Hosea 4:1 - Labrador Inuttitut Heritage Bible

¹ Nâlekab oᴋausinga tusarsiuk, ilipse Israêlib ᴋitorngangit: Nâlegaᴋ nunab inunginut akkerartoruteᴋarmat, mikseᴋârneᴋangimat, nâpkiningneᴋangimallo, ilitarᴋsineᴋangimallo Gudemik nuname.

Hosea 4:1 Iomraidhean Croise

I Atannit 22:19

Tamnalo oᴋarpok: Tamânna pivlugo tusarᴋit mânna Nâlekab oᴋausingit: Nâlegak takkolaukpara iksivatillugo iksivautaksoarmine, ᴋillangmiugaseksuillo ilûnnamasiatik nangertillugit saniane, tallerpiane, saumianelo.

Imgerut 81:9

Akᴋonapsingne Gûdeᴋartuksaungilak assianik, Gûdelo takkorngartak tuksiarvigijaksaringilasse.

Jesaiase 1:10

Nâlekab oᴋausinga tussarsiuk, illipse attaniojose Sodomame, Gûdipta perᴋojangit õmamiutarisigik, illipse Gomorramiôjose!

Jesaiase 1:18

Tagva ᴋaititse erᴋartortigêklutalo, Nâlegaᴋ oᴋarpoᴋ: Idluinise aupaluktotut-igalloarmatta, aputitut ᴋaᴋorsititaujomârput; aupaloriktotut aupalugalloarmatta, saukab merᴋungititut-itsomârput.

Jesaiase 28:14

Tamanna pivlugo Nâlekab oᴋausingit tussarsigik mãna illipse mittauteᴋartose, attaniojose nunaᴋatigênut tâpkonunga Jerusalemẽtunut.

Jesaiase 34:1

Kaititse, illipse, nallojose tussarniarluse, nunaᴋatigêktoselo kamatsiaritse, nuna tussarmile tâpsomanẽtullo, sillaᴋsoaᴋ perortungillo illũnatik,

Jesaiase 34:8

Tâmnaungmat uvloᴋ Nâlekab sugiarviksanga, jâre akkiorviksaᴋ Zione pitjutigivlugo.

Jesaiase 5:3

Erᴋartuileritse mãna, Jerusalemẽtose Jûdamiôjoselo, pivlunga perorsêvigalo vaineliksatalik pivlugo.

Jesaiase 59:4

Idluarnermik attortoᴋangilaᴋ, nallâgôrtomik erᴋartuijoᴋangilaᴋ. Piungitunik tattiksaᴋarput, saeglonernik oᴋâlavut, pijaksaungitunik illumiutaᴋarput, oᴋumainartuniglo saᴋᴋertitsivut.

Jesaiase 59:8

Apᴋut ullapirsartauvionartoᴋ illitaringilât, pissugvingine idluartoᴋangilaᴋ, apᴋosinitik mumikpait, tamakkoninga attortoᴋ ullapirsauteᴋatsangilaᴋ.

Jesaiase 66:5

Nâlekab oᴋausinginik tussaleritse, illipse, tâpsoma oᴋausinginik sivorajose: Kattangutise illipsingnik ômisuktut, avitsijut illipsingnik attera pivlugo oᴋaralloarput: Nâlegaᴋ nertornarsile, ᴋuviasungnipsingnik takonârᴋovluta, — tâpkoale kangusuktitaujomârput.

Jeremia 11:7

Katsungaidlunga atâtagilauᴋtase kigligiutjivigilaurapkit uvlorme aularutjivigilauᴋtamne tâpkoninga nunamit Egiptenemit, uvlome tikidlugo aglât, makisaraivlunga kigligiutjilunga, oᴋarlungalo: Nippiga nâlaksiuk.

Jeremia 19:3

Oᴋarlutillo: Nâlakab oᴋausinga tusarsiuk, ilipse ataniojose Judame, ilipselo Jerusalemiojose; imâk oᴋarpoᴋ Nâlagaᴋ Zebaot, Israêlib Gudinga: Ahâk, idluitomik tikiutjijomavunga nunamut tamattomunga, aviojititsilârtomik tusartub tamattominga siutîgingnik.

Jeremia 2:4

Tusaritse Nâlakab oᴋausinginik, ilipse Jâkob ᴋitorngarêngit Israêliblo kinguvârêngit.

Jeremia 2:9

Tamanna pivlugo kajungersârasuaromavapse sulle, ᴋitorngapselo ᴋitorngangit kajungersârasuaromagivakka.

Jeremia 25:31

Pervalungneᴋ tikilârpoᴋ silaᴋsûb issuanut; Nâlagaᴋ akkerartûtiksaᴋarmat inôᴋatigêksoarnut, uvinilit tamaita erᴋartoromârpait; idluitut tunijomârpait saviksoarmut, oᴋarpoᴋ Nâlagaᴋ.

Jeremia 34:4

Nâlakable oᴋausinga tusaruk, Zedekia, Judab ataninga: imâk oᴋarpoᴋ Nâlagaᴋ igvit pivlutit: Saviksoarmut toᴋojuksaungilatit;

Jeremia 4:22

Inuᴋotikka silaidlarmatta, ilitaringilânga; ᴋitorngauvut sujuksimajut, silatuneᴋangilallo mikijomiglônêt; silatudlarput idluitulinermik, idluartulinermigle ilisimaneᴋangilat.

Jeremia 4:28

Tamannale pivlugo nuna kiksaromârpoᴋ, ᴋilaillo takpâne ᴋernersijomârput; oᴋautigisimagapko, kajusijûtigigapko, ᴋaᴋialilungilangalo uteromanangalônêt tamattomangat.

Jeremia 5:4

Oᴋarpungale: Tâpkoa inukullôvut silaidlartut; ᴋaujimangilat Nâlakab apᴋutinganik, Gudiblônêt idluarsaininganik.

Jeremia 51:5

Israêle ᴋemaktaulungimat Gudiminut, Judalônêt Nâlakamut Zebaotemut; nunangat tatadlaraloartilugo tapatonermik Israêlib ivsornaitoᴋsôjunganik.

Jeremia 6:13

Ilûnamasiatik mikinerpâmit anginerpâk tikidlugo pijomatudlartôvut; nalautaijomillo ajoᴋertuijoᴋ tikidlugo nalâgôngitomik piniarput.

Jeremia 7:28

Oᴋautijaksarivatillo: Tagga tamadja inôᴋatigêksuit nâlalungitut Nâlakab Gudingata nippinganik, ajoᴋertortaujomangitullo; nalâgôrneᴋ asserorsimavoᴋ kipijauvorlo ᴋaninginit.

Jeremia 9:20

Sullele Nâlakab oᴋausinga tusarsiuk, ilipse arnaujose, siutipse Nâlakab ᴋaningata oᴋausinga ilaliorlitsuk, paniselo ajoᴋertorsigik ᴋeanermik, silaliselo ogguarnermik.

Jeremia 9:3

Niungaivut oᴋamingnik sorlo pitiksimingnik saglonermut; sôngosisimavut nuname, mikseᴋârneᴋ pivlugo-ungitorle; aglivaliavut idluinermit idluinermut, ilitaringilângalo, Nâlagaᴋ oᴋarpoᴋ.

Jeremia 9:7

Taimaimat imâk oᴋarpoᴋ Nâlagaᴋ Zebaot: Ahâk, auksititsomavakka ôktoromalaitalo; sumik tamattoma assianik piniarungnarᴋingâ inuᴋotima paningat pivlugô?

Hesekiel 16:35

Tamanna pivlugo, anguniarpaᴋtotit, Nâlekab oᴋausinga tusaruk:

Hosea 12:2

Nâlegaᴋ akkerartûtiksaᴋarpoᴋ Jûdamut, Jâkolo sugiaromârpâ apᴋotigijangit maliklugit; piniarningit maliklugit akkiniaromârpâ.

Hosea 12:3

Igliarmetillugu angajune tigumiarpâ kingmingagut; pitsartunerminelo Gude pâvâ:

Hosea 5:1

Tamanna tusarsiuk, ilipse ajoᴋertuijose, nâlagitselo ilipse Israêlib ᴋitorngangit, siutiselo manisigik, ilipse ataniub ᴋitorngangit, ilipsingnut erᴋartuijûtit ilingangmatta; nigarniutaulaurapse Mispame, nuluangovluselo issivisimajut Tâboreme.

Hosea 5:4

Piniarningita sâgiartailitipait Gudimingnut: assiniarnerub anerningata inigingmagit, ilitarᴋsingilallo Nâlekamik.

Joel 1:2

Tamanna tusarsiuk, ilipse inutoᴋaujose, siutiselo manisarsigik, ilipse nunamiojose tamapse. Taimaitoᴋalauᴋâ uvlupsingne, atâtapselônêt uvlunginê?

Amos 3:1

Tusarsiuk oᴋausek mânna, Nâlekab oᴋauserijanga ilipsingnut Israêlib ᴋitornganginut, ᴋitorngarêksoarnut tamainut majorartitamnut nunamit Egiptenemit, oᴋarlunga:

Amos 7:16

Taimaimat mâna Nâlekab oᴋausinga tusaruk: Oᴋarpotit, Israêle nalautaiviginiarnago pit, oᴋausîllo katangniarnago Isaab ᴋitorngangit pivlugit;

Migga 6:2

Nâlekab annârtorutinga tusarsiuk, ᴋaᴋaᴋsoangojose, ilipselo nunaᴋsûb tungavingit aulajuitut; Nâlegaᴋ annârtorutiksaᴋarmat inôᴋatiminut, Israêlikullo annârtoᴋatigijomârpait.

Johannese 8:55

Ilitaringilaselo. Uvangale ilitarivara. Oᴋarajarumalônêt: Ilitaringilara; sagloᴋitsinajarpunga ilipsitut. Ilitarivarale oᴋausingillo malikpakka.

Rômiunut 1:28

Sorlo Gûde illitarivlugo pijariaᴋarasugilaungimatta, Gûdibtauᴋ allarivait kataktidlugit erᴋarsautiâlungnut, mamainartulerᴋovlugit;

I Korintemiunut 15:34

Tupatsialerluselo idluituliniarase; ilangit Gûdemik tukkisineᴋangimatta; kangusuᴋovluse taimâk oᴋarpunga.

Takotitaunermik 2:11

Siutiliub tussarligit Anernerub oᴋausingit illagênut: Sâlaᴋalertok toᴋub aipanganut pijauniangilak.

Takotitaunermik 2:29

Siutiliub tussarligit Anernerub oᴋausingit illagênut.