8 Sôrlo takkolauralloarama siorniornermik makpiteraijut, piulijaunangitomiglo kangasuilauktut, kattersuilaurivut tamattominga;
Uivêrijaumajok sunautsengitomik tetteᴋarniarane; sunautsengitomik akkeᴋarniarame.
Singaivut pijaksaungitomik, ernilutiglo siorniornermik nângillo sakᴋêvut alliktuamik.
Tamânna pivlugo nerrijuksauvut illutsimik ᴋaitanginnik, kajusinermingniglo akᴋeartortuksauvlutik.
Idluangitomik karngasoijok, merngortornartomik kattersijomârpok, kassêningatalo issakautinga nungujomârpok.
Uvlorme illijiviojome udjertuluaralloarpattit, uvlâkullo karngarsortatit perotsiartipattit, kissianele kattersoidlaromârpotit uvlorme kiksanartome, ãnianartolingme oᴋautaujungnangitomik.
Iluserijatit piniarnitillo tikititsivut tamakkoninga ilingnut; tagga idluitulinerijatit; piungitoᴋsôdlarmatta, ômatingnut ilingangmatta.
Anoremik karngasoivut, katersilârpulle ulajujaᴋsoarmik; iviksukaᴋangilaᴋ senaugaksanik; sulugainingit senaugaksatârnialungilat; pitârajaraloaruniglo, takorngartat ênajarpait.
Imâgle issumavunga: Ikinârlugit karngasoijoᴋ ikituniktauᴋ katersoijomârivoᴋ; ununârdlugillo karngasoijoᴋ, unuktuniktauᴋ katersoijomârivoᴋ.