Hosea 4:12 - Labrador Inuttitut Heritage Bible

¹² Inuᴋotima ᴋejuit atanertortiksarsiorvigivait, ajaupiamiglo nelonaijaivigivait: assiniarnerub anerningata tamartingmagit, Guditiglo tunulugo assiniariartorput.

Hosea 4:12 Iomraidhean Croise

II Atannit 17:7

Tamannalo pilaukpok, Israelib ᴋitorngangit idluitullilaungmatta Nâlekamut Gûdemingnut, tessiorlauktomut tapᴋoninga Egiptenemit, Faraub Egiptenemiut atanningata agganginit, Gûdiblo assingit sivoragilaungmattigik;

II Kronika 21:13

Agvertaraville Israelitit attanningita apᴋosiningane, Judamiullo Jerusalemiullo ajortullitigangne, Ahabekut ajortulliningit malliklugit; nukkatillo, atâtavit iglomioᴋotingit idluarᴋijattit nakterlaukpattit;

Imgerut 106:39

Ivsornartipullo pinniarnermingnut, ajortullilutiglo illusermingnut.

Imgerut 73:27

Ahâgle, illingnit nûlertut nungujomârmatta, illunaita idluitullivigijitit nungupâttit.

Jeremia 10:8

Ilûnatik adsigêktomik silaitôvut tukkeᴋangitôvlutiglo; ajoᴋertusiovut gudingoanik, ᴋejutuinaugamik.

Jeremia 2:27

Oᴋartut ᴋejungmut: Atâtagivagit; ujarᴋamullo: Ernerivarma; taipkoa tunupânga sâvigingilângalo; kapiasungnermiglo naliuningane oᴋaromârput: Nikovilaurit piulilutillo.

Jeremia 23:13

Silainermiglo takosimavunga nalautaijune Samâriame; nalautailauᴋput Baalib attingane, inuᴋotikka Israêlikut tamartidlarlugit.

Hesekiel 20:32

Issumapsingnullo pijut nelautsiniangimarikput, oᴋarapse: Inôᴋatigêksoatitut ilingajomavogut, nunat ᴋitorngarêngningititut, ᴋejuit ujarᴋallo kivgartorlugit.

Hesekiel 21:21

Babilonib ataninga nangilaungmat apᴋosiniub aviktarviane, apᴋutîk maggûk issûgingne, nelautaiviojomavlune angakoᴋtornermut: ᴋargjutit aulapait, gudingoat aperivait, tingolo ᴋemergovâ.

Hosea 14:3

Assurib piulinialungilâtigut; horsene ablangajomangilagut aggaptalônêt senajanginut oᴋarungnairomavogut: gudigivapse: ilingne iliarsuit nâpkigijauneᴋsingmatta.

Hosea 5:4

Piniarningita sâgiartailitipait Gudimingnut: assiniarnerub anerningata inigingmagit, ilitarᴋsingilallo Nâlekamik.

Hosea 6:10

Maᴋᴋojungnartomik takovunga Israêlib ᴋitorngangine; assiniarneᴋ naipitauvoᴋ tagvane Efraimeme, Israêle ivsornartitauvoᴋ.

Hosea 9:1

Kuviasuklutit, Israêle, ᴋiggertarniarnak inôᴋatigêksoatitut, Gudît tunulugo assiniaravit, assiniarnerub akkiksanga ungagidlarangne senaugaksat issiptervingine tamaine.

Leviticus 17:7

Tunergutiksatik tunijaksaringilait mânamit Satanasingoarnut ajortuligosugvigijamingnut. Perᴋojak tamanna soᴋosijuituksauvok tâpkonunga kinguvânginullo.

Leviticus 20:5

Tagva kênara sâtitsomavara inungmut tâpsomunga, ᴋitornganginullo, ilûnainullo ajortuliᴋatigijanginut Môleke ajortulivigilugo, pêjaromavakkalo inôᴋatimik akornganit.

Migga 2:11

Inuk saglojomik anernelik saglovlune oᴋarpat: Nalautaivigijomavagit vainemik imiksamiglo pitsartujomik; tâmna ilâ nalautaijôlârpoᴋ inungnut ukkununga.

Habakûb 2:19

Kapianarmêk ᴋejungmut oᴋartoᴋ: Tupalerit! ujarᴋamullo nipliajuitomut: Makigit! Tamanna ajoᴋertuiniarᴋâ? Ahâk, goldemik silberemiglo ᴋagleᴋarpoᴋ, iluminele anerneᴋangimarikpoᴋ.

Numbers 15:39

Nivingasulâᴋutigijaksarivaselo, takonârᴋovluse tâpkoninga erᴋailuselo Nâlekab perᴋojanginik tamainik, piniarlugillo; arvertarᴋonaselo ômatise ijiselo maliklugit, tâpkoa atorapsigik assiniaromavluse;

Deuteronomy 31:16

Nâlekablo Mosese oᴋautivâ: Ahâk, atâtagilauᴋtatit siniᴋatigilârpatit; inuillo ukkua nikovijomârput, Gûdillo takorngartat, nunab aivigijangita pingit, assiniarᴋatigijomavlugit, ᴋemagomârpângalo, angerᴋatigêngneralo âᴋiksortara tâpkonunga, serᴋomilugo.

Idluarsaijut 18:5

Tapkoa oᴋautivât: Naglingnartotit, Gûde apperiuk tukisilerᴋovluta, apkosinivut arvertarvigijavut sullinaralloarmangât?