Hosea 13:10 - Labrador Inuttitut Heritage Bible

¹⁰ Atanît naneᴋâ mâna, piuliklerᴋovlugo ilingnik iglugasaksoarne tamainê? Idluarsaijitillo, oᴋautigilauᴋtatit: Tunitjiviginga atanermiglo angajoᴋâᴋsoarniglô?

Hosea 13:10 Iomraidhean Croise

I Atannit 12:20

Israelitit illuêngarlutik tusaramik mânna Jerobeame uttersimangmat, tikkilerput, ᴋaikᴋojauᴋolâlo illagêktunut, atanningortilâlo Israelitit ilûnnamasianginut; kinguvarêllo Judakut asinginik, malliktoᴋalaungilak atautsemiglonêt Davidib iglunganik.

II Atannit 17:4

Assiriamiulle atanningat tukkisilerpok Hosea angerᴋattigêngnekartitsingmat akkerartorlugo, tillijaniglo tilliklerlaungmat Somut Egiptenemiut atanninganut, pilliutiniglo tunnijijungnaimat Assiriamiut atanninganut sivornganetut Jârine tamaine. Tamanna pivlugo Assiriamiut atanningata illumava, pitipâlo kellaksorsimatillugo parngnanairsimavingmut.

Imgerut 10:16

Nâlegak attanniotsainarpok issoᴋangitomut; nallojut nunanganit nungutaujomârput.

Imgerut 149:2

Israelitit sannajigilauktatik ᴋuviagilitsuk; Zionib ᴋittorngangita attannitik serrigilitsuk.

Imgerut 44:4

Igvit tâmnatsainak attannerivagit, Gûdîk; Jakokut ikajorneᴋartikit!

Imgerut 74:12

Gûde attanerigapᴋo itsarnit, ikajornernik sunatuinarniᴋ pinniartok nunab ᴋerᴋane.

Imgerut 89:18

Nâlegak sappulutarigaptigo, Hailigeôjorlo Israeleme attannerivavut.

Jesaiase 33:22

Nâlegaᴋ erᴋartuijigivavut, Nâlegaᴋ ajoᴋertortigivavut, Nâlegaᴋ attanerivavut; tâpsoma piulivâtigut.

Jesaiase 43:15

Uvanga Nâlegauvunga, ivlernartitoᴋ akkonapsingne, Israêlemik pingortitsijoᴋ, attanise.

Jeremia 2:28

Gudingoaᴋotitillo sanaluᴋatit nanêkât? Tâpkoa nikovilit piulijungnarpatit kapiasungnivît naliuningane, tagva iglugasaksoaᴋotivit unurningit maliklugit taimak unuktigivut gudingoaᴋotitit, Juda.

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Jeremiab Ogguarutigijangit 4:20

Kingapta anerningat, Nâlekab mingoartanga, pijaulaukpok itersaliangine, tâmna pivlugo oᴋalaukpogut: Tâpsoma taggaliningane inôlârpogut inôᴋatigêksuit akorngane.

Hosea 10:3

Mâna oᴋalârput: Ataneᴋangilagut: Nâlegaᴋ sivôragigaptigo; ataniublo ᴋanoᴋ ikajorungnarpâtigût?

Hosea 13:4

Uvangale Nâlegauvunga Gudît Egiptenemit; gudemiglo assimnik ilitarᴋsijuksaungilatit, assimniglo piuliklertoᴋangilaᴋ.

Hosea 3:4

Israêlib ᴋitorngangit uvlut unuktut nâvlugit uningâromârmatta ataneᴋaratik, angajoᴋâᴋsoaᴋaratiglo, tunerguserviᴋaratiglo, napajoliarimajoᴋaratiglo, opinartomiglo ikiaᴋaratik, gudingoaᴋaratiglo;

Hosea 7:7

Ilûnatik niaᴋojiorviktut ônartigigamik erᴋartuijitik nungupait; ataningit ilûnatik oggovut; atautsemiglônêt akornganêtoᴋangilaᴋ uvamnut ᴋaigarsuktomik.

Hosea 8:4

Atanernik ilijivut, uvapku-ungitorle; angajoᴋâᴋsoangortitsivut, ᴋaujimalungilangale; silberemingnit goldemingnillo gudingoaliorput piksamingnik, pêrtaujutiksarsiorlutik.

Saggaria 14:9

Nâlegarlo ataniojomârpok nunamut tamaitaᴋsoarmut; uvlorme tâpsomane Nâlegak atausiojomârpok, atingalo atausiojomârpok.

Johannese 1:49

Natânaêlib kiovâ oᴋautivlugolo: Rabbi, Gûdib ernerivâtit, igvit Israêlitit atanerivâtit.

I Samuel 8:7

Nalekable Samuele oᴋautiva: Inuksuit nippingit nalekit tamaine oᴋauserilauktangine illingnut; tapkoa igviungitok, uvangale singaluᴋogilaukpânga, attaniojuksaunginama tapkonunga.