Hosea 2:15 - Labrador Inuttitut Heritage Bible

¹⁵ Tagvangallo tunitjivigijomavara vaineliksataliksanganik, Akoriblo naᴋsanganik nerriungnermut iterviksanganik; tagvanelo imgerlârpoᴋ sorlo inôsungnime uvlungine, sorlolo uvlorme majorarvigilauᴋtangane Egiptenemit.

Hosea 2:15 Iomraidhean Croise

I Atannit 16:31

Suglugilaukpa agvertarame Jerobeamib Nebatib erningata idluiningine, nullianikpâlotauk Isebele Etbaalib Zidonemiut atanningata pania; Baalelo kivgartoriartorpâ, tuksiarvigivâlo.

Imgerut 106:12

Tagva oᴋausingit okperivait nertornarningalo imgerutigivât.

Imgerut 129:1

Tatteᴋattalaukpanga inuosungnimnit, taimak Israelitit oᴋarlît.

Jesaiase 65:10

Sâronelo saukkat nerᴋiksarsiorvigijomârpât, naᴋsarlo Aggore tuktuvait aᴋopivigijomârpât, inuᴋotima uvamnik apperᴋuteᴋartut pingita.

Jesaiase 65:21

Iglolioromârput innigivlugillo, vaineliksatalingnik perorsêvilioromârput paungangillo nerrivlugit.

Jeremia 2:1

Nalekablo oᴋausingata tikipânga, oᴋarlune:

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Jeremia 29:11

Uvanga nalunginakpit issumat pivluse issumagijakka, oᴋarpoᴋ Nâlagaᴋ, issumat ulapirᴋsautelit, idluitôlungitullo, mattoma kingorngane tunitjivigijomavluse nerriungnermik.

Jeremia 3:4

Mânamit ᴋaigarsugvigijomangilarmâ: Atâtaᴋ, inôsungnimne tasiortigilauᴋpagît?

Jeremia 32:15

Imâk oᴋarmat Nâlagaᴋ Zebaot, Israêlib Gudinga: iglut perorsêvîllo vaineliksatalîllo pisiarijaulârivut sulle nuname tamatomane.

Jeremiab Ogguarutigijangit 3:21

Tamanna ômamiutarivara, tamanna pivlugo nerriungneᴋarpunga sulle.

Hesekiel 16:22

Maᴋojungnartulinernelo ajortulinernelo tamaine erᴋailungilatit inôsungnivit uvlunginik, ussingalauravit kangunarlutillo, aksapaloalauravillo aungne.

Hesekiel 16:60

Taimailioraloartilutille uvanga erᴋaumajomavara angerutiga inôsungnivit uvlungine, angiᴋatigijomârpagillo soᴋosijuituksaujomik.

Hesekiel 16:8

Sennerᴋogapkille takonârlutillo, ahâk, pinasuaraksaunît neliutisimalauᴋpoᴋ; uligalo issivilauᴋpara ilingnut, ussinganît uliklugo: ila, tunganartomik oᴋarvigilauᴋpagit angiᴋatigilutillo, oᴋarpoᴋ Nâlegaᴋ Nâlegaujoᴋ, perᴋutigilauᴋpagillo.

Hesekiel 28:25

Imâk oᴋarpoᴋ Nâlegaᴋ Nâlegaujoᴋ: Katersoisimajarêruma Israêlib ᴋitornganginik inôᴋatigêksuit siamangavigijangita akornganit, ivsornaititaugumalo tâpkonane inôᴋatigêksuit takoane, taipsomane nunaᴋalârput nunamingne tunilauᴋtamne kivgamnut Jakomut.

Hesekiel 28:26

Nunagijomârpâllo terliklutik; ila, iglolioromârput, vaineliksatalingniglo ilijivlutik, terliklutiglo nunagijomârpât; erᴋartuijarêruma tamainik avatinginêtunik pagvisartunik tâpkoninga; ᴋaujijuksauvullo uvangaugama Nâlegaᴋ Gudigijangat.

Hosea 11:1

Israele sorusiotilugo nagligilauᴋpara, erneralo ᴋaiᴋolauᴋpara Egiptenemit.

Hosea 12:13

Nelautaijokullo Nâlekab Israêle Egiptenemit majorartilauᴋpâ, nelautaijomullo pairijaulauᴋpoᴋ.

Hosea 12:9

Uvangale Nâlegauvunga Gudigijat Egiptenemênerilauᴋtarnit; tupingne iniksaᴋartitsomârivagit sulle, sorlo uvlune uvloᴋsiorviojune.

Hosea 13:4

Uvangale Nâlegauvunga Gudît Egiptenemit; gudemiglo assimnik ilitarᴋsijuksaungilatit, assimniglo piuliklertoᴋangilaᴋ.

Hosea 2:12

Napatungillo vaineliksataliksat paungatannaktaliksallo piojungnaititsomavakka, oᴋautigijangit: Akkiliusiarilauᴋtakka tamakkoa, anguniaᴋatima ᴋaitangit; napârtoliksoangortitsomavakka, naternaublo nergjutingita nerᴋiksarilârpait.

Amos 9:14

Inuᴋotimalo Israêlikut aularutijaujungit utertitsomârpakka, iglolioromârpullo iglugasaksoarnik asserortaumajunik, inigilugillo; perorsêvilioromârpullo vaineliksatalingnik, vainingalo imerlugo; perorsêvilioromârpullo, paungangillo nerrilugit.

Saggaria 9:12

Ungalujijoksoarmut uteritse nerriungnartomik parngnanairsortaumajose: uvlome kigligiutjivunga maggortortomik akkileromârapkit.

Numbers 21:17

Tagva Israêlikut imgerut tamanna imgerutigivât: Kagvarit imeᴋtarvik; imgerutigisiuk;

Johannese 10:9

Itertarviovunga: uvapkut itertoᴋarpat, tâmna piulijauniarpok, iterlunelo anilunelo nerᴋiksarsiniarpok.

Apostelit Piniarningit 14:27

Tagvungale pigamik, ilagêktut katersorᴋolerpait, unipkârlutiglo Gûdib piniarnersoanganik tâpkungnûna, ᴋanorlo nalojunut okpernerub upkuanga angmartilaungmago.

Josua 7:26

Ujarᴋat unnuktut perorliutivait ᴋanginnut, tapkoa tagvaneput sulle uvlok tamanna tikkilugo. Tagva Nalegak ningautsime illungertorninganit allarpok. Tamanna pivlugo nuna tamanna taijauvok, Achorib naksanganik uvlok tamannatikkilugo.

Idluarsaijut 8:34

Israeliblo ᴋitorngangita Nâlegak Gûditik issumagilaungilât, piulijitik omigijimik illumajimik ilûnatik agganginit.