Hosea 3:4 - Labrador Inuttitut Heritage Bible

⁴ Israêlib ᴋitorngangit uvlut unuktut nâvlugit uningâromârmatta ataneᴋaratik, angajoᴋâᴋsoaᴋaratiglo, tunerguserviᴋaratiglo, napajoliarimajoᴋaratiglo, opinartomiglo ikiaᴋaratik, gudingoaᴋaratiglo;

Hosea 3:4 Iomraidhean Croise

Genesis 31:19

Labanele aularsimavoᴋ, saugaᴋotine sallijartorlugit; Raheliblo tiglikpait atâtame gûdingoaᴋotingit.

Genesis 31:34

Rahelible gûdingoat tigulugit kamêliblo iksivautaᴋtanganut illivlugit iksivavigingmagit, Labanib tuppeᴋ ilûnât tapsikârpâ tapsêsinanelo.

Genesis 49:10

Attaniub ajaupianga Judamit pêraksaungilaᴋ, opigijautiksarlônêt ittigangita akornganit, Silo (ullapirᴋsaijoᴋ) tikkilerᴋârtinago; tâmnalo inôᴋatigêksuit nâlegaksarivât.

II Samuel 6:14

Davidelo illungertorlune okigêserpok Nalekab sivurngane, tapserusersimalaukporlo ulliksoarmik sâtomik.

II Atannit 23:24

Taimaktauk Josiab nallautainerluktut ilunnaita, angakullo, adsingoallo, Gûdingoallo, makkojungnartullo ilunnaita, Judiame Jerusalemelo takkojaulauktut, pêjarpait, perkojat oᴋausertangit nallautsititsomavlugit aglaksimajut aglangne, Hilkiab ajochertuijub nachvarlauktangine Nâlekab iglungane.

II Kronika 15:2

Tamna annivok Assa pachreartorlugo, oᴋautilâlo: Nalaksinga, Assa Judamiôjoselo, Benjaminemiôjoselo illunase! Nalekab illagivâse, illipse illagigapsiuk; ᴋennerniarupsiuglo tagva nachvartauᴋoniarpok illipsingnut; allarniarupsiugle, tagva allarniarivâse.

Exodus 28:4

Tamadjalo annorât sanajaksarijangit; sagvingmiutak ikiarlo, atigiujarlo, ulliglo pinnarnarsautelik, nasarlugarlo, tapserullo: Ivsornaituniglo annorâliortuksauvut Aronemut angajungnut erninginullo, kivgartorᴋovlugo uvamnut ajoᴋertuijônerme.

Exodus 28:6

Ikkialiortuksauvullo goldemit, tungujoktamillo, tungulângajomillo, aupalutsiartomillo, ᴋablunâktajatsiamillo, ânanausilugolo.

Jeremiab Ogguarutigijangit 2:9

Upkoaksoangit kivivut nunamut; tâpsoma itârtaugêkutingit asserorpait serᴋomilugillo; ataninga angajoᴋâksoangillo inôᴋatigêksuit perᴋojaᴋangitut akornganêput; ila, nelautaijungit takotitjutesilungilat Nâlekamit.

Hesekiel 19:14

Ikomalo anisimavoᴋ akkerungita ilanganit, nungutsivoᴋ paunganginik, sôngojomik akkeroᴋarungaiᴋovlugo ajaupiaksaujomik atanermut. Tamadja ogguarutiksaᴋ, ogguarutiksaulârporlo.

Hesekiel 20:32

Issumapsingnullo pijut nelautsiniangimarikput, oᴋarapse: Inôᴋatigêksoatitut ilingajomavogut, nunat ᴋitorngarêngningititut, ᴋejuit ujarᴋallo kivgartorlugit.

Hesekiel 21:21

Babilonib ataninga nangilaungmat apᴋosiniub aviktarviane, apᴋutîk maggûk issûgingne, nelautaiviojomavlune angakoᴋtornermut: ᴋargjutit aulapait, gudingoat aperivait, tingolo ᴋemergovâ.

Hesekiel 21:31

Kaningaumajârneralo kovijomavara ilingnut, ningaumajârnima ikomanga supôrdlugo ilingnut: pititsomavagillo angutit nâpkiningneᴋangitut agganginut, asseroinermik ilisimajut.

Daniel 11:31

Sakkolijartullo ililitoromârpât, sujuijomârpullo ivsornaitovingmik taluksoarniglo; soraititsijomârpullo tunigutinik ôtaksanik noᴋajuiᴋojaujunik nungutsiviublo maggojungnarninga âᴋiksoromârpât.

Daniel 12:11

Naliunimillo tunigutit ôtaksat nokajuiᴋojaujut soraititauvianit, nungutsiviublo maggojungnartut âᴋiksortauninganit, uvlut 1,290 nâlârput.

Daniel 9:27

Tâmnalo unuktunut angisimaniliolârpoᴋ aulangitomik vôgi atausiᴋ nâvlugo; vôgiblo ᴋitiᴋangani tunigutit toᴋotaksat tunigutillo niᴋiksat sorairtitsomârpait; maᴋojungnartulinirublo nuvugusingani assirosaijoᴋsoaᴋalârpoᴋ; nâmaksititauninga kajusijutaujoᴋ tikidlugo ningarnisoaᴋ kovijaulârpoᴋ assirosaijunut.

Hosea 13:10

Atanît naneᴋâ mâna, piuliklerᴋovlugo ilingnik iglugasaksoarne tamainê? Idluarsaijitillo, oᴋautigilauᴋtatit: Tunitjiviginga atanermiglo angajoᴋâᴋsoarniglô?

Hosea 13:11

Ningarnimne tunitjivigilauᴋpagit atanermik, ningarnersoamnelo pêjalerivara.

Hosea 2:11

Aliagijangit tamaita sorairtitsomavakka, uvloᴋsiorvingit, taᴋᴋêlaᴋsiorvingillo, sabbatingillo, katimaviksauᴋojangillo tamaita.

Leviticus 8:7

Atitipâlo ulingmik, tapseruserpâlo tapserutemut, atitipâlo atigiujarmik, ikiarlo pitipâ tâpsomunga, tapseruserlugolo ikiab takosungnaitûb tapserutinganut, nimerpâlo tâpsomunga.

Saggaria 10:2

Gudingoat sulingitunik oᴋauseᴋalaungmatta, nalautainerluktullo saglonernik takotitjuteᴋarmatta; sinnartomanerniglo tukeᴋangitunik oᴋâlavut, sulingitomik manigoivut; tamanna pivlugo arvertarput saukatitut mianerijeᴋangitutitut.

Saggaria 13:2

Pijomârporlo uvlorme tâpsomane, oᴋarpok Nâlegak Zebaot, kipisijomârama gudingoat atinginik nunamit, erᴋaumajaujungnairomârpullo; nalautaijullo anernerlo ivsornartok aulartitsomârpakka nunamit.

Lukase 21:24

Saviksoarnut ipiktunut toᴋotauniarput, nunalingnullo ilûnainut âtauniarput; Jerusalemelo asserortauniarpok nalojunut, nalojut naliuningat nâmakserᴋartinago.

Johannese 19:15

Kaggudlarpulle: pêruk, pêrung-una! Kikiaktoruk seningajolingmut! Pilâtusib oᴋautivait: Atanise kikiaktoraksarivigô seningajolingmût? Ajoᴋertuijoksuit kiovut: Ataneᴋangilagut ataniviksûb asianik.

Ebrêerinut 10:26

Mikseᴋârneᴋ illitariᴋârlugo, pijariluta idluituligupta, tunergutiksaᴋarungnairpogut tagva ajornerit pivlugit;

Idluarsaijut 17:5

Angullo tamna Micha taimak igloᴋalaukpok Gûdelingmik, sanalunelo ikkiarmik ivsornaitovingmiglo, ernimelo illangat saimarsarpa, ajuᴋertuijoᴋovlugo tapsomunga.

Idluarsaijut 18:14

Tagva angutit tallimat aularlauktut, nunamik Laisemik nautsertorlutik, kiovut, oᴋarlutiglo ᴋatangutimingnut: ᴋaujimagivise iglune tamakkonane pitaᴋarmat ikkiarmik ivsornaitovingmiglo, adsingoarmiglo, Gûdingoarmiglo? Mânna isumaksarsiorungnarpose ᴋanok pinniartuksaunipsingnik.

Idluarsaijut 8:27

Gideonelo ikkiamik sanavok tapkonangat, pitipalo iglugasaksoarminut Oframe. Israelitillo illuêngarlutik ajortullijutigivât tagvane, sinaungajutaulerlunelo Gideonemut iglomiuᴋattinginullo.

I Samuel 14:3

Ahialo, Ahitob erninga Ikabodib angajuata, Pinehasib erningata, Elib erningata, ajochertuijôlaukpok Nalekamut Silome, ikkialijarlarmelo. Innuksuit ᴋaujimalaunginivut Jonathan aularsimangmat.

I Samuel 15:23

Nalanginek angakokterniôngmat, akkerartornerlo kivgartorniôvok Gudeungitunik, Gudingoaniglo. Mannalo Nalekab oᴋausingit singalukogilaurangne, tapsoma singalukogilaurivâtit attannioᴋonak Israelitinut.

I Samuel 2:18

Samuele kivgartorteôlaukpok Nalekab sângane, nukapiarlo attorlaukpok ikkiamik sâtomik.

I Samuel 21:9

Ajochertuijok oᴋarpok: Goliathib Filisterib ullimarlauktavit naksarme nappartolingme Eichenik, saviksoanga ovanêpok, immusimavlune ulliksoarmut, ikkiab ungatâne. Tamna pijomagungne, tagva tiguleruk, assianik pittaᴋangimat mâne tapsomangat. Davide oᴋarpok: Adseᴋangilak, tunnilauruk uvamnut.

I Samuel 22:18

Tagva attannek Doegemut oᴋarpok: Igvit sangulerit ullimârlugillo ajochertuijut. Doeg Edomitereôjok sangulerpok ullimarpaillo ajochertuijut, taimak uvlorme taipsomane angutit 85 it ikkialijartut sâtunik toᴋᴋungmatta.

I Samuel 23:6

Abjatharele, Ahimelechib erninga ᴋemâgame Kegilamut Davidemut, ikkiak neksarpa unnunga.

I Samuel 23:9

Davidele mallugosulerame Saulib idluitomik issumagingmago, oᴋarpok ajochertuijomut Abjatharemut: Ikkiak ᴋaitsuk.

I Samuel 30:7

Oᴋarlunelo Abjatharemut ajochertuijomut, Ahimelechib erninganut: Kaitsivigilaunga ikkiamik. Abjathariblo ikkiak ᴋailaungmago Davidemut,