Hosea 2:19 - Labrador Inuttitut Heritage Bible

¹⁹ Nuliarijomavagillo nâksaungitomut; ilâ, nuliarijomavagit idluarnerme, erᴋartuitsiarnermelo, naglingnermelo, nâpkiningnermelo.

Hosea 2:19 Iomraidhean Croise

Imgerut 85:10

Pitsiarnek nertornarnerlo pârtigêᴋovlugik, idluarnerlo ullapirsaullo kunniktigêᴋovlugik;

Jesaiase 1:27

Zione erkartuijomut piulijaujomârpoᴋ utertitaumajoᴋotingillo idluarsaijomut.

Jesaiase 54:14

Idluarsainipkut tungavilertaujomârpotit. Issumajârungnairit sâlagijaugiamik, sivorajariaᴋaromânginavit, ᴋoaᴋsârnartomiglõnêt, tamattomunga tikkitaujomâtsanginavit.

Jesaiase 54:5

Pingortitit aiparigangne, ᴋilangmiugasaksuit Nâlegangat tagva attinga; ivlernartitorlo Israêlikkune piulijigigangne, sillaᴋsoarmiut illũnamatsiatik Gûdigijangannik atserartaujoᴋ.

Jesaiase 54:6

Nâlekab ᴋairᴋungmattit arnatut ᴋemaktaujotut, kiksartitaujotut, inôsuktub nulliangatut ᴋenugijaujotut, oᴋarpoᴋ Gûdit.

Jeremia 4:2

Soᴋoserungnangitomiglo angermariktuksauvotit: Sorlo Nâlagaᴋ inôngmat, mikseᴋârnerme, erᴋartuinermelo, idluarnermelo; inôᴋatigêksuit tagva saimartitaujutigijomârpât, nertornautigijomârlâllo.

Hesekiel 16:8

Sennerᴋogapkille takonârlutillo, ahâk, pinasuaraksaunît neliutisimalauᴋpoᴋ; uligalo issivilauᴋpara ilingnut, ussinganît uliklugo: ila, tunganartomik oᴋarvigilauᴋpagit angiᴋatigilutillo, oᴋarpoᴋ Nâlegaᴋ Nâlegaujoᴋ, perᴋutigilauᴋpagillo.

Hesekiel 39:29

Kênaralônêt ijeromângilara tâpkonangat kingorngane; anernera ilimagapko Israêlib kitornganginut, oᴋarpoᴋ Nâlegaᴋ Nâlegaujoᴋ.

Hosea 14:4

Kingupiartorsimaningit inûlijomavakka, ᴋunutuivlunga nagligijomavakka; ningarnera sangumat tâpsomangat.

Joel 3:20

Jûdalo soraijuitomik inuᴋaromârpoᴋ, Jerusalemelo kinguvângoᴋatigênit kinguvângoᴋatigênut.

Saggaria 13:2

Pijomârporlo uvlorme tâpsomane, oᴋarpok Nâlegak Zebaot, kipisijomârama gudingoat atinginik nunamit, erᴋaumajaujungnairomârpullo; nalautaijullo anernerlo ivsornartok aulartitsomârpakka nunamit.

Johannese 3:29

Nuliaksalik uiksauvoᴋ, uiksable ilannârijingata nangerdlunelo naipertorpâ, ᴋuviasudlarporlo uiksab nipinganik. Tamanna ᴋuviasungnera nâmaksilerpok mâna.

Rômiunut 7:4

Taimaktauᴋ, ᴋatangutikka, perᴋojanit toᴋosimavose Kristusib timinganut, perᴋutaulerᴋovluse assianut toᴋungajunit tupaktitaujomut, Gûdeme ajungituliniarᴋovluta.

II Korintemiunut 11:2

Ilungertorama pivluse Gûdib ilungertûtânut. Katitinapse angumut, tagva Kristûsemut, uigasungmik ivsornaitomik âtsivigijomavlugo.

Takotitaunermik 21:2

Uvangalo Johannese takovunga iglugasaksoarnik ivjornaitunik, Jerusalemik nutâmik, Gûdemit ᴋilangmit akᴋartunik, âkᴋiksorsimajunik, nuliaksatut pinnarnarsititaumajotut uiksaminut (ilingavlune).