Hosea 10:12 - Labrador Inuttitut Heritage Bible

¹² Karngasoigitse nangminipsingnut idluarnerme, katersoiluselo nâpkiningneᴋ maliklugo; nunase poagijartaumangitoᴋ poagijarsiuk: neliutilermat Nâlegaᴋ ᴋenerlugo, tikerᴋartinago, koverarluselo idluarnermik.

Hosea 10:12 Iomraidhean Croise

Imgerut 105:4

Nâlegak sôngoningalo apperᴋutigissigik; kênanga ᴋennitsainarsiuk.

Imgerut 72:6

Aᴋᴋaromârpok sillaluktut nunamut iviksukatalingmut nakkarsimaviojomut sorlo, kutititut nunamik kausertitsijutitut.

Salomob Okâl 11:18

Gûdeᴋangitut sulliningit piksarsivut nellangaitunik; idluarnermigle karngasoijub, tapsoma akkilertauninga nellagôrpok.

Salomob Okâl 18:21

Toᴋolo inôserlo oᴋab sôngoninganepûk; mattomingalo ᴋuviasuteᴋartok, perortunginik nerrijomârpok.

Okaluktok 11:6

Uvlâkut kângasûteᴋotitit kângasorkit, unnungmelo aggaktit allartailitikit; ᴋaujimanginavit tamanna imnalônêt sulingitailigalloarmangât; tamarmiglo sulingitailinajarpânik, nâmanerpaunajarpok.

Jesaiase 30:23

Tagva sillalungmik pititsijomârpoᴋ karngasûtinut karngasortarnut perorsêvingmut nerᴋiksaᴋartitsivlunelo perorsêviub perortunginik nekoᴋsinartunik ânanâniglo; taipsomane nergjuteᴋotitit nerrinasugomârput iviksukatalingme angidlartome.

Jesaiase 31:1

Kappianarmek attâlertut Egiptenemut ikajortaujomamut, horsit tattigivlugit, ᴋammutillo sungertûtigivlugit, unudlarmatta, sorsuktuksallo horselijartut, pitsartudlarmatta; ivlernartitorle Israêlikkune ârlorvigingilât Nâlegarlo apperᴋutiginago.

Jesaiase 32:20

Pillorikpose, illipse karngasoijose imersoarne tamaine, tuktuvait siuterᴋortojullo ittiganginik aulatsijose.

Jesaiase 44:3

Imermik kovisijomârama imeruktomut kôngniglo pannertomut; anernera kovijomârpara ᴋitorngarnut saimarsautigalo kinguvângnut.

Jesaiase 45:8

Kilait, kussileritse pângat, nuvujanillo idluarnermik ᴋorlortoᴋarle! Nuna aitarle, piulijaujutiksamik annititsivlune, idluarsartaujutiksamiglo nuilertitsivlune. Uvanga Nâlegaujunga tamanna pingortipara.

Jesaiase 48:18

Kanoᴋtôᴋ perᴋojakka nâleksigik! tagva ullapirsauteᴋarnit kôktut illinganajarpoᴋ idluarsinillo imarbiksûb mallingititut.

Jesaiase 5:6

Nungutitsomavaralo pairijautailitillugo poagijartautailitillugolo; perortoᴋaromârpoᴋ ukpiganik perornerdluktuniglo kakkilautilingnik, nuvujallo inerteromavakka sillalugviorᴋonnago.

Jesaiase 54:14

Idluarsainipkut tungavilertaujomârpotit. Issumajârungnairit sâlagijaugiamik, sivorajariaᴋaromânginavit, ᴋoaᴋsârnartomiglõnêt, tamattomunga tikkitaujomâtsanginavit.

Jesaiase 55:6

Nâlekamik ᴋennileritse, nagvârtaujungnarmat, nipliavigisiuk ᴋannidlarmat!

Jeremia 50:4

Uvlune taipkonane, naliutomelo tâpsomane, oᴋarpoᴋ Nâlagaᴋ, Israêlib ᴋitorngangit tikilârput, tâpkoa Judablo ᴋitorngangit ilagêklutik; ingeraromârput ᴋeavlutik, ᴋeneromârpullo Nâlakamik Gudimingnik.

Hesekiel 34:26

Saimauseromârpakkalo tâpkoalo ᴋaᴋᴋamalo avatânêtut; silaluᴋojijomârpungalo neliuningine; suarutseraromârpok saimanartolingnik.

Hosea 12:6

Tamanna pivlugo sâgiarit Gudingnut; nâpkiningneᴋ idluarsainerlo aulartailitikik, sorairnaglo Gudît nerriugvigiuk.

Hosea 14:1

Israele, utilaurit Nâlekamut Gudingnut, oggosimagavit idluinitit pivlugit.

Hosea 6:3

Nâlegarlo ilitarilerlavut, ilâ, ilitariganerlugo; tâpsoma anininga uvlub ᴋaulerningatut nelonangitigivoᴋ; tikilârpâtigullo silaluktut, silaluktut kingorliojotut koveraijotut nunamik.

Hosea 8:7

Anoremik karngasoivut, katersilârpulle ulajujaᴋsoarmik; iviksukaᴋangilaᴋ senaugaksanik; sulugainingit senaugaksatârnialungilat; pitârajaraloaruniglo, takorngartat ênajarpait.

Amos 5:15

Ajortok ômigisiuk, ajungitok ungagilugo, idluarsainerlo atortautisiuk itertarvingme; immaᴋâ Nâlekab, Gudib Zebaotib, Josefib amiakoa saimarsaivigijomârpait.

Amos 5:4

Imâk Nâlegak oᴋarmat Israêlib ᴋitornganginut: ᴋeneritse uvamnik, tagva inôjomârpose;

Amos 5:6

Nâlegak ᴋenersiuk, inôjomârpose tagva; ikomatut ikoâlaliaᴋiᴋonago Josefib ᴋitornganginut, nungûtsilune, ᴋamitisijoᴋarungnartinago Beteleme;

Amos 5:8

ᴋenersiuk uvloritjanik killulerektunik siaktuniglo sanajok, toᴋub tagganganik ablatsangortitsijok uvlângordlugo, uvlorlo unnuaᴋtut tâᴋtungordlugo; ᴋaiᴋojijok imarbiub imanginik nunablo ᴋânganut kovilugit; Nâlekamik ateᴋartok;

Lukase 13:24

Ilungertoritse, itervikitoᴋut iterniarᴋovluse; oᴋaupapse: unuktut pinasuarniarput iteromavlutik, iterungnarniaratiglo.

Apostelit Piniarningit 2:18

Uvlune taipkonane kivgamnut angutinut arnanullo Anernera kovijomavara, nalautsitiksaniglo oᴋaromârput.

II Korintemiunut 9:10

Karngasoijomulle tunijijoᴋ karngasûtinik, ᴋaᴋᴋôjaniktauᴋ nerᴋiksanik tunijijomârivoᴋ, karngasûtiselo unuksivalliatitsomârpait aglivalliatilugillo idluarnipse perortitangit.

Jâkobusib 3:18

Idluarnerle taimaitut maliktingat karngasûtaulerpok ullapirsaume, taipkonunga ullapirsaumik atortunut.