Hosea 10:14 - Labrador Inuttitut Heritage Bible

¹⁴ Taimaimat pikablâdlartoᴋalârpoᴋ inuᴋotivit akorngane, serngnigijauviksatillo ilûnatik asserortaulârput, sorlo Salmanib Betarbele asserorlaungmago taipsomane unatarnerme: anânaᴋ egitauvlune serᴋalitaulaungmat ᴋitorngane ilagilugit.

Hosea 10:14 Iomraidhean Croise

Genesis 32:11

Piulilaungatôᴋ angajuma agganginit, Esauib agganginit, sivôragigapko, tikkidlaroarmat pidlarlunga arnallo sorrutsillo.

II Atannit 17:16

Nâlekable Gûdemik perkojangit ilunnaita kemmakpait, sennalutiglo ingmingnut nochangoangnik kovijaumajungnik, nappartuniglo; tuksiarlutiglo ᴋilaub ᴋattimgajoksoanginut ilunnainut kivgartorlarmiglo Baalemik;

II Atannit 17:3

Tapsomunga Salmanasser Assiriamiut atanningat tikkilerpok sorsuklune. Hosealo kivgangorpok tapsomunga, tunnitsivigivâlo pilliutinik.

II Atannit 18:33

Innuᴋattigêksuit assipse Gûdingita attunît nunakotitik piulilaurivattigik Assiriamiut atanningata agganginit?

Jesaiase 17:3

Efraimiblo iglugasaksoangit avaluᴋsoalît Damaskusiblo atttaniovinga nungutaujomârput, amiakôjullo Siriame adsigijomârpât Israêlikkut nertornarningat, oᴋarpoᴋ ᴋilangmiugasaksuit Nâlegangat.

Jesaiase 33:14

Idluitullijut Zioneme ᴋoaᴋsârput, piungitut sajungnermut tikkitauvut (oᴋarpullo): Nallipta ikkoma nungutsijoᴋ najorlugo ajungilâ? Nallipta ikkomaᴋsoaᴋ ᴋamisuitoᴋ najorlugo ajungilâ?

Jeremia 13:14

Pilukautitsomavakka aglât atâtat ernerillo pilukautitilugit, Nâlagaᴋ oᴋarpoᴋ; naiperᴋutigosungneᴋaromangilanga, kikkitsijomanangalo, nâpkigosungneᴋaromangilangalo, asserortautailititsomangilakka.

Jeremia 48:41

Keriot pijauvoᴋ, iglugasaksoangit sôngojut suingartauvut, Moabiblo pitsartujungita ômatingit ilingalârput naliutome tâpsomane arnab ernisuktûb ômatingatut.

Hosea 10:15

Taimak piniarviolârpose Beteleme idluitoᴋsônise pivlugit: ᴋaulertainartilugo Israêlib ataninga kipijaumarigomârpoᴋ.

Hosea 13:16

Samariab pidlartaujutiksane nangmaraksarivait; Gudine pikablâvigingmago; saviksoarmut oggotitaulârput; nutarârsungit egitaulutik serᴋalitaulârput, arnangillo singaijut sêᴋtaulârput.

Amos 3:14

Uvlorme akkiniariartoromavimne Israêlib tapaninginik tâpsomunga, Betelib tunerguservingit nelipsaromagivakka, tunerguserviublo nakjungit nakkataulârput nunamut kataklutik.

Amos 3:8

Loeve erinaloaᴋijâdlarpok, kina erᴋsiniangilâk? Nâlegak Nâlegaujok oᴋarsimavok, kina nalautaitailijungnarᴋâ?

Amos 9:5

Nâlekab Gûdib Zebaotib nuna aktormago, aukporlo tagva, tagvanelo nunalit ilûnatik kiksadlalârput; kôksoatullo kutjilârpok; kôkililermivlunelo Egiptenib kôksoangatut;

Migga 5:11

Nunavîllo iglugasaksoangit kipijomavakka, taluksoatillo ilûnaita oggotitsomârpakka.

Nahum 3:10

Taimaigaloartilugole tigujauvlune aularutijauvok; sorusearsungit egitauvlutik serᴋalitaulauᴋput apᴋosineâlungita ilûnatik issungine; erᴋanartungit imerautigijauvut, angutingitalo piluartungit ilûnaita ᴋelaumgujanut ᴋelaksortaulauᴋput.

Nahum 3:12

Ungalujijoksoatit ilûnatik napârtutitut paungatannaktaliktutitut pijariorutinik ilingavut, aulajârtitaugunik katakput kâdlartûb ᴋaninganut.

Habakûb 1:10

Ilâ, atanernik mitauteᴋadlarput, angajoᴋâksoaniglo naggonauteᴋadlarput; ungalujijoᴋsuit ilûnnaita allêᴋutigivait; ibjunik kalerêktitsigamik tigulugillo.