Hosea 13:5 - Labrador Inuttitut Heritage Bible

⁵ Ilitarilauᴋpagit inuᴋajuitome, nuname ipterilingajoᴋsoarme.

Hosea 13:5 Iomraidhean Croise

Genesis 31:40

Imaipunga: Uvlôtilugo kiangmut sujukpunga, unnuangotilugolo ᴋeujarnermut, siniktailiᴋattarlungalo.

Imgerut 1:6

Nâlekab idluartut apᴋosiningat illitaringmago, Gûdeᴋangitulle apᴋosiningat nungujomârpok.

Imgerut 142:3

Anernera kappiaktoalerangat, tagva igvit apᴋosinera illitarivat. Aklunânik illijivigivânga apᴋosinerme arvertarvimne.

Imgerut 31:7

Arᴋiêrtorpunga ᴋuviasuklungalo pitsiarnit pivlugo, pattanganera tautugangne, kamagigangnelo tarniga siorniortillugo.

Imgerut 63:1

Gude, igvit Gûdigivagit; uvlârârsukut ᴋenneromavagit; tarnima kêniarvigivâtit, uviningma ᴋêmitigvigivâtit nuname ipterilingajome, pannertomelo immeᴋangitome.

Exodus 2:25

Gûdiblo Israêlikut takonârpait isumagivlugillo.

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Jeremia 2:6

Oᴋangilallônêt: Nanekâ Nâlagaᴋ takpaungartilauᴋtivut nunamit Egiptenemît? Tassiortivut sunaᴋajuitokut, nunakut inuᴋajuitokut itersâluᴋadlartokût? Nunakut ipterilingajokut toᴋublo taggalininganik pitalikkut, nunakut inungmut arvertarviovangitokut nunaksaungitokullô?

Hosea 5:3

Efraim ilitarivara, Israêlelo ijersimangilaᴋ uvamnut; igvit Efraim, assiniarpotit mâna, Israêlelo ivsornadlarpoᴋ.

Hosea 9:10

Israêle naipilauᴋpara sorlo vaineliksat paungangit sunaᴋajuitome; atâtase takolauᴋpakka sorlo paungatannait innerᴋârtut paungatannaᴋuteme pijariortome: tikilauᴋpulle Baal-peoremut, kangunartomullo ingmikôrtiput, ungagijingititullo maᴋojungnartigijôvut.

Nahum 1:7

Nâlegak avâgosuktôvok, ungalujijoksoangovok kiksarnartub uvlungane; ilitarivaillo sungertutigijine.

I Korintemiunut 8:3

Gûdemigle nagligosuktoᴋarpat, tâmna illitarijauvok tâpsomunga.

Galâtsiamiunut 4:9

Mânale Gûde illitarigapsiuk, piluartomigle Gûdemut illitarijaugapse, sôᴋ sanguvigilerᴋisigîk ilusit ipkoa sangêtut ajulertullo, nutâmik kivgartoromavlugît?

Deuteronomy 2:7

Nâlekab Gûdivit pilluangorᴋosimangmatit aggakpît piniarningine tamaine; ingergarnît sunaᴋajuitokut mattomûna ilisimavâ; jârit makkoa 40 nâvlugit Nâlekab Gûdivît najorpatit; sumiglônêt ajoksalungilatit.

Deuteronomy 32:10

Naipipâ nuname sunaᴋajuitome, inuᴋangitome sunataᴋangitome ᴋeaksulingme; iluvâ, pairivâ, serngnigivâ ijime takonârtingatut;

Deuteronomy 8:15

Tesiortigijat sunaᴋajuitokut angijokut sivôranartokullo, ᴋuglugiaᴋtalikut ikomatut âniatitsijunik, kingupaujârtotalikut, nunakut panertokut imeᴋangitokut; saᴋᴋertitsijigijat imermik ᴋairtomit sittijomit;