Hosea 14:2 - Labrador Inuttitut Heritage Bible

² Oᴋausikka neksarsigik, uteritselo Nâlekamut, oᴋautisiuk: Ajornerit tamaita pêjalaukit, saimarsartigullo; taimaglo tunitjijomavogut ᴋangasinâpta paunganginik.

Hosea 14:2 Iomraidhean Croise

II Samuel 12:13

Tagva Davide Nathanemut oᴋarpok: Idluitullilaukpunga Nalekamut. Nathanib Davide oᴋautiva: Tagva Nalekab ajornît pêjarsimagiva, toᴋᴋoniangilatit.

II Samuel 24:10

Davidiblo omattinga tiglilerpok innugatsuit kittitaulauᴋârtillugit. Davidelo Nalekamut oᴋarpok: Angijoksoarmik idluitullilaukpunga, tamattominga pinnialaurama; mannalo Nalegak kivgavit idluitullininga pêjalauruk, sillaidlartomik pinniarlaurama.

Hiobe 7:21

Sôglo idluitullinimnit isumagijungnaivigingipinga, pêrtaililugillo ajornikka? Mânnale innilaniarpunga nunab illuanut; ᴋaupallo ᴋennertauniaruma, ovanêniangilanga.

Imgerut 119:108

Nâlegak kanerma tunnergutingit pijarijut ᴋuviagijaulît illingnut; ajochertulaungalo idluarijarnik.

Imgerut 50:14

ᴋujalinermik tunnijilerit Gûdemut, angersimanerillo namaksitikit ᴋotsingnerpângôjomut;

Imgerut 51:16

Tunnergutit ᴋuviaginginangne, taimainajarpat taimaitunnik tunnitsivigijomagalloarpagit; tunnergutillo ôtaksat namagingilattit.

Imgerut 51:17

Tunnergutit Gûdib ᴋuviagijangit, annerniôvut serᴋomisimajok; ômamik kappiasuktomik serᴋomisimajomiglo igvit Gûde nachoniangilatit.

Jesaiase 44:22

Idluitullinitit pêjarpakka nuvujatut (tiktautillugit) ajortullinitillo pujortut. Sâviginga, piuligapkit.

Jesaiase 6:7

Kaneralo tâpsomunga aktorpâ oᴋarlunelo: Ahâk, ôma ᴋangasinâkik aktormagik, idluitullinitit illingnit pêrtauvut, ajornitillo issumagijaujungnairput.

Jeremia 3:12

Ailerit, oᴋautsillo tamakkoa oᴋâlautigikit, avunga sângavlutit, oᴋarlutillo: Uterittôᴋ, Israêle kingupiartortotit, Nâlagaᴋ oᴋarpoᴋ; ningarlunga takonâtsainaromangilagit, nâpkiniktôgama, Nâlagaᴋ oᴋarpoᴋ, soraijunangalo ningaumajâromangilanga.

Hosea 12:7

Niuverniarteovoᴋ, kittitautit uiveriklernartut aggangmiutarivait: uiveriklerneᴋ ᴋuviagivâ.

Hosea 5:5

Israêliblo pingijaininga kigligiutsivoᴋ kênangata sângane; tamanna pivlugo Israêle Efraimelo oggolârput idluitulinermingne; Jûdatauᴋ oggolârivoᴋ tâpkoa ilagilugik.

Hosea 6:6

Idluarneᴋ ᴋilanârigapko, tunergutillo-ungitoᴋ; ilitarᴋsinerlo Gudemik angiluartomik tunergutinit ôtaksanit.

Joel 2:17

Ajoᴋertuijut, Nâlekab kivgangit, ᴋugviorlit torᴋsukattâb tunerguserviublo akorngangne, oᴋarlillo: inuᴋotitit naiperᴋutigilaukit, Nâlegaᴋ, kingormgutijatillo tuniniarnagit mitautiksauᴋovlugit, inôᴋatigêksuit nâlegauᴋonagit tâpkonunga: sôᴋ inôᴋatigêksuit akorngane oᴋartoᴋartuksauvâ: Gudingat naûk?

Jona 2:9

Uvangale tunerguservigijomavagit ᴋujalidlarnermik nippeᴋarlunga, akkilêjomavungalo angerutigilauᴋtamnik. Piuliklerneᴋ Nâlekamit pivoᴋ.

Saggaria 3:4

Tapsomalo kiovlune sâmine nangertut oᴋautivait: Annorât ipektudlartut pêrsigik tâpsomangat. Tâpsomungalo oᴋarpok: Ahâk, idluitulinitit pêjarpakka ilingnit, annorâromavagillo pinnarnadlartunik.

Mattêuse 7:11

Ilipsele, piungitôgalloartose, ᴋitorngase tuntijivigijungnarapsigik tunergutinik ajungitunik, anginersamik ilâ Atâtapse ᴋilangmêtub tuksiartine tunitjiviginiarpait ajungitunik.

Lukase 11:13

Ilipse ajoralloartose ᴋitorngase tunergutinik ajungitunik tunitjivigijungnarapsigik, piluardlune ilâ Atâtab ᴋilangmêtub tuksiarvigijine tunitjiviginiarpait Anernermik ajunginermik.

Lukase 18:13

Pimaklertele ᴋaninane nangerpok, ᴋilangmullônêt ârloromangitok; sagvingminulle patiksimajok oᴋarlune: Gûde, nâpkigilaunga idluitoksôjunga.

Johannese 1:29

Uvlub aippangane Johannesib Jêsuse nelipsariartortine takovâ oᴋarlunelo: Ahâk tagga Gûdib saugârsunga silaᴋsoarmiut ajorninginik nangmartok!

Rômiunut 11:27

Tamadjalo angerutiga taipkununga, ajorningit pêjarniarupkit.

II Timôteusemut 1:9

Tâpsoma piulilaungmatigut, ᴋaiᴋolutalo ᴋaiᴋojinermut ivsornaitomut, piniarnivut pitjutiginagit, issumasimanerminulle saimanerminullo tunitsivioniptingnut Kristûseme Jêsuseme silaksoak pigiarᴋârtinago;

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Ebrêerinut 10:4

Tuktuvaub saukablo aunginut ajornerit pêjarlugit ajornavingmat.

Ebrêerinut 13:15

Sorairata tagva Gûde âtsivigilavut tunergutinik nertordleruinik tâpsomûna, tagva oᴋautsinik nertordlertunik ᴋangasinângnit pijunik, attinganik kigligiudsijunik.

I Pêtrusib 2:5

Ilipsetauᴋ ujarᴋatitut ômajutitut igloliangotitse, igloᴋsoangolerᴋovluse anernelingmik ajoᴋertuijuksaulerluselo ivsornaitunik; tunijijuksauᴋovluse tunergutinik anernilingnik, Gûdib idluarijanginik Jêsuse Kristusikut.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.

I Johannesib 3:5

Kaujimagivosi, tâmna saᴋᴋisimangmat, ajornivut pêjaromavlugit; tâpsomanilo ajorniᴋangilaᴋ.