Hosea 14:9 - Labrador Inuttitut Heritage Bible

⁹ Kina ilisimavâ, tamakkoa tukkisijungnarlugît? Issumagiktôvlune, tamakkoa ilitarilugît? Nâlekab apᴋotigijangit idluadlarmatta, idluartullo tâpkonane arvertartuksauvut; tapatojulle oggolârput tâpkonane.

Hosea 14:9 Iomraidhean Croise

Genesis 18:25

Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?

Hiobe 17:9

Idluartuble sulle apᴋoserijane ungagitsainarniarpâ, ivsornaitunniglo aggalik sôngutsainarniarpok.

Imgerut 107:43

Kina sillatôva puigortaililunelo tamattominga? Tagva tukkisiniarput, ᴋannok unnuktigijunik ajungitullinernik Nâlegak sakᴋêmat.

Imgerut 119:128

Tamanna pivlugo piniartauᴋojaujut illûnâne nâlamarikpakka, apᴋosinerlo tammarnartok tamât ômigivara.

Imgerut 119:75

Nâlegak ᴋaujimavunga idluarsainitit idluarmatta, nertornarlutillo nikkanarsârtilauramga.

Imgerut 84:5

Pillorikput inuit pitsartuneartut illingnik; tâpkoa ômattingine apᴋosineᴋarpok sannamatsiartunnik.

Imgerut 84:7

Arvertarput pitsartunermit pitsartunermut, illûnatik attunît saᴋᴋerᴋâratik Gûbib sângane Zioneme.

Salomob Okâl 10:29

Idluitailijub Nâlekab apᴋutinga serngnigiksakautigiva; idluitullijullo illerasukput.

Salomob Okâl 16:21

Ilisimajomik omattelik, silatôjomik oᴋautauvok, oᴋâlanerillo tussarnertut ilinniartitsivut ânanâmik.

Salomob Okâl 4:18

Idluartulle apᴋotingat ᴋaumanerub keblarningatut ipok, sivumuartotut, ᴋaumaksaijotullo uvlok soᴋosijuitok tikkilugo.

Jesaiase 1:28

Tapatojoᴋsuille idluitullijullo illunamasiatik asserortaujomârput, Nâlekamiglo ᴋemaijut toᴋotaujomârput,

Jesaiase 17:8

Tunerguservîllo aggame sannajangit tautugungnairomârpait, takkonârungnairlugillo aggame sannajangit: Astartingoat ᴋejuit napajullo seᴋinermut illingajut.

Jesaiase 26:7

Idluartuble apᴋutâ nallâgôrtotôvoᴋ, idluartub apᴋosininga idluarsitipat.

Jeremia 29:12

Nipliavigijomârpapsingalo, tuksiarvigijartorniarpapsingalo, uvangalo tusaromârpapse.

Jeremia 9:12

Kina silatovâ tamanna tukkisijungnarlugô? kinauvâlo oᴋarviojoᴋ Nâlakab ᴋaninganut, kigligiutsijungnarᴋovlugo tamattomingâ? Suna pivlugo nuna aserortaumavâ panertungordlunalo sunaᴋajuitotut, inungmut apᴋusârtaujungnaiᴋovlugô?

Hesekiel 11:18

Tikituksaulârpullo tagvunga, pêjalârpaillo maᴋojungnartut naggonartullo tamaita tagvangat.

Hesekiel 18:25

Oᴋarposele: Nâlekab apᴋotinga sangungavoᴋ. Nâlagitse, ilipse Israêlib ᴋitorngangit: Apᴋotiga sangungavâ? Apᴋotise niungalungilât?

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Daniel 12:10

Unuktut ivsornaitilârput nangminimingnik, ᴋaᴋorsilutiglo, sujungaititaulârpullo; idluitulli idluitulijomârput; idluitulijulli naliatalônêt tukkisiniangilaᴋ, silatujulli tukkisilârput.

Sefania 3:5

Nâlegak tagvanêtok idluartôvok; tâmna idluituliniangilak; ᴋaujarangat idluarsainine ᴋaumajomut pitipâ, nipotilungilak; idluitulle kangusulungilat.

Saggaria 10:6

Jûdablo ᴋitorngangit pitsartutitsomârpakka, Josefiblo ᴋitorngangit piulijomârpakka, iniksaᴋartitsomârivakkalo, nâpkigijomârapkit; ajaktortaumalaungitutitullo îtsomârivut; Nâlegauvlunga Gudeovunga tâpkonunga, tusaromârpakkalo.

Mattêuse 11:19

Inûb Erninga tikisimavok, nerrilarmelo imilarmelo; tagva oᴋarput: Ahâk, inuk una nerritojoᴋsoak, vainemiglo imertojoᴋsoak, pimaklertit idluitulijullo ilanârijingat! Gûdible ilisimaninga idluarijaujariaᴋarpok ᴋitorngaminut.

Lukase 2:34

Sîmeoniblo saimartipak, anânanganullo Mariamut oᴋarpok: Ahâk, una ochojutiksaujomârpok makijutiksaujomârlarmelo unuktunut Israêlib kinguvânginut, nalunaikutaksaujomârlunelo akkerartugaksak;

Lukase 7:23

Piloridlarporlo sinaungajuteᴋalungitoᴋ uvamnik.

Johannese 15:24

Piniarnerit piniarnerilaungikupkit, asimma piniarnerilaungitangit, ajorneᴋarajangilat; mânale takolauralloaramigit, tamamnuk ômigivâtiguk, uvangalo Atâtagalo.

Johannese 18:37

Tagva Pilâtusib oᴋautivâ: Taimaimat ataniogalloarᴋêt? Jêsusib kiovâ: Nelâgut oᴋarpotit, ataniovunga. Tamanna pivlugo erniangovunga silaksoarmullo tikilunga, kigligiutjerᴋovlunga mikseᴋârnermik. Mikseᴋârnermit pijub nipiga tusarpâ.

Johannese 8:47

Gûdemit pijub Gûdib oᴋausingit tusarpait; tamanna pivlugo tusangilase, Gûdemit pinginapse.

Johannese 9:39

Jêsuselo oᴋarpok: Erᴋartuijartorlunga silaᴋsoarmut tamattomunga pivunga, tautungitut tautulerᴋovlugit, tautuktullo tautugungnairᴋovlugit.

Apostelit Piniarningit 13:10

Oᴋarlunelo: Kitorngaujotit Sâtanasemut, saglotunermiglo, uivêriklernermiglo ilumiuteᴋadlartotit, idluarnerniglo tamainik ômisuktotit, soraingilatit Nâlekab apᴋosiningit idluartut atortauningit agviarlugit;

Rômiunut 7:12

Perᴋojat ivjornaigalloarput, perᴋojarlo ivjornailunelo idluarlarmelo ajungilaᴋ.

Deuteronomy 32:4

Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.