Hosea 2:7 - Labrador Inuttitut Heritage Bible

⁷ Anguniaᴋatigijanelo udlalârpait, angunagille; ᴋenilârpait nagvârnagille; oᴋalârpoᴋ tagva: uteromavunga uimnut sivorlermut, taipsomane idlugiarpalanersaulaurama mânamit.

Hosea 2:7 Iomraidhean Croise

II Kronika 28:23

Tunnergutiniglo tunnijivok Damaskusemiut, salaᴋarlauktut tapsominga Gudinginut, oᴋarlunelo: Siriamiut attanningita Gudingita ikajorpait tapᴋoa; tamanna pivlugo tunnergutinik tunnijijomavunga tapᴋonunga ikajorᴋovlugittauk uvamnik. Ochojutiksanganulle Israelitillo illunatik ochojutiksanginut illingalaukput.

Imgerut 116:7

Manna saimalermît tarnîk, Nâlekab, ajungitullivigingmattit.

Jesaiase 30:16

Oᴋauseᴋarposelo: Aukak, horsit attorlugit ᴋemâlauᴋta! tamanna pivlugo ᴋemâjuksauvose. Ammalo: Kamêlelijarta pangaliktunik! tamanna pivlugo unangmijise pangaligomârput.

Jeremia 14:22

Nalojut gudingoaᴋotingita akorngane silaluktitisjungnartoᴋarᴋa? Kilaillônêt tunidjijungnarᴋât suarutanîk? Tâmnaungilatît, Nâlagaᴋ Gudivût? Taimaimat tatigijomavaptigit tamakkoa tamaita pingortinangne.

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Jeremia 2:28

Gudingoaᴋotitillo sanaluᴋatit nanêkât? Tâpkoa nikovilit piulijungnarpatit kapiasungnivît naliuningane, tagva iglugasaksoaᴋotivit unurningit maliklugit taimak unuktigivut gudingoaᴋotitit, Juda.

Jeremia 2:36

Sôᴋ sangusaraiᴋattarᴋêt ikunga taikungalo apᴋutetâromavlutît? Egipten kangusûtigijomârpat, sorlo Assiria kangusûtigigangne.

Jeremia 3:1

Oᴋarpullo: Angut avigune nuliaminit, nuliangalo aularpat tâpsomangat assianiglo uiniklune, utilârivâ ama tâpsomungâ? Nuna tâmna ivsornartitaunajangilâᴋ?

Jeremia 31:18

Efraim tusarsimavara oggorilune nangminerminik, imailivlune: Sugialauᴋparma, tâvalo sugiartaulauᴋpunga, noggaᴋtut nangmautemik sungiusimangitotut; sâgiartilaunga, tâvalo sâgiarsimaniarpunga; Nâlagaugavit Gudigijara.

Jeremia 31:32

Angiᴋatigêngnertut taipsotunaungitoᴋ angerutigilauᴋtaptut angajoᴋânginut, uvlorme taipsomane, aggangit tigulaurapkit aulartilugillo nunamit Egiptenemit; angiᴋatigêngnerale soᴋosijuitilaungilât, Nâlagaulauraloarama tâpkonunga, oᴋarpoᴋ Nâlagaᴋ.

Jeremia 44:17

Oᴋautsille tamaita ᴋaniptingnit anitavut nâmaksititsomavavut; isserluanititsijomavluta tipigiksautinik ᴋilaub ataninganut arnamut, kovisijomavluta tunergutiksanik imiksanik tâpsomunga, sorlo piniarêrapta uvagut atâtavullo, atanivut angajoᴋâvullo, Judab iglugasaksoangine, Jerusalemiblo apᴋosineâlungine; taipsomane amigangitunik nerᴋiksaᴋalaurapta ᴋanoengitsialauᴋpogullo, idluitomiglo takolugata.

Hesekiel 16:18

Annorâtillo nuilapaujaksajat tigulauᴋpatit, tâpkonungalo uliklugit, orᴋsuᴋotigalo tipitsiariksauteᴋotigalo ilivatit tâpkoa sânginut.

Hesekiel 16:8

Sennerᴋogapkille takonârlutillo, ahâk, pinasuaraksaunît neliutisimalauᴋpoᴋ; uligalo issivilauᴋpara ilingnut, ussinganît uliklugo: ila, tunganartomik oᴋarvigilauᴋpagit angiᴋatigilutillo, oᴋarpoᴋ Nâlegaᴋ Nâlegaujoᴋ, perᴋutigilauᴋpagillo.

Hesekiel 20:32

Issumapsingnullo pijut nelautsiniangimarikput, oᴋarapse: Inôᴋatigêksoatitut ilingajomavogut, nunat ᴋitorngarêngningititut, ᴋejuit ujarᴋallo kivgartorlugit.

Hesekiel 23:12

Tâpsoma ikligidlarpait Assiriamiut, atanerutsit angajoᴋâᴋsuillo silalingit, annorâtsialijartut, horselijartut ablângalutik horsene, ilûnatik inôsuktut takominartut.

Hesekiel 23:22

Taimaimat, Ohôliba, imâk oᴋarpoᴋ Nâlegaᴋ Nâlegaujoᴋ: Assiniaᴋatigilauᴋtatit ariulilauᴋtatit makititsomavakka, avatingnit akkerartoriartorᴋovlugit ilingnik;

Hesekiel 23:4

Attîgik imaipuk: angajukleᴋ: Ohôla, nukâlo: Ohôliba. Pigilerpâkalo, ernertârpuglo panitârlutiglo. Attîgiglo pitjutigilugik, imaipoᴋ: Ohôla tagva Samaria, Ohôliba tagva Jerusalem.

Daniel 4:17

Pigârtuksat tamanna kajusimautigivât, ivsornaitullo oᴋaᴋatigêklutik piᴋojijutigivât: inôjut ᴋaujimaᴋovlugit ᴋotsingnirojub aulangmago inuit ataniovingat, tuningmagolo pijomajaminut, inuillo nikanarsarnipaujungit ataningortingmagit tâpsomani.

Daniel 4:25

Inungnit ajaktortaulârpotit, natinaublo nigjutingit ilagilârpatit, tuktuvaktut iviksukatolârpotit, ᴋausititaulârpotillo ᴋilaub mitsuksoanganut, naliunirit 7nit ᴋângiutilârput ilingnik; ᴋaujimaᴋârtinak ᴋotsingnipângojub aulangmago inuit ataniovingat, tunilugolo pijomajaminut.

Daniel 4:32

Inungnit ajaktugauvotit, natinaublo nigjutingini iniksaᴋalârpotit; tuktuvaktitut iviksukatulârpotit, naliunirillo 7nit ᴋângiutilârput ilingnik; ᴋaujimaᴋartinak ᴋotsingnipângojub aulangmago inuit ataniovingat, tunilugolo pijomajaminut.

Daniel 5:21

Inuillo ᴋitornganginit ajaktortauvoᴋ, ômatingalo nigjutib ômatinganik adsiᴋartitauvoᴋ, iniᴋarporlo siutiᴋortojuni nujuartuni; iviksukatorpoᴋ tuktuvaktitut, timingalo ᴋausititauvoᴋ ᴋilaub mitsuksoanganut; ᴋaujimaᴋârtinago Gudib ᴋotsingnipângojub inuit ataniovingat aulangmago, pijomajaminiglo angajoᴋângortitsingmat tâpsomunga.

Hosea 1:2

Nâlegaᴋ Hoseamut oᴋaᴋârame, Nâlekab Hosea oᴋautivâ: Ailerit, anguniarpaktomiglo, anguniarpaktut ᴋitorngangita ilanganik, nulianingnialerit, nuna assiniarmat angijomik, Nâlegaᴋ ᴋemaklugo.

Hosea 13:6

Nerrinasugvitik maliklugo, taimak aᴋᴋeartorput; aᴋᴋeartorput, ômatingillo pingijaidlarput; taimaimallo puigorpânga.

Hosea 14:1

Israele, utilaurit Nâlekamut Gudingnut, oggosimagavit idluinitit pivlugit.

Hosea 2:16

Uvlormelo tâpsomane, oᴋarpoᴋ Nâlegaᴋ, atseralârparma: Ishimik, tamadja: uimnik; atserarungnailungalo: Baalimik, tamadja angajoᴋâmnik.

Hosea 5:13

Efraimib ᴋanimanine takogamiuk, Jûdablo ikkine takogamiuk, Efraim Assiriamut aivoᴋ, tiliklerlunelo atanermut Jârebemut; tâpsomale inûlijungnangilâse, ikkiselônêt mamititsungnangilait.

Hosea 5:15

Aularlunga uteromavunga inimnut, kigligiksarᴋârtinagit idluitulinermingnik, kênaralo ᴋenerlugo; kapiasungnermingne ilungertorlutik ᴋenerasualârpânga.