Hosea 2:4 - Labrador Inuttitut Heritage Bible

⁴ Ilâ, ᴋitorngangit nâpkigijomangilakka, anguniarpaktub ᴋitorngaringmagit.

Hosea 2:4 Iomraidhean Croise

II Atannit 9:22

Joramiblo Jehu takkogamiuk, oᴋarpok: Jehu ullapirsautekarka? Tamnâle oᴋarpok: Ullapirsaut suna? anânavit Isebelib anguniarningit, angakoktorningillo pivalliatuinartillugit?

Jesaiase 27:11

Akkerᴋut pannilerunik navigomârput, arnallo pijartorlugit ikkomaksarivait, nunaᴋatigêt tâpkoa sillaitovaksôngmatta. Taimaimat sanajingata nâpkigijungnangilait pingortitingatalo ajungitullivigivlugit ajorpait.

Jesaiase 50:1

Imak oᴋarpoᴋ Nâlegaᴋ: Aglait avititsijutiksat, anânapsingnik aularᴋojijut uvamnit naûk? Ubvalo kina akkiliksaᴋarvigigapko, akkiliutigivapsê tâpsomunga? Ahâk, idluitullinise pivlugit niorvgutigijauvose, anânaselo aularutjauvoᴋ tappatonise pivlugit.

Jesaiase 57:3

Illipsele ᴋaileritse maunga, illipse angakkub ᴋitorngangit, ajortullijub anguniarpaktublo kinguvângit.

Jeremia 13:14

Pilukautitsomavakka aglât atâtat ernerillo pilukautitilugit, Nâlagaᴋ oᴋarpoᴋ; naiperᴋutigosungneᴋaromangilanga, kikkitsijomanangalo, nâpkigosungneᴋaromangilangalo, asserortautailititsomangilakka.

Jeremia 16:5

Nâlagaᴋ oᴋarmat imâk: Iglo ᴋeavik itervigijaksaringilat, ogguaᴋataujartortuksaungilatillônêt ᴋeaginagillônêt; ulapirᴋsautiga pêjarsimagapko inôᴋatigêksoarnit makkonangat, Nâlagaᴋ oᴋarpoᴋ, ila, saimarveᴋarnera nâpkiningneralo.

Hesekiel 23:25

Ilungertorneralo makititsomârpara ilingnut, tâpkoalo ningaumajâdlarlutik iliorvigilârpâtit; ᴋingairlutit siutairomârpâtit; amiakoᴋotitillo saviksoarmut oggolârput; ernitit panitillo tigujomârpait; amiakoᴋotitillo ikomamut nungutaujomârput.

Hesekiel 8:18

Tamanna pivlugo uvangatauᴋ ningaumajârnerme piniaromavunga: ijîkka nâpkigosungniangilâk, uvangalo naiperᴋutigosungniangilanga; ᴋaigarsugaloaruniglo siutimnut nippenut angijunut, sulle tusaromangilakka.

Hesekiel 9:10

Taimaimat ijîkkatauᴋ nâpkigosungniangilâk, naiperᴋutigosungniangilangalo, piniarnerijangille tikiutijomavakka niaᴋunginut.

Hosea 1:2

Nâlegaᴋ Hoseamut oᴋaᴋârame, Nâlekab Hosea oᴋautivâ: Ailerit, anguniarpaktomiglo, anguniarpaktut ᴋitorngangita ilanganik, nulianingnialerit, nuna assiniarmat angijomik, Nâlegaᴋ ᴋemaklugo.

Hosea 1:6

Taimnalo singailerivoᴋ, paningmiglo ernivoᴋ. Nâlekablo oᴋautivâ: Atseraruk Lo-ruhamamik: Israêlib ᴋitorngangit nâpkigojomairapkit, issumagijungnaivigijomangimarikpakkalo.

Hosea 5:7

Tâpkoa Nâlegaᴋ nelangaisârvigivât; ᴋitorngigamik takorngartarnik; mâna taᴋᴋetuinaub nungutsomârpait perᴋutitik ilagilugit.

Saggaria 1:12

Tagva Nâlekab engelinga kiovok oᴋarlunelo: Nâlegak Zebaot, ᴋanok sivitutigijomik sulle nâpkigosuktaililârᴋêt Jerusalemik Jûdablo iglugasaksoanginik, ningarvigijarnik jârit ukkoa 70 nâvlugit?

Johannese 8:41

Atâtapse piniarningit piniarnerivase. Tagva oᴋautivât: Tamângainâgaungilagut; atautsemik atâtaᴋarpogut, Gûdemik.

Rômiunut 11:22

Tamanna pivlugo Gûdib pitsiarninga sivôranarningalo nautsertulikik; sivôranarninga kataksimajune; pitsiarningalo ilingne, iperangikungne pitsiarninga; iperarungnele, igvittauᴋ kipijaujomârpotit.

Rômiunut 9:18

Issumaminik tagva nâpkigivâ naliat; issumaminiglo sittitipâ naliat.

Jâkobusib 2:13

Nâpkigosujuitorle nâpkigosujuitomik erᴋartortaujomârmat; nâpkigosungnerle nertôtivok erᴋartuinermut pijaunane.