Hosea 2:14 - Labrador Inuttitut Heritage Bible

¹⁴ Tamanna pivlugo, ahâk, uerisâromavara, tikiutilugolo sunaᴋajuitomut, ilanârnartomiglo oᴋarvigijomavara.

Hosea 2:14 Iomraidhean Croise

Genesis 34:3

Tarningatalo ungagivâ Dina Jakob panninga, uigasuglo nagligivâ, tussarnertunik oᴋauseᴋarvigivlugo.

Hiobe 36:16

“Igvittauk nûtiniarpâtit kappianarnerub torkluanit initoneᴋarᴋovlutit tetjartaunangitomik iningane; illijauniartullo nerrimavingnut orkserusersimaniarput.

Imgerusersoak 1:4

Amualaunga illingnut, tagva akpangerpogut. Attanniub tassiorpânga aiparuseᴋotiminut. ᴋuviasukpogut serrilutalo pivlutit; naglingnît issumaginersarivavut Weinemit. Idluitailijut nagligivâtit.

Jesaiase 30:18

Taimaimat Nâlegaᴋ utaᴋᴋijomârpoᴋ saimarvigijomavluse, ᴋannitsomângilaᴋ nâpkigijomavluse, Nâlegaᴋ Gûdeongmat erᴋartuijoᴋ. Pillorikput illũnatik tâpsominga nerriuktut.

Jesaiase 5:5

Mãnalo ᴋaujititsomavapse, ᴋanoᴋ perorsêviga vaineliksatalik piniarvigijomârapko. Sappûlutangit pêjaromavakka asserortaurᴋovlugo, avalungillo serᴋomitsomavakka tullerajartaurᴋovlugo.

Jeremia 16:14

Taimaimat, ahâk, naliutsomârpoᴋ, Nâlagaᴋ oᴋarpoᴋ, oᴋartoᴋarungnairomârmat: Sorlo Nâlagaᴋ inôngmat, tikiutjilauᴋtoᴋ Israêlib ᴋitornganginik nunamit Egiptenemit;

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Jeremia 45:4

Imâk oᴋautijaksarivat: Imâk oᴋarpoᴋ Nâlagaᴋ: Ahâk, sanasimajara igupteromârivara, ililauᴋtaralo nussugomârivara, nuna, tamanna ilûnât nâvlugo.

Hesekiel 20:10

Taimaimat anitilauᴋpakka nunamit Egiptenemit, tikiutilugillo sunaᴋajuitomut.

Hesekiel 20:33

Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, aggangnut pitsartujunut, talingmullo issamijomut, ᴋaningaumajârnermullo kovijaujomut, ataniojomavunga ilipsingnut:

Hosea 2:3

Ussertitsiᴋonanga tâpsominga, saᴋᴋijârtilugolo sorlo inûlervingmine ilaungmat, ilingatitsiᴋonangalo tâpsominga sunaᴋajuitotut, nunatut ipterilingajotut itilugo, toᴋolugolo ᴋêdlarnermut;

Migga 1:7

Inungoaliarimajangillo ilûnatik serᴋalitaujomârput, attautingillo ilûnatik ikomamut nungutaujomârput, gudingoangillo ilûnatik nungunerlukungortitsomârpakka; anguniarpaktûb akkiliusiarijanganut katersolaungmagit, anguniarpaktublo akkilertauninganut utertuksauvut.

Migga 4:10

Anialerit, ilungertorillo saᴋᴋêjomavlutit ernisulertotut, Zionib paninga; mâna anijomâravit iglugasaksoarnit, naternamelo iniksaᴋalârpotit, Babilonemut aglât tikituksauvotit; tagvane ᴋelujaulârpotit; tagvane Nâlekab piulilârpatit ômigijivit agganginit.

Johannese 12:32

Uvangalo ᴋangatartitauniaruma nunamit, ilûnnaita amuaromavakka uvamnut.

Johannese 6:44

Uvamnut tikitoᴋarungnangilaᴋ, Atâtab tilijima amuangipago; uvangalo ômartitsomârpara uvlut naggatiksangane.

Takotitaunermik 12:14

Arnarlo issarungnik maggûngnik nektoraliub angijub issarôktitut-itungnik tunitsiviovok, tingilerᴋovlugo inuᴋajuitomut iniksaminut, tagvane nerrititauᴋovlugo nelliutome atautseme, neliutungnelo maggûngne, neliutublo ᴋoppangane, ᴋuglugiab kênanganit.

Takotitaunermik 12:6

Arnarlo ᴋemâvok inuᴋajuitomut, tagvane Gûdib iniksarsisimavâ, tagvane nerrititaukovlugo uvlut 1,260 it nâvlugit.

Idluarsaijut 19:3

Uingalo parngnailerpok, malliklugolo, pitsiarlune oᴋarᴋattigijomavlugo, aijomangmilugo ingminut, aipaᴋalunelo nukapiamik, siuteᴋoktojungniglo maggûngnik. Tapsomalo atâtame iglunganut ittertipa. Arnablo atâtangata takogamiuk ᴋuviasulerpok illelliorpalo.