Hosea 11:6 - Labrador Inuttitut Heritage Bible

⁶ Saviksoarlo katagomârpoᴋ iglugasaksoanginut palangairutingit asserorlugit nungulugillo, kajusijûtitik nangminerijatik pivlugit.

Hosea 11:6 Iomraidhean Croise

Imgerut 106:39

Ivsornartipullo pinniarnermingnut, ajortullilutiglo illusermingnut.

Imgerut 106:43

Tâpsoma piuleᴋattalaukpait; ningaksarlaukpâlle ᴋajusinermingnut, ikkitôlerpallialaukpullo idluitullinitik pivlugit.

Jesaiase 18:5

Kattersoivigle nalliuterᴋârtinago, nuvugulait innersimakpatta nuvugulaillo paungangorpatta innilerlutiglo, tagva akkerungit kiblortaujomârput savingnut, akkerungillo siamartut nungutaujomârput pêrtauvlutiglo.

Jesaiase 27:10

Iglugasaksuit sôngojoᴋsuit kisserngortauleromârput, iglutsiangillo kamagijaujungnairlutik ᴋemadlartaujomârput inuᴋajuitotut; tagvane nochait iviksukatoromârput, aᴋopivlutiglo tagvane ukpiganik nerrijomârput.

Jesaiase 30:1

Kappianarmek ᴋitorngat tappatojoᴋsuit, oᴋarpoᴋ Nâlegaᴋ, kajusilertut uvanga kamaginanga, anerneralo kamaginago serngnigijiksarsiortut, idluitunik ᴋallerêktitsivlutik.

Jesaiase 9:14

Taimaimat Nâlekab kippivait Israêlib niaᴋunga pamiungalo, palmit iviksuillo uvlorme attausẽnarme.

Jeremia 5:17

Nerrijomârpullo katersortarnik perorsêvingnit, niaᴋôjarniglo, ernivît panivîllo nerᴋiksanginik; nerrijomârput saugaᴋotingnik nergjutiᴋotingniglo; nerrijomârput vaineliksaᴋotivit paunganginik paungatannaᴋotingniglo, asseroijomârpullo iglugasaksoaᴋotingnik avaluliorsimajunik tatigijarnik, saviksoarmut.

Jeremia 50:35

Saviksûb Kaldêamiut ᴋolangiarpait, oᴋarpoᴋ Nâlagaᴋ, Babilonib inungit, angajoᴋâᴋsoangillo, ilisimajungillo.

Jeremiab Ogguarutigijangit 2:9

Upkoaksoangit kivivut nunamut; tâpsoma itârtaugêkutingit asserorpait serᴋomilugillo; ataninga angajoᴋâksoangillo inôᴋatigêksuit perᴋojaᴋangitut akornganêput; ila, nelautaijungit takotitjutesilungilat Nâlekamit.

Hesekiel 20:47

Napârtoliksuillo ânêtut oᴋautikit: Tusarsiuk Nâlekab oᴋausinga; Imâk oᴋarpoᴋ Nâlegaᴋ Nâlegaujoᴋ: Ahâk, ikomamik ikitsijomârpunga ilingne, napârtullo ômat ilûnaita, napârtullo pannait ilûnaita ilingnêtut nungutsomârpait: ikoma ikoâlajoᴋ ᴋamitaululângilaᴋ, kênallo ilûnatik ângat avunga tikidlugo tâpsomunga ôtaujomârput.

Hosea 10:14

Taimaimat pikablâdlartoᴋalârpoᴋ inuᴋotivit akorngane, serngnigijauviksatillo ilûnatik asserortaulârput, sorlo Salmanib Betarbele asserorlaungmago taipsomane unatarnerme: anânaᴋ egitauvlune serᴋalitaulaungmat ᴋitorngane ilagilugit.

Hosea 10:6

Tâmnatauᴋ aularutijaujomârmat Assiriamut, tujutiksauvlune atanermut Jârebemut: Efraimib kangusungneᴋ pilârpâ, Israêliblo atanertuinine kangusutigilârpâ.

Hosea 13:16

Samariab pidlartaujutiksane nangmaraksarivait; Gudine pikablâvigingmago; saviksoarmut oggotitaulârput; nutarârsungit egitaulutik serᴋalitaulârput, arnangillo singaijut sêᴋtaulârput.

Hosea 4:16

Israêle ᴋepêsermat, tuktuvâraᴋtut ᴋepêsertotut; mânale Nâlekab nerripkaromavait saugârsutut naternarsoarme.

Hosea 4:17

Efraimib gudingoat ilasiarivait; kamaginiarasiuk.

Leviticus 26:25

Tikiutjijomârpungalo saviksoarmik ilipsingnut, akkinialârtomik angerutaujûb ningadlarninganik; katimgatitaulârposelo iglugasaksoapsingne, nusilingnartorlo tililârpara akunapsingnut; unertutijaulârposelo ômigijipse agganginut.

Leviticus 26:31

Iglugasaksoaselo sunaᴋarungnaititsomârpakka, ivsornaitoviᴋotiselo asserorniluᴋungortitsomavlugit, naijomangilanga tipitsiariksautigijapsingnik.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Amos 6:8

Nâlegak Nâlegaujok ingminik taivlune oᴋarsimamarikpok, oᴋarpok Nâlegak, Gûde Zebaot: Jâkob pingijaidlarninga maᴋojugivara, igloksoangillo ômigivakka; tamanna pivlugo iglugasaksuit tamaitalo takamanêtut allaromavakka.

Migga 5:11

Nunavîllo iglugasaksoangit kipijomavakka, taluksoatillo ilûnaita oggotitsomârpakka.

Mâlaki 4:1

Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

Deuteronomy 28:52

Ilumalârpâtillo itertarvingne tamaine, ᴋarmatit poktojut sôngojullo sungertutigijatit nunangne ilûnâne, imiᴋartinagit; itertarvingne tamaine nunangne ilûnâne Nâlekab tunijangane ilingnut, ilumalârpâtit.

Deuteronomy 32:25

Silame saviksûb ilangervigilârpait, iglunginelo kapiasungnerub; pêjailârput nukapianik niviarsianiglo, amâmaktunik ᴋêrtojuniglo.