Hosea 2:13 - Labrador Inuttitut Heritage Bible

¹³ Uvlullo Baalenut atortangit akkiniarutigijomavakka tâpsomunga, tippigiksautinik isserluanititsivigijangit tâpkonunga, pinnarnarsitigame nangminerminik siumiutaminut pinnarnarsautiminullo, anguniaᴋatigijanelo ᴋeneriartoramigit, uvamniglo puigorlune, oᴋarpoᴋ Nâlegaᴋ.

Hosea 2:13 Iomraidhean Croise

II Atannit 1:2

Ahasjalo katakpok ᴋilapataujakut iglomine Samariame, ᴋanimalerlunelo, tilijaksaniglo tiliklerpok, oᴋautivaillo: Apperiartoritse Baal-Sebubemik Ekronemiut Gûdinganik, ᴋanimasermit tamattomangat nakoksiniarmangarma?

II Atannit 10:28

Taimak Jehub Baale pêjarpa Israelemit.

II Atannit 21:3

Pôktojullo atâtangata asserorlauktangit sennapsarivait, Altarillo sennavait Baalemut, nappartuniglo Gûdingoalingnik âkiksoivok, sorlo Ahabe Israelitit atanningat pinnialaungmat, ᴋilangmiogaseksuillo tamaita (uvloritsat) tuksiarvigivait kivgartorlaitalo.

Hiobe 8:13

Taimailingavut ilûnatik Gûdemik puigortut; takkomôrtublo nerriungninga assioniarpok.

Imgerut 106:13

Pinniarningille puigorsârpait; uttakkilaungilallo attanertuininganik.

Imgerut 106:21

Gûde piulijitik puigorpât, taimak angijôtigijomik pinnialauktok Egipteneme;

Imgerut 78:11

Pinniarningillo tattamnartulliningillo puigorpait, saᴋᴋertilauktangit tâpkonunga.

Exodus 32:34

Taimaimat aularit mânna, inuillo tasiorkit iniksamut oᴋautigisimajamnut ilingnut: ahâk, Engeleᴋotima sivorliniarpâtit: kisianele idluitoᴋsôningit akkiniarutigijomârpakka, uvlok akiniarnermut naliutikpat.

Jesaiase 17:10

Gûde piulijiksarijat puigorangne, ᴋairtorlo sapudjauviksarijat erᴋaumanginangne, perorsêvingnik allianartunik sanavotit, illijivigivlugit takkorngartat karngasûtinginik.

Jesaiase 65:7

Idluitullinise atâtagijapselo idluitulliningit kattitillugit, oᴋarpoᴋ Nâlegaᴋ; ᴋaᴋᴋane tippitsiariksaumik ikkoalatitsingmatta, ᴋaᴋᴋârulangnelo mittautigingmanga, taimaimat tunitjerᴋâromârpunga akkiksanginik sânginut.

Jeremia 11:13

Tagva iglugasaksoaᴋotivit unurningit maliklugit taimak unuktigigivut gudingoaᴋotitit; Jerusalemiblo apᴋosineâlungita unurningit maliklugit tunerguserviliorsimavose isserluanertitsivingnik Baalemut.

Jeremia 18:15

Inuᴋotimale puigorsimavânga; isserluanititsisimavut tippitsiariktunik sulitsangitunut; naukiutitipait apᴋutingine, apᴋutetoᴋane, arvertartilugillo apᴋutine apᴋutitsiangolungitune, apᴋutine sanasimangitune;

Jeremia 2:32

Uigasub pinnarnarsautine puigorungnarᴋagît, nuliaksablônêt annorâtsianê? Inuᴋotimale puigorpânga uvlut kitiksaungitut.

Jeremia 23:2

Tamanna pivlugo imâk oᴋarpoᴋ Nâlagaᴋ, Israêlib Gudinga, pairᴋsijut nerripkaijut inuᴋotimnik pivlugit: Siamartilauᴋpase saugaᴋotikka, ᴋemâtilugillo, takojartornagillo; ahâk, piniarnipse idluiningit akkiniarutigijomavakka ilipsingnut, oᴋarpoᴋ Nâlagaᴋ.

Jeremia 7:34

Judablo iglugasaksoangine Jerusalemiblo apᴋosineâlungine sorairtitsomavakka ᴋuviasuktut serrijullo nippingit, nulianiktublo uiniktublo nippîgingnik; nuna sunairutisimajungoromârmat.

Jeremia 7:9

Tigligomavisê, inuaromavluselô, nuliarêngnermiglo asseroijomavlusê, angeromavluselô soᴋoserungnangitomik saglovluse, isserluanititsijomavluselô Baalemut, maligomavluselô Gudib assinginik ilitarilaungitapsingnik,

Jeremiab Ogguarutigijangit 1:4

Zionib apᴋosiningit ogguarput, aijoᴋalungimat uvloᴋsiorviksanut; upkoaᴋsoangit inuêrput, ajoᴋertuijungit anersaumivut: uigasungit kiksarput, nangminerlo sanikterivut.

Jeremiab Ogguarutigijangit 5:14

Inuᴋoartut iksivajungnaiput upkoaksuit saniane, inôsuktullo angutit tuksialagungnaiput.

Hesekiel 16:12

Tuglerumiglo pititsivunga ᴋingangnut, siutemiutaniglo siutîngnut, niaᴋotemiglo piojôdlartomik niaᴋungnut.

Hesekiel 16:17

Tigusivotillo pinnarnarsautivit goldeᴋotima silbereᴋotimalo ilanginik, tunilauᴋtama ilingnut, angutingoaliorutigilugillo, tâpkoalo ajortulijutigilauᴋpatit.

Hesekiel 22:12

Ilipsingne piliusianik tigusivut, aungmik kovisiᴋovlugit; tapiksaᴋarᴋojivullo aᴋᴋilêᴋojivullo ununersanik attartortautilauᴋtanginit; pijomatudlarlutik aᴋsârput aksorornermut, puigorpapsingalo, oᴋarpoᴋ Nâlegaᴋ Nâlegaujoᴋ.

Hesekiel 23:35

Tamanna pivlugo Nâlegaᴋ Nâlegaujoᴋ oᴋarpoᴋ imâk: Puigoramga egigamgalo tunungnut, tamanna pivlugo kangunartulinitit assiniarnitillo nangmaraksarivatit.

Hosea 11:2

Tâpkoa ᴋaiᴋojarangamigit ipkoa ᴋemâvait: tunerguserput Baalinut, tipigiksautiniglo isserluanititsivut inungoaliarimajanut.

Hosea 13:1

Efraim oᴋâlangmat, sajuktoᴋadlarpoᴋ; ᴋagvertipoᴋ nangminerminik Israêleme; Baalele pivlugo pidlaraksautigame, toᴋovoᴋ.

Hosea 13:6

Nerrinasugvitik maliklugo, taimak aᴋᴋeartorput; aᴋᴋeartorput, ômatingillo pingijaidlarput; taimaimallo puigorpânga.

Hosea 2:5

Anânangat anguniarmat; singailauᴋtoᴋ tâpkoninga kangunartulivoᴋ; oᴋarmat: Anguniaᴋatigijaᴋᴋa maligomavakka, tunitjivigijikka nerᴋiksamnik, imiksamniglo, saukallo merᴋunginik, ilupâksarmiglo, orᴋsumiglo, imiksaniglo.

Hosea 2:7

Anguniaᴋatigijanelo udlalârpait, angunagille; ᴋenilârpait nagvârnagille; oᴋalârpoᴋ tagva: uteromavunga uimnut sivorlermut, taipsomane idlugiarpalanersaulaurama mânamit.

Hosea 4:13

Tunergutinik ôtaksanik tunitjivut ᴋaᴋᴋaᴋsuit ᴋângine, tipigiksautiniglo isserluanititsivut ᴋaᴋᴋane, napârtut sittijuksajat, ᴋairoliujallo, kutsulillo atâne, taggaliningit piojorijôgamigit; tamanna pivlugo panise assiniarput, nuliaksaselo anguniarput.

Hosea 4:6

Inuᴋotikka asserortauvut ilisimaneᴋanginamik; ilisimaneᴋ ajaktorangne, uvangatauᴋ ajaktoromagivagit, uvamnut ajoᴋertuijôᴋonak; Gudivît perᴋojangit puigorangne, uvangatauᴋ puigoromagivunga ᴋitorngarnik.

Hosea 8:14

Israêle puigormat Pingortitiminik, igloᴋsoaliorlunelo; Jûdab iglugasaksuit sôngojut unuksitipait; uvangale ikomamik tilikleromavunga iglugasaksoanginut, nungutsijuksamik igloᴋsoanginik.

Hosea 9:7

Uvlut nelipsaivît tikiput, uvlut akkiniarvît tikiput: Israêlib tamanna ᴋaujilârpâ: nelautaijoᴋ silaitôvoᴋ, angut anernermik pilik issumairutivoᴋ, idluitulinivît unurningit pivlujit, ômisungnerlo angijôdlarmat.

Amos 8:10

Uvloksiorviselo ablatsangortitsomârpakka kiksarnartovingortilugit, imgerutiselo ilûnaita ogguarutinut; makitiselo ilûnaita atititsomârpakka pôksajavinernik, niaᴋullo tamaita nujairlugit; ilingatitsomârparalo sorlo ernetuak oggorijaungmattut, nâningalo uvloktut allianaidlartotut.

Deuteronomy 32:18

ᴋairtok inûlertitsilauᴋtok ilingnik kamagijungnairpat, Gûdelo inungortitsijok ilingnik puigorpat.

Deuteronomy 6:12

Tagva udjertorit puigorᴋonak Nâlekamik tikiutjijingnik nunamit Egiptenemit, iglomit kipalovingmit.

Idluarsaijut 10:6

Israelible ᴋitorngangit idluitullilaurivut Nâlekab sângane, kivgartorlutiglo Baalinik, Astarotemiglo, Siriamiullo Gûdinginik, Zidonemiullo Gûdinginik, Moabiterillo Gûdinginik, Amoniblo ᴋitorngangita Gûdinginik, Filisterillo Gûdinginik, Nâlegarlo ᴋemakpât kivgartornagolo.

Idluarsaijut 3:7

Idluitullilutiglo Nâlekab sângane, Nâlegarlo Gûditik puigorlaukpât, kivgartorlutiglo Baalemik, perorsêvingniglo nappartolingnik.

I Samuel 12:9

Tapkoale Nalegak Guditik puigormatsuk, niorvgotigilaukpait Sisserab, sorsuktuksat Hazoreme angajoᴋangita pitsartuninganut, Filisterillo pitsartuninganut, Moabiterillo attaningata pitsartuninganut, tapkoa unatadlarvigilaukpait.