupiartornermut soraijungnangitomût? Tammarsimatsainaromavut, uteromangilallo.

Hosea 10:11

Efraimelo tuktuvârauvoᴋ sungiutisârtaujoᴋ, ᴋuviasuteᴋartoᴋ tullerarnermik sulugainernik; uvangale ᴋongesinganut pinnarnartomut ablangavunga: Efraim ikimajoᴋartitsomavara; Jûda poagijartuksauvoᴋ, Jâkolo maniksaijuksauvoᴋ.

Hosea 11:6

Saviksoarlo katagomârpoᴋ iglugasaksoanginut palangairutingit asserorlugit nungulugillo, kajusijûtitik nangminerijatik pivlugit.

Hosea 11:7

Inuᴋotikka kingupiartorsimangmatta uvamnit; ᴋotsiktomêtomut ᴋaiᴋojaugaloarmatta, atautsemiglônêt ᴋagverasuartoᴋangilaᴋ.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Saggaria 7:11

Tâpkoale nâlagomalaungilat, tuitiglo ᴋagvartipait ᴋunumut, siutitiglo simikpait tusaromangimut.

I Samuel 15:11

Kaᴋᴋialerpunga Saule attaningortilaurapko; tunnusimangmanga, oᴋautsikkalo nallautsitilaungimagit. Tamanna Samuelib issumajarutigilerpa, niplialunelo Nalekamut unnuak nâlugo.