Hosea 11:7 - Labrador Inuttitut Heritage Bible

⁷ Inuᴋotikka kingupiartorsimangmatta uvamnit; ᴋotsiktomêtomut ᴋaiᴋojaugaloarmatta, atautsemiglônêt ᴋagverasuartoᴋangilaᴋ.

Hosea 11:7 Iomraidhean Croise

Imgerut 81:11

Innuᴋotimale nippiga nâlelungilât, Israelitillo pijomalungilânga.

Salomob Okâl 14:14

Omat tappatôjok apᴋotigijame ilinganinganik tukisiniarpok, angullo ajungitok nangminerminut nâmaksititauniarpok.

Jesaiase 26:10

Idluitut nâpkigijauveᴋaralloarunik, idluarnermik illinialungilat, idluitullivulle nallangaingitub nunangane Nâlekab ânanauninga takkunginamitsuk.

Jeremia 14:7

Idluitulinivut nalonaijaigaloarmatta pivluta, ikajulaurit, Nâlagaᴋ, attit pivlugo, kingupiartornivut unuktôdlarmatta; idluitulivigilauraptigit.

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 3:11

Nâlakablo oᴋautivânga: Israêle kingupiartortoᴋ nalonaijarpoᴋ nangminerminik idluarnersauvlune Judamit tunganaitomit.

Jeremia 7:25

Uvlormit taimangat atâtagilauᴋtase aulalaungmattanit Egiptenemit uvloᴋ tamanna tikidlugo, ataruilivlunga tiliklervigilauᴋpapse kivgaᴋotimnik nalautaijoᴋotimniglo;

Jeremia 7:26

Tusaromalaungilângale, mannijilaungilallo siutimingnik, tatitojoᴋsôvulle; sugaluluartulivut atâtagijamingnit.

Jeremia 8:5

Suna pivlugole inugasaᴋsuit ukkua Jerusalemiut kingumut sittorsimavât kingupiartornermut soraijungnangitomût? Tammarsimatsainaromavut, uteromangilallo.

Hosea 11:2

Tâpkoa ᴋaiᴋojarangamigit ipkoa ᴋemâvait: tunerguserput Baalinut, tipigiksautiniglo isserluanititsivut inungoaliarimajanut.

Hosea 14:4

Kingupiartorsimaningit inûlijomavakka, ᴋunutuivlunga nagligijomavakka; ningarnera sangumat tâpsomangat.

Hosea 4:16

Israêle ᴋepêsermat, tuktuvâraᴋtut ᴋepêsertotut; mânale Nâlekab nerripkaromavait saugârsutut naternarsoarme.

Hosea 7:16

Sâgiarput, ᴋotsiktomêtomulle pinatik; pitiksitulle ᴋasungajotut iput; angajoᴋâᴋsoangit saviksoarmut oggolârput oᴋamik ᴋasilidlarningit pivlugit; tamanna mitautaujutigilârpât Egipteneme.