Hosea 2:18 - Labrador Inuttitut Heritage Bible

¹⁸ Uvlormelo tâpsomane tâpkoa pivlugit angiᴋatigêngnelioromârpunga naternaub nergjutinginut, ᴋilaublo ikiangata tingmianginut, nunablo pâmgortunginut; pitikselo saviksoarlo unatarnerlo pêjaromavakka nunamit, inangatitsomavakkalo terliklutik.

Hosea 2:18 Iomraidhean Croise

Hiobe 5:22

Asserortaunerme kângnermelo ijorniarpotit, ômajullo nujuartut nuname erᴋsiginiangilettit.

Hiobe 5:23

Angerᴋattigêngneᴋarniarpotille ujarᴋanik naternamêtunnik, ômajullo nujuartut nuname ullapirsauteᴋarᴋattiginiarpâtit.

Imgerut 148:10

Omajut nergjutilllo illûnatik, pâmgortut, tingmitjullo merᴋoggit;

Imgerut 23:2

Natername iviksukatolingme tungojoktannik tangmârterpânga, tassiorlunga merngoêrsernerub iminginut.

Imgerut 46:9

Unnatadlarnernik nokᴋartitsijub nuname illûnane; pittiksinnik naviksijub, kallugiarniglo serᴋomitsijub, aksalloalingniglo ikkitsijub.

Jesaiase 2:11

Inuit piojorijutitut tautusôngojut kattalungatitaujomârput, inuillo pimmariutertut suksaujungnairtitaujomârput, Nâlegarlo kissime angijôjomârpoᴋ nalliutome taipsomane.

Jesaiase 2:17

(Tagva) inuit piojoriningat suksaujungnairtitaujomârpoᴋ, inuillo pimmariuterningat serᴋomitaujomârpoᴋ, Nâlegarlo kissime angijôjomârpoᴋ nalliutome taipsomane.

Jesaiase 2:4

Erᴋartuijomârporlo nallojut akkornganne nunaᴋatigêksuillo unuktut inerterlugit. Tagva saviksoaᴋotimingnik poagitelioromârput ᴋallugiaᴋotimingniglo iviksukatautelioromârput. Nunaᴋatigêt nellîllõnêt assimingnut saviksoarmik atorungnairomârput, unatadlarnermiglo illiniarungnairomârput.

Jesaiase 26:1

Taipsomane imgertoᴋaromârpoᴋ imgerusermik imaitomik Jûdab nunangane: Iglugasaksoaᴋarpogut aulajungnangitunik, avalungit sappûlutangillo piulijauviksauvut.

Jesaiase 32:18

Inuᴋotikkalo iglune ullapirsautelingne inneᴋaromârput, iglune terlingnartune merngoerservingnelo nangianalungitune.

Jesaiase 54:5

Pingortitit aiparigangne, ᴋilangmiugasaksuit Nâlegangat tagva attinga; ivlernartitorlo Israêlikkune piulijigigangne, sillaᴋsoarmiut illũnamatsiatik Gûdigijangannik atserartaujoᴋ.

Jesaiase 65:25

Amaroᴋ saugârarlo nerriᴋatigêgomârpuk, loeve tuktuvaktut ivingnik nerᴋiksaᴋaromârpoᴋ, ᴋuglugiarlo ivjomik nerrijomârpoᴋ. Erᴋsinaromângilat asseroinatiglo ᴋaᴋᴋamne ivsornaitome illũnâne, oᴋarpoᴋ Nâlegaᴋ.

Jeremia 23:6

Tâpsoma uvlungane Juda piulijaujomârpoᴋ, Israêlelo terliklune nunaᴋaromârpoᴋ, tamannalo attinga atserartautiginiartanga: Nâlagaᴋ idluarsijutigijavut.

Jeremia 30:10

Taimaimat, sivôraniarnak Jâko kivgara, oᴋarpoᴋ Nâlagaᴋ; kapiasudlarnak, Israêle; ahâk, ᴋelujomârpagit ungasiktomit, kinguvâksatillo nunamit aularutijauvigijamingnit; Jâkolo uteromârpoᴋ inilangatsiarniarlunalo pagvisartaulugane, ᴋoaᴋsârtitsijoᴋarnialungilarlo tâpsominga.

Jeremia 33:16

Uvlune tâpkonane Juda piulijaujomârpoᴋ, Jerusalemelo terligomârpoᴋ; tamannalo attinga atserartaujutigijomârtanga: Nâlagaᴋ idluarsijutigijavut.

Hesekiel 34:25

Angeᴋatigêngnermiglo ulapirᴋsautelingmik angeᴋatigijomavakka, ômajullo erᴋsinartut nunamit pêjaromavakka; terliklutiglo nunaᴋaromârput sunaᴋajuitome, siniktarlutiglo napârtolingme.

Hesekiel 39:1

Igvillo, inûb erninga, Goge nelautaivigiuk, oᴋarlutillo: Imâk oᴋarpoᴋ Nâlegaᴋ Nâlegaujoᴋ: Ahâk, sâvigivagit, Mesekib Tubaliblo angajoᴋâᴋsoangak:

Saggaria 14:4

Itigangillo tungalârput uvlorme tâpsomane ᴋaᴋame orᴋsuktalingme, Jerusalemib kitânêtome, ᴋaᴋarlo orᴋsuktalik ᴋeterᴋamigut ᴋopijomârpok kitâmullo kangimullo, kôroᴋsoaᴋalârporlo; ᴋaᴋablo abvanga avunga nûtsomârpok, abvangalo aunga.

Saggaria 14:9

Nâlegarlo ataniojomârpok nunamut tamaitaᴋsoarmut; uvlorme tâpsomane Nâlegak atausiojomârpok, atingalo atausiojomârpok.

Saggaria 2:11

Inôᴋatigêksuillo unuktut ilaulârput Nâlekamut uvlorme tâpsomane, inuᴋotigijomârpakkalo; ilingnelo ineᴋalârpunga, ᴋaujijuksaulârpotillo Nâlekab Zebaotib tilingmanga ilingnut.

Saggaria 3:10

Uvlorme tâpsomane, oᴋarpoᴋ Nâlegaᴋ Zebaot, vaineliksataliub atânut paungatannaᴋtaliksûblo atânut ᴋaiᴋojiᴋatigêgomârpose.

Saggaria 9:10

ᴋamutillo unatautit pêjaromârpakka Efraimit, horsillo Jerusalemit, pitikselo sorᴋsût pêrtaujuksauvok; inôᴋatigêksuillo ulapirksaumik oᴋarvigilârpait; nâlegauvingalo imarbingmit imarbiub aipânut pijomârpok, kôksoarmillo nunaksûb isua tikidlugo.