Hosea 10:8 - Labrador Inuttitut Heritage Bible

⁸ Poᴋtojut Aveneme, Israêlib ajornerijangit, asserortaulârput: ukpigait kakilautilît perornerluktullo kakilanartut nuitajomârput tunerguservingine; ᴋaᴋᴋâlungnut oᴋaromâlerput: Uliktigut! ᴋaᴋᴋârulangnullo: Sitorvigidlartigut!

Hosea 10:8 Iomraidhean Croise

Genesis 3:8

Gudiblo Nâlekab nippinga tussarpâk perorsêvingme arvertarmat uvloᴋ niglalertilugo. Tagva Adame nuliangalo Gûdib Nâlekab kênanganit ijeriartorpuk napârtut perorsêvingmêtut akorngannut.

I Atannit 13:2

Nipliarporlo Altaremut Nâlekab oᴋausingagut, oᴋarlunelo: Altare, Altare! Nâlegak imâk oᴋarpok: Ahâk, ernermik, erniangojoᴋaromârpok, Davidib iglunganut, Josiamik ateᴋaromârtomik, tamna tunnijijomârpok ᴋângne pôktojub ajuᴋertuijoᴋotinginik, isserluanititsijunik ᴋângne, inuillo sauningit ikkitsomârpait ᴋângne.

I Atannit 13:34

Tamânnalo illingalaukpok Jerobeamib iglungata idluitullininganut, asserortauᴋovlugo pêjartauᴋovlugolo nunamit.

I Atannit 14:16

Israelitillo tunnijomârpait, Jerobeamib idluitullilauktub, Israelitiniglo idluitullititsilauktub ajorningit pivlugit.

II Atannit 23:15

Taimaktauk Altare Betheleme, pôktôjok Jerobeamib Nebatib erningata Israelitinik idluitullititsilauktub sennalauktanga, Altare tamna, pôktojorlo serᴋomipâk; pôktojorlo ikkipa, sanningortilâlo, nappajullo Gûdingoat ikkipait.

II Kronika 31:1

Tamakkoa tamaita pijarêrlaungmatta Israelitit illunamasiatik, najutigut tagvane, aularput Judakut iglugasaksoanginut, serᴋomipaillo nappajoksuit, nakᴋarlugillo nappartut Gudingoaggit, poktojullo, Altarillo serᴋomipait, Judakunêtut, Benjaminekunêtullo, Efraimekunelo, Manassekunelo, nungutaumariᴋârtinagit; tagva Israelib ᴋittorngangit illunatik utterput attunît perᴋutigijamingnut, iglugasaksoaᴋotimingnullo.

Jesaiase 2:19

Kairtut ᴋairosunginut nunablo ittersanginut aijomârput, Nâlekab sivoranarninganit pitsartujoᴋsôninganillo opinadlartomit (ᴋemâvlutik), nikkovilerpat, nunaᴋsoaᴋ sajukpiluktitsomavlugo.

Jesaiase 2:21

Pullajomavlutiglo ᴋairtut ᴋongnânginut ᴋairosunginullo Nâlekab sivoranarninganit pitsartujoᴋsôninganillo opinadlartomit, nikkovilerpat, nunaᴋsoaᴋ sajukpiluktitsomavlugo.

Jesaiase 32:13

Inuᴋotima perorsêvinganne ukpiganik perornerdluktuniglo kakkilautilingnik perortoᴋaromârpoᴋ, taimaktauᴋ iglut allianartut ᴋângine, iglugasaksoarne allianartolingne.

Jesaiase 34:13

Iglutsianginelo ukpigaᴋaromârpoᴋ kakkilautilingnik, perornerdluktullo ônarnartut kakkilautiggillo iglunginẽtsomârput sanamatsiartune; terrianiangajut innigijomârpait, staraussillo tagvanêtsomârput.

Hosea 10:2

Omatingit maggoilisimavut; mâna pidlaraksauvlutik naipitauniarput; tâpsoma annaulârpait tunerguservingit, napajoliarimajangillo asserorlugit.

Hosea 10:5

Samariamiut noggangoat Bet-avenemêtut oggorijomârpait, inungita kiksautigivât, ajoᴋertuijungitatauᴋ ᴋuviasuteᴋalauᴋtut tâpsominga, pinnarnarnerilauᴋtanga pêjartaungmat.

Hosea 10:9

Israêle, Gibeab uvlunginit idluitulidlarpotit; tagvane nangilauᴋput; tikitauᴋonagit unatarnermut idluinerub ᴋitornganginit pijomut.

Hosea 2:6

Tamanna pivlugo, ahâk, apᴋutiksat kakilautilingnik avaluᴋtâromavara, upkolioromavungalo tâpsomunga, apᴋutiksarsiᴋonago.

Hosea 4:13

Tunergutinik ôtaksanik tunitjivut ᴋaᴋᴋaᴋsuit ᴋângine, tipigiksautiniglo isserluanititsivut ᴋaᴋᴋane, napârtut sittijuksajat, ᴋairoliujallo, kutsulillo atâne, taggaliningit piojorijôgamigit; tamanna pivlugo panise assiniarput, nuliaksaselo anguniarput.

Hosea 4:15

Igvit, Israêle, anguniarpagaloaruvit, Jûda pidlaraksautiniaranetôᴋ; majorarniaraselo Gilgalemut, paungarniaraselônêt Bet-a-venemut, angermariniaraselo oᴋarluse: Sorlo mikseᴋârtomik Nâlegaᴋ inôngmat.

Hosea 5:8

Nipliajolijaritse Gibeame, tiptulausijaritse Ramame: kamasârileritse Bet-aveneme, tunungne, Benjamin.

Hosea 8:5

Noggangoat tâpsoma ajaktorpâ, Samaria; ningarnera tâpkonunga ilungertorpoᴋ; ᴋanoᴋ sivitutigilârᴋâ ivsornainermut tikiutiᴋârtinagît?

Hosea 9:6

Takoitse, ᴋemâvut asserortaunermit, Egiptenible katersoromârpait: Memfisiblo iluveromârpait: perortut ônartut pigilârpait perᴋutingit silbereojut: ukpigaillo kakilautilit tupinginêlârput.

Amos 1:5

Damaskusiblo palangairutinga serᴋomidlaromavara, Aveniblo naksanganêtok kipijomavlugo, ataniublo ajaupianganik tigumiartok Edenib iglunganit; Siriablo inungit aularutijaujomârput Kiremut, oᴋarpok Nâlegak.

Amos 3:14

Uvlorme akkiniariartoromavimne Israêlib tapaninginik tâpsomunga, Betelib tunerguservingit nelipsaromagivakka, tunerguserviublo nakjungit nakkataulârput nunamut kataklutik.

Amos 7:9

Israêliblo poᴋtoningit sunairutijomârput, Israêliblo ivsornaitovingit asserortaulârput; saviksoalijarlungalo Jerobeamib ᴋitorngangit pigiaromârpakka.

Amos 8:14

Tâpkoa angermariktut Samariab ajorninga taivlugo, oᴋartut: Sorlo mikseᴋârtomik Gudit inôngmat, Dane; imâglo: Sorlo mikseᴋârtomik ilusiojok Bersabame inôngmat; tâpkoa ilâ oggolârput, makiniarungnailutik.

Migga 1:13

Lakiseme igloᴋartotit, pangaliktut sukalidlartut pitusârkit ᴋamutînut aksaloalingnut; tâmna sivorliovlune Zionib paninga idluitulitilauᴋpâ; Israêlib tapaningit nagvârtaulaungmatta ilingne.

Migga 1:5

Jâkob tapatoninga, Israêliblo ᴋitorngangita idluituliningit, pitjutauvut tamattomunga tamânut. Jâkob tapaninga sunauvâ? Samaria-ungilâᴋ? Jûdablo poᴋtoningit sunauvât? Jerusaleme-ungilât?

Nahum 3:11

Igvittauk talalârpotit, ijertaulârpotit; igvittauk uneᴋsiorviksarsiolârpotit ômigijingnit.

Lukase 23:30

ᴋakᴋâlungnut oᴋaromâlerput tagva: Sittôrvigidlartigut! ᴋakᴋârulangnullo: Uliktigut!

Deuteronomy 9:21

Idluitulijutigijaselo, tagva noggangoaliarimajase, tiguvara ôtilugolo ikomamut, katjuklugolo serᴋalimarikpara, argjatitut îtilugit; argjallo tâpkoa egipakka kôngmut ᴋakᴋamit kôktomut.

Takotitaunermik 6:16

Oᴋarlutiglo ᴋakᴋanut imnaksoarnullo: Sitorvigitigut mattuvluta iksivautaᴋsoarme ijsivajub kênanganit, Saugârsublo ningausinganit,

Takotitaunermik 9:6

Uvlune taipkonane inuit toᴋo ᴋenerasuarniarpât, nenninagolo, toᴋojomanermik kajungilârniarput, toᴋuble ᴋemâniarpait.