Hosea 11:10 - Labrador Inuttitut Heritage Bible

¹⁰ Nâlegaᴋ maligomârpât, tâmnalo loevetut kalingoaromârpoᴋ; tamna kalingoaromârmat, ᴋitorngaujullo sajudlarlutik tikitsomârput pângat.

Hosea 11:10 Iomraidhean Croise

Hiobe 37:1

“Ila, ômattima tamanna kakkilârutigiva, piglertarlunelo inniminit.

Imgerut 119:120

Erksigapkit ᴋêungomivunga idluarijatillo kakkilârutigivakka.

Imgerut 2:11

Nâlegak kivgartorsiuk sivôraluse, ᴋuviasuleritselo sajukluse.

Jesaiase 11:11

Nâlekablo nalliutome taipsomane amma aggane issagomârpait, inuᴋotime amiaᴋungit pissiarijomavlugit, amiaᴋôjut Assiriamit Egiptenemillo Patrosemillo Etiopiamillo Elamimillo Sinearemillo Hamatemillo ᴋikkertanillo imarbingmẽtunit.

Jesaiase 2:5

Attê, Jâkokkut, arvertarta Nâlekab ᴋaumarningane!

Jesaiase 31:4

Imâk Nâlegaᴋ oᴋarmat uvamnut: Sôrlo loeve loeviararlõnêt kallingollângmat alliktortame ᴋollâne, mianersijut unuktut oparᴋojaukpatta tâmna pivlugo, ᴋuᴋudlartut ᴋoaᴋsârutiginagit unurningillo erᴋsiginagit, taimaidlune ᴋilangmiugasaksuit Nâlegangat aᴋᴋaromârpoᴋ, sorsugiarlune Zionib ᴋaᴋᴋangane ᴋaᴋᴋârulanganelo.

Jesaiase 42:13

Nâlegaᴋ annijomârpoᴋ sangijoᴋsoatut, sorsuktuksatut illungertoromârpoᴋ, nipleromârpoᴋ nipperᴋortojomik, ajugaujomârpoᴋ akkerartortiminut.

Jesaiase 49:10

Kâgomângilat imerulugatiglo, kiangmullõnêt seᴋinermullõnêt pijaujomângilat, nâpkigijingata pairijomârmagit tassiorlugit imernut puilajunut.

Jesaiase 64:2

Sôrlo ikkomab ᴋessertutit ikkingmagit, sôrlolo ikkomab imeᴋ tertiktingmago; attit nallonarungnairtitaurᴋovlugo ômigijingnut, nallojullo sajuktitaurᴋovlogit kênavit sângane,

Jesaiase 66:2

Aggama tamakkoa tamaita sanavait, taimaglo tamakkoa illũnatik pingulerput, oᴋarpoᴋ Nâlegaᴋ. Imaitoᴋ takunârpara: ajulertoᴋ, serᴋomisimajomik anernilik, oᴋausimnik sivorajoᴋ.

Jesaiase 66:5

Nâlekab oᴋausinginik tussaleritse, illipse, tâpsoma oᴋausinginik sivorajose: Kattangutise illipsingnik ômisuktut, avitsijut illipsingnik attera pivlugo oᴋaralloarput: Nâlegaᴋ nertornarsile, ᴋuviasungnipsingnik takonârᴋovluta, — tâpkoale kangusuktitaujomârput.

Jeremia 2:2

Ailerit ᴋuggudlartutillo Jerusalemiut siutinginut, oᴋarlutit: Imâk Nâlagaᴋ oᴋarpoᴋ: Pivlutit erᴋaumavunga inôsungnivît ilianâᴋarninganik, unganerniglo nuliaksaulauravit; malilauramga inuᴋajuitome, nuname perorsijaksanik karngasoiviolaungitome.

Jeremia 25:30

Taimaimat oᴋautsit tamakkoa tamaita nalautaitigikit tâpkonunga, oᴋarvigikillo: Nâlagaᴋ ᴋotsiktomit ᴋallingoaromârpoᴋ, inniminillo ivlernartomit nippine anititsomârpâ; ᴋallingoadlaromârpoᴋ sôngojomik nerrinasugviminut; ᴋuggudlaromârpoᴋ vaineliksab paunganginik tullerajartutitut silaᴋsoarmiunut tamainut.

Jeremia 31:9

Keavlutik tamaungaromârput, ᴋenutilugillo tassioromârpakka; ingerartitsomârpakka kôt imalît saningine, apᴋome naggojome nâkliveᴋangitome; atâtaugama Israêlimut, Efraimelo ernerivara angajuklerpâk.

Jeremia 33:9

Iglugasaksuillo makkoa attingortitsomavakka uvamnut ᴋuviagijaujomik, nertoraksaujomik opigijaksaujomiglo, inôᴋatigêksuit nunamêtut tamaita sângine, tusaromârtut ajungitunik tamainik piniarnerijomajamnik tâpkoninga, sivôrajomârtullo sajugomârtullo ajunginerit tamaita ulapirᴋsaullo tamât tikititsomajakka tâpkonunga pivlugit.

Jeremia 5:22

Sivôragilungilapsingâ? Nâlagaᴋ oᴋarpoᴋ; sajugomangilasê sâmne, ilijilauᴋtunga siorᴋanik imarbiub kiglilervigijaksarijangane perᴋojamut soᴋosijuitomut ᴋângiutijungnarᴋonago tapsomingâ? Maliksoangillo aksapâkaloaleraloarpattalônêt suliniangilat; iktulijaraloarpattalônêt ᴋângiutilugo ajulerput.

Jeremia 50:4

Uvlune taipkonane, naliutomelo tâpsomane, oᴋarpoᴋ Nâlagaᴋ, Israêlib ᴋitorngangit tikilârput, tâpkoa Judablo ᴋitorngangit ilagêklutik; ingeraromârput ᴋeavlutik, ᴋeneromârpullo Nâlakamik Gudimingnik.

Jeremia 7:6

Oᴋumaiksartitsilungikupse takorngartanik, iliarsungniglo, uigarnerniglo, kovisilungikupselo aungmik passijaksaungitomik tamâne, malilungikupselo Gudib assinginik idluiluᴋutiksapsingnut;

Jeremia 7:9

Tigligomavisê, inuaromavluselô, nuliarêngnermiglo asseroijomavlusê, angeromavluselô soᴋoserungnangitomik saglovluse, isserluanititsijomavluselô Baalemut, maligomavluselô Gudib assinginik ilitarilaungitapsingnik,

Hesekiel 26:16

Ataniojut ilûnatik imab tungânêtut aᴋᴋaromârput iksivautaᴋsoarmingnit, uliksoatik pêrlugit, annorâtiglo pinnarnarsautelit mattarlugit: attisilârpullo sajungnermik; iksivajomârput nuname, sajuktailijungnaratik, tataminiarutigilârpâtillo.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Joel 3:16

Nâlegarlo ᴋalingoaromârpoᴋ Zionemit, nippinelo anitilugo Jerusalemit; ᴋillaillo nunalo sajugomârput: Nâlegarle ᴋemâviksaujomârpoᴋ inuᴋotiminut, saputjauviksauvlunelo Israêlib ᴋitornganginut.

Amos 1:2

Oᴋarporlo: Nâlegak kalingoalârpok Zionemit, nippinelo anitilârpâ Jerusalemit; mianersijullo nerrinasugvingit ogguaromârput, Karmeliblo ᴋânga ᴋunoleromârpok.

Amos 3:4

Loeve erinaloaᴋijâdlarᴋâ napârtolingme aliktoraksaᴋangikune? Loevearak nipliadlarniarᴋâ sittiminit toᴋotaᴋangikunê?

Amos 3:8

Loeve erinaloaᴋijâdlarpok, kina erᴋsiniangilâk? Nâlegak Nâlegaujok oᴋarsimavok, kina nalautaitailijungnarᴋâ?

Migga 4:5

Inôᴋatigêt ilûnatik atunit arvertaromârmatta gudimik attingane, uvagullo arvertatsainaromârpogut Nâlekab Gudipta attingane, soraijuidluta.

Habakûb 3:16

Tusarapko iluga aulavoᴋ, ᴋangasinâka sajukpûk nipe pivlugo; auneᴋ iterpoᴋ saunimnut, sajudlarpungalo inimne; merngoêrserviksarsilangatôᴋ uvlorme kapianartovingme, katingajoᴋsôvlutik opagiartortut majorarpatta inuit sorᴋsugomavlugit.

Saggaria 10:10

Utertitsomârivakkatauk nunamit Egiptenemit, katersoromârlugillo Assiriamit, tikiutijomârpakkalo nunamut Gileademut Libanonemullo; nimnioromârpullo.

Saggaria 10:12

Pitsartutitsomârpakkalo Nâlekame; ingeraromârpullo tâpsoma atingane, oᴋarpok Nâlegak.

Saggaria 8:7

Imâk oᴋarpok Nâlegak Zebaot: Ahâk, inuᴋotikka piulijomavakka nunamit seᴋerngub nuiviata nalânêtomit seᴋerngublo nipiviata nalânêtomit;

Johannese 8:12

Tagva Jêsusib oᴋarvigigivait oᴋarlunelo: Silaᴋsoarmiut ᴋaumanerivânga; uvamnik maliktok tâᴋtome arvertarniangilak, ᴋaumajorle inôgutaujok piginiarpâ.

Apostelit Piniarningit 24:25

Paulusele oᴋâlangmat idluarnermiglo, ikliguktailinermiglo, erᴋartuijoᴋaromârtomiglo, Fêlikse ᴋoaᴋsârpok oᴋarlunelo: Mânna aularit; ulapingikuma ᴋaiᴋojomagivagit.

Rômiunut 8:1

Tagva mâna erᴋartoraksautsangilat Kristuse Jêsusemêtut, uvinik malingnago Anernerle maliklugo arvertartut.

II Pêtrusib 2:10

Sugaluluartomik uvinik maliklugo inôjut, ivsornartunik ikliguktut, nâlekaniglo nachojut, inungmik silasiujuitut, ingmingnik piojoridlartut, sajugatiglo atanionerit mitautigilugit;

Takotitaunermik 10:3

Nippersoarmut nipliadlarpok loevetut errinaloaᴋijadlartotut; nipliadlarnerlo sorairmat, kalluit 7 it nipliavut nippimingnut.