Hosea 14:1 - Labrador Inuttitut Heritage Bible

¹ Israele, utilaurit Nâlekamut Gudingnut, oggosimagavit idluinitit pivlugit.

Hosea 14:1 Iomraidhean Croise

II Atannit 8:12

Tagva Hasael oᴋarpok: Sôg nâlegara kêava? Tamna oᴋarpok: ᴋaujimavunga ᴋanok igvit Israelib ᴋitorngangit idluitullivigijomârangne. Iglugasaksoangit songojut ikkomamut ikkitsomârpattit anguteᴋotingit innuosuktut toᴋotsomârpattit saviksoarmut, sorrusiârsukotingillo toᴋotsomârpattit, arnakotingillo singaijut ullimârlugit avgoromârpattit.

Jesaiase 19:22

Nâlekablo Egiptenemiut sugiaromârpait sugiarlugit inûlingmivlugillo; tâpkoalo sâgiaromârput Nâlekamut, tâpsomalo tussaromârpait inûlivlugillo.

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 4:1

Uteromaguvit, Israêle, Nâlagaᴋ oᴋarpoᴋ, utertuksauvotit uvamnut; maᴋojungnartulinitillo pêjaromagungne kênama sânganit, pêrniangilagit;

Jeremiab Ogguarutigijangit 5:16

Niaᴋôtik kataksimavut niaᴋuptingnit. Kapianarmêk uvagut! Idluitulidlalaurapta.

Hesekiel 16:46

Angajuit tagva Samaria, saumikpit tungâne nunalik, tâmnalo paningillo; nukaillo, talerpikpit tungâne nunalik, tagva Sodoma paningillo.

Hesekiel 33:11

Oᴋautikit: Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, idluitulijub toᴋunga ᴋuviagingilara; idluitulijorle sâgiangârune apᴋotigijaminit inôvlunelo: sâgiaritse, sâgiaritse apᴋotigijapsingnit idluitunit: sôᴋ toᴋojomavisê, ilipse Israelib ᴋitorngangît?

Hesekiel 33:14

Amalo, idluitoᴋ oᴋautigupko: Toᴋojuksauvotit taima; sâgiarune idluinerminit, piniarlunelo perᴋojaujomik idluartomiglo;

Hosea 10:12

Karngasoigitse nangminipsingnut idluarnerme, katersoiluselo nâpkiningneᴋ maliklugo; nunase poagijartaumangitoᴋ poagijarsiuk: neliutilermat Nâlegaᴋ ᴋenerlugo, tikerᴋartinago, koverarluselo idluarnermik.

Hosea 12:6

Tamanna pivlugo sâgiarit Gudingnut; nâpkiningneᴋ idluarsainerlo aulartailitikik, sorairnaglo Gudît nerriugvigiuk.

Hosea 12:8

Efraimelo oᴋarpoᴋ: Akluipunga atso, akluinermik nagvârpunga; piniarnimne tamaine idluinermik ajorniojomik nagvârtoᴋarniangilaᴋ uvamne.

Hosea 13:9

Asserornarpoᴋ ilingnut, Israêle, akkerartoramga, ikajortît akkerartorangne.

Hosea 4:8

Nerᴋiksaᴋarput inuᴋotima ajorninginik, kajungilârpullo idluitulinernik.

Hosea 5:5

Israêliblo pingijaininga kigligiutsivoᴋ kênangata sângane; tamanna pivlugo Israêle Efraimelo oggolârput idluitulinermingne; Jûdatauᴋ oggolârivoᴋ tâpkoa ilagilugik.

Hosea 6:1

Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.

Hosea 9:13

Efraim taimaipoᴋ sorlo Tirus takosimagapko, nunatsiariktome ilijauvoᴋ: taimaigaloartilugole Efraimib ᴋitorngane toᴋotsijomut anititaksarivait.

Hosea 9:7

Uvlut nelipsaivît tikiput, uvlut akkiniarvît tikiput: Israêlib tamanna ᴋaujilârpâ: nelautaijoᴋ silaitôvoᴋ, angut anernermik pilik issumairutivoᴋ, idluitulinivît unurningit pivlujit, ômisungnerlo angijôdlarmat.

Amos 1:13

Ammonib ᴋitorngangit idluitulinitik pingasut sitamallônêt pivlugit pidlartautailititsomângilakka; arnat singaijut Gileademe sêlaungmagit, ᴋanitatik angijororomavlugo;