Hosea 13:13 - Labrador Inuttitut Heritage Bible

¹³ Arnab ernisuktûb sillimajûb kapiasungningit tikituksauvut tâpsomunga; erniovoᴋ silatuneᴋangitoᴋ; noᴋarungnaivinga ᴋitorngat anivingane neliutivoᴋ.

Hosea 13:13 Iomraidhean Croise

II Atannit 19:3

Tapᴋoalo oᴋautivât: Imâk Hiskiase oᴋarpok: Tamanna uvlôvok kappianartolik, suartauneliglo, oᴋarnerlungneliglo; nutakkat tikkisimavut erniviksak tikkilugo, nukkekalungilarlo ernijungnarnermut.

Imgerut 48:6

Sajungnermut tikkitaulaukput tagvane, kappiasungnermullo ernisuktotut sorlo,

Salomob Okâl 22:3

Silatuneᴋartub pijaksaungitok mallugiva ijerlunelo; ilisimaitut mattomunârput akkunartaulutiglo.

Jesaiase 13:8

Koaᴋsâromârput, siorniornartomullo ãnianartomullo tikkitaujomârput, ernisuktotut kappiasugomârput, okkijiutigêgomârput, kênangillo ikkomatut aupallagomârput.

Jesaiase 21:3

Tamanna pivlugo okpatîkka ãnilakteradlarpuk, siornionermullo tikkitauvunga ernisuktotut, ãnialuarnermut tussarungnairpunga, ᴋoaᴋsâluarnermut takkonârungnairpunga.

Jesaiase 26:17

Sôrlo singaijoᴋ, ernisukkune, kappiasulermat ãniadlarnermigullo nipliadlarmat, taimailingavogut kênavit sângane, Nâlegaᴋ.

Jesaiase 37:3

Tâpsomungalo oᴋarput: Hiskia imâk oᴋarpoᴋ: Uvloᴋ tamanna uvlôvoᴋ kappiasugvik, sugiartauvik mittautigijauvik. (Imâglo illingavoᴋ sôrlo): nutaᴋᴋat pâmut aporalloarmatta, erninermut nukkiksaᴋangilaᴋ.

Jesaiase 66:9

Igliaᴋ angmartigapko, saᴋᴋijârtitsijuksaungilangâ? oᴋarpoᴋ Nâlegaᴋ. Ubvalo: ernilerᴋojigama, ernijungnailerᴋojijuksaugivêk? oᴋarpoᴋ Gudit.

Jeremia 13:21

Sumik oᴋaromârᴋêt nalipsarpatit taimâk? Tagva igvit nangmineᴋ sungiutisalauᴋpatit angajoᴋaulerᴋovlugit ilingnut. kapiasungnerit tigumiarniangilâtît, arnatut ernisuktotut itilutît?

Jeremia 22:23

Libanoneme inneᴋartotit, Sêdarene ubloliortotit, nâpkinarsijomârpotit ânilakteradlarnernut tikitauguvit, ernisuktotut ânialeruvit!

Jeremia 30:6

Apertsoritse mâna, missigiluselo angut ernisusôngomangât; sôk angutit ilûnaita tokovigît aggamingnik ᴋettermingnêtitsijut âniatailinasuarmut arnatitut ernisuktutitut, kenaillo ilûnatik ᴋattaktilutîk?

Jeremia 4:31

Nippimik tusarsimagama sorlo ernisuktûb nippinganik, sorlo ernisuᴋârtûb kapiasungninganik, Zionib paningata nippinganik, anerterikaluktûb, aggangminiglo issivitsijûb, oᴋartûblo: Kapianarmêk uvanga! Tarniga nukingêrutivoᴋ inuartut pivlugit.

Jeremia 49:24

Damaskus nukkingêrutivoᴋ, sanguvoᴋ ᴋemâjomavlune, sajungneruble tigumiarpâ, ânilakteradlarnerub kapiasungnerublo erᴋisimiarpâk, arnatut ernisuktotut.

Hosea 5:4

Piniarningita sâgiartailitipait Gudimingnut: assiniarnerub anerningata inigingmagit, ilitarᴋsingilallo Nâlekamik.

Johannese 16:21

Arnak ernisukkune, kiksarneᴋarpok, stûndinga tikisimangmat; nutarârsugle erniarijarêruniuk, kappiasungnerilauktane isumagijungnairpâ, ᴋuviasungnek pivlugo, inuk silaksoarmut erniangongmat.

Johannese 5:4

Engele akᴋarpangmat tessermut, neliuninga neliutijarangat, imanganik aulatitsijartorlune. Neliat tagva sivorliovlune imiub aulatitauningata kingorngane misiktok tagvunga, tâmna pijungnailerpok, sumiglônêt ᴋanimasermik pilik).

Apostelit Piniarningit 24:25

Paulusele oᴋâlangmat idluarnermiglo, ikliguktailinermiglo, erᴋartuijoᴋaromârtomiglo, Fêlikse ᴋoaᴋsârpok oᴋarlunelo: Mânna aularit; ulapingikuma ᴋaiᴋojomagivagit.

II Korintemiunut 6:2

(Imâk oᴋarmat Tussalauᴋpagit neliutome ᴋuvianartome, piulilauᴋpagillo uvlorme piulijauvingme. Âhâk mâna ᴋuvianartûb neliuninga, mâna uvloᴋ piulijauvik neliutivoᴋ.)

Deuteronomy 32:6

Nâlegak taimak akkiniarᴋisiûk, ilipse inôjose silaitose ilisimaneᴋangitoselô? Tâmna atâtagingipisiûk pisiarijît? Pingortipâtit tungatilutillo.

I Tessalônikamiunut 5:3

Oᴋaromârpatta: Terlingnatuinarpoᴋ, sivôranartoᴋangilaᴋ; asserornartub tagva tagvainaᴋ tikidlaromârpait, sôrlo ânianartûb arnaᴋ ernisuktoᴋ tikidlarmago; ᴋemâjungnaromângilallo.